28-modda. Foydalanuvchilarning huquqlari

Foydalanuvchilar quyidagi huquqlarga ega:

umumiy foydalanishdagi telekommunikatsiyalar tarmoqlari xizmatlaridan foydalanish;

oʻz foydalanuvchi qurilmalarini qonunchilikda belgilangan shartlar asosida va tartibda umumiy foydalanishdagi telekommunikatsiyalar tarmoqlariga ulash;

operatorlar va provayderlar tomonidan belgilangan qoidalarga muvofiq oʻz vaqtida va sifatli xizmatlar koʻrsatilishini talab qilish;

texnik imkoniyatlar mavjud boʻlgan taqdirda operatorlar va provayderlarni erkin tanlash;

muayyan xizmatlarga doir alohida tarif rejalaridan operator tomonidan belgilangan shartlarga muvofiq maqsadli foydalanish;

operator va provayder shartnomada kelishilgan shartlarni buzgan taqdirda telekommunikatsiyalar xizmatlarini rad etish;

telekommunikatsiyalar xizmatlarini koʻrsatmaganlik yoki lozim darajada sifatli xizmatlar koʻrsatmaganlik natijasida yetkazilgan zararlarning oʻrni qoplanishini, maʼnaviy ziyonning kompensatsiya qilinishini talab etish;

oʻz huquqlari buzilgan taqdirda vakolatli davlat organlariga yoki sudga murojaat qilish.

Foydalanuvchilar qonunchilikka muvofiq boshqa huquqlarga ham ega boʻlishi mumkin.