“331-modda. Sugʻurta polisi

Sugʻurta shartnomasiga yoki sugʻurta qoidalariga asosan belgilangan sugʻurta mukofotining toʻlanganligini va sugʻurtalovchining sugʻurtaga oid majburiyatlari kuchga kirganligini tasdiqlovchi hujjat sugʻurta polisi hisoblanadi.

Sugʻurta mukofoti toʻlanmasdan sugʻurta polisi berilgan hollarda sugʻurtalovchi sugʻurtaga oid majburiyatlar bajarilishini toʻliq taʼminlashi lozim”;

15) 35-modda quyidagi mazmundagi uchinchi qism bilan toʻldirilsin:

“Sugʻurtalovchilarning (qayta sugʻurtalovchilarning), sugʻurta brokerlarining hamda ular alohida boʻlinmalari rahbarlarining va bosh buxgalterlarining malaka talablariga muvofiqligini aniqlash tartibi vakolatli davlat organi tomonidan belgilanadi”;

16) 36-moddaning:

birinchi qismi quyidagi mazmundagi beshinchi xatboshi bilan toʻldirilsin:

“sugʻurtaga oid qonunchilik hujjatlari boʻyicha yetarlicha bilimga va ijobiy ishchanlik obroʻsiga ega boʻlishi”;

ikkinchi qismi quyidagi tahrirda bayon etilsin:

“Sugʻurtalovchining (qayta sugʻurtalovchining) va sugʻurta brokerining bosh buxgalteri “Buxgalteriya hisobi toʻgʻrisida”gi Oʻzbekiston Respublikasi Qonunida belgilangan talablarga hamda buxgalteriya va sugʻurtaga oid qonunchilik hujjatlari boʻyicha yetarlicha bilimga va ijobiy ishchanlik obroʻsiga ega boʻlishga doir talablarga muvofiq boʻlishi kerak”;

17) 38-modda:

birinchi qismining birinchi xatboshisidagi “hamda ularning alohida boʻlinmalarining ustav fondining (ustav kapitalining)” degan soʻzlar “ustav fondida (ustav kapitalida)” degan soʻzlar bilan almashtirilsin;

ikkinchi qismi quyidagi tahrirda bayon etilsin:

“Sugʻurtalovchining (qayta sugʻurtalovchining) va sugʻurta brokerining ustav fondida (ustav kapitalida) ancha ulushga ega boʻlgan mulkdorlariga hamda benefitsiarlariga qoʻyiladigan talablarni amalga oshirish mexanizmi, shuningdek sugʻurtalovchi (qayta sugʻurtalovchi) va sugʻurta brokeri ustav fondining (ustav kapitalining) ancha ulushi miqdori qonunchilik hujjatlarida belgilanadi”;

18) 44-modda:

nomidagi “litsenziyasining amal qilishini tugatishning” degan soʻzlar “litsenziyasi bekor boʻlishining” degan soʻzlar bilan almashtirilsin;

birinchi qismidagi “Litsenziyaning amal qilishi tugatilgan kundan” degan soʻzlar “Litsenziya bekor qilingan kundan” degan soʻzlar bilan almashtirilsin;