26-modda. Davlat sirlaridan foydalanishga doir ruxsatnoma berishning alohida tartibi

Quyidagi shaxslarga davlat sirlaridan foydalanishga doir tegishli shakldagi ruxsatnoma tekshiruv tadbirlari oʻtkazilmasdan rasmiylashtiriladi:

Oʻzbekiston Respublikasi Prezidentiga — lavozimga kirishgan paytdan eʼtiboran vakolatlari muddatiga;

Oʻzbekiston Respublikasi Bosh vaziriga — lavozimga tayinlangan kundan eʼtiboran vakolatlari muddatiga;

Oʻzbekiston Respublikasi Oliy Majlisi Qonunchilik palatasining deputatlariga — ular saylangan kundan eʼtiboran vakolatlari muddatiga;

Oʻzbekiston Respublikasi Oliy Majlisi Senatining aʼzolariga — ular saylangan (tayinlangan) kundan eʼtiboran vakolatlari muddatiga;

Oʻzbekiston Respublikasi sudyalariga — ular saylangan (tayinlangan) kundan eʼtiboran vakolatlari muddatiga;

Oʻzbekiston Respublikasi Oliy Majlisi palatalari tomonidan saylangan yoki Oʻzbekiston Respublikasi Prezidentining taqdimiga binoan Oʻzbekiston Respublikasi Oliy Majlisining Senati tomonidan saylangan va tayinlangan shaxslarga — oʻz xizmat faoliyati davriga;

Oʻzbekiston Respublikasi Prezidenti davlat xavfsizlik xizmatiga lavozimga tayinlangan shaxslarga — oʻz xizmat faoliyati davriga;

Oʻzbekiston Respublikasi Davlat xavfsizlik xizmatiga lavozimga tayinlangan shaxslarga — oʻz xizmat faoliyati davriga;

Oʻzbekiston Respublikasi Prezidenti tomonidan lavozimga tayinlangan shaxslarga — oʻz xizmat faoliyati davriga.