“14-modda. Davlat soliq xizmati organlari mansabdor shaxslari va xodimlarini ijtimoiy himoyalash, ularning mulkiy va shaxsiy nomulkiy huquqlarini muhofaza qilish”;

ikkinchi qism quyidagi tahrirda bayon etilsin:

“Davlat soliq xizmati organlarining mansabdor shaxslari, shuningdek xodimlari qonunda belgilangan tartibda ish beruvchining fuqarolik javobgarligini majburiy sugʻurta qilish boʻyicha sugʻurtalanishi lozim”.

4-modda. Oʻzbekiston Respublikasining 2008-yil 21-aprelda qabul qilingan “Transport vositalari egalarining fuqarolik javobgarligini majburiy sugʻurta qilish toʻgʻrisida”gi OʻRQ-155-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2008-yil, № 4, 191-modda; 2010-yil, № 9, 337-modda; 2011-yil, № 4, 99-modda; 2013-yil, № 4, 98-modda; 2015-yil, № 6, 228-modda; 2018-yil, № 4, 224-modda; 2020-yil, № 11, 652-modda; 2021-yil, 4-songa ilova, № 8, 803-modda; 2022-yil, № 5, 464-modda; 2023-yil, № 1, 2-modda; 2024-yil, № 2, 111-modda; 2025-yil, № 2, 188-modda) quyidagi oʻzgartirish va qoʻshimchalar kiritilsin:

1) 3-moddaning:

sakkizinchi xatboshisi quyidagi tahrirda bayon etilsin:

“sugʻurta summasi — muayyan summa boʻlib, sugʻurtalovchi sugʻurta tovonini (sugʻurta toʻlovini) sugʻurta shartnomasi boʻyicha ushbu summa doirasida toʻlash majburiyatini oʻz zimmasiga oladi”;

oʻn birinchi xatboshisidagi “sugʻurta puli” degan soʻzlar “sugʻurta summasi” degan soʻzlar bilan almashtirilsin;

2) 5-moddaning ikkinchi qismi quyidagi tahrirda bayon etilsin:

“Majburiy sugʻurta shartnomasi boʻyicha sugʻurta qildiruvchining va (yoki) majburiy sugʻurta shartnomasida koʻrsatilgan transport vositasi boshqa egasining, shuningdek transport vositasidan foydalanuvchilarning soni cheklanmagan holda foydalanishdagi boshqa egalarining fuqarolik javobgarligi sugʻurtalanishi mumkin”;

3) 15-modda:

ikkinchi qismidagi “shuningdek maxsus davlat belgisini” degan soʻzlar chiqarib tashlansin;

uchinchi qismi quyidagi tahrirda bayon etilsin:

“Sugʻurta polisi qonunchilikka muvofiq rasmiylashtiriladi”;

toʻrtinchi qismi chiqarib tashlansin;

beshinchi va oltinchi qismlari tegishincha toʻrtinchi va beshinchi qismlar deb hisoblansin;

toʻrtinchi qismining sakkizinchi xatboshisidagi “sugʻurta puli” degan soʻzlar “sugʻurta summasi” degan soʻzlar bilan almashtirilsin;