158-modda. Hududlarni ijtimoiy-iqtisodiy jihatdan rivojlantirishga doir majburiyatlar

Qattiq holdagi foydali qazilmalarning asosiy turlarini qazib olishga doir ruxsatnomaga ega boʻlgan yer qaʼridan foydalanuvchi foydali qazilmalarni qazib olish davri mobaynida, foydali qazilmalarni qazib olish boʻyicha ishlar boshlanishining ikkinchi yilidan eʼtiboran uglevodorodlarni qazib olishga doir ruxsatnomaga ega boʻlgan yer qaʼridan foydalanuvchi yoki yer qaʼri uchastkasidan foydalanishni foydali qazilmalarni qazib olish bilan bogʻliq boʻlmagan maqsadlarda amalga oshiradigan yer qaʼridan foydalanuvchi har yili yer qaʼridan foydalanish uchun sotib olinadigan tovarlar (ishlar, xizmatlar) mahalliy qamrovi ulushi sotib olingan tovarlar (ishlar, xizmatlar) umumiy hajmining kamida ellik foizi darajasida boʻlishini taʼminlashi shart (bundan investitsiya kiritish davrida yoki keyingi kengaytirish davrida togʻ-kon qayta ishlash (boyitish) sohasidagi ishlab chiqarishlarni va tegishli infratuzilmani qurish uchun sotib olinadigan tovarlar, ishlar hamda xizmatlar mustasno).

Agar yer qaʼridan foydalanuvchi Oʻzbekiston Respublikasida resurslar mavjud emasligi sababli ellik foizli maqsadli koʻrsatkichni bajara olmasa, yer qaʼridan foydalanuvchi va Yer qaʼridan foydalanish markazi muayyan vaqt davri uchun pastroq maqsadli koʻrsatkichni kelishib olishi mumkin.

Hududlarni ijtimoiy-iqtisodiy jihatdan rivojlantirishni moliyalashtirishning belgilangan minimumdan ortiqcha hajmi yer qaʼridan foydalanuvchining keyingi yildagi tegishli majburiyatlarining bajarilishi hisobiga oʻtkazilishi lozim.

Yer qaʼridan foydalanuvchi oʻzining har yilgi hisobotiga ijtimoiy-iqtisodiy rivojlantirish toʻgʻrisidagi batafsil axborotni kiritishi shart.