150-modda. Yer qaʼridan foydalanuvchining kadastr kvadrati yuzasidagi yer uchastkasining monitoringini amalga oshirish boʻyicha majburiyati

Yer qaʼridan foydalanuvchi konni yopishning tasdiqlangan rejasida va yer uchastkasini tiklash boʻyicha tegishli rejada nazarda tutilgan barcha chora-tadbirlarni bajarganidan keyin yer qaʼridan foydalanuvchi Yer qaʼridan foydalanish markazini tegishli reja bajarilganligi toʻgʻrisida yozma shaklda xabardor qiladi.

Yer qaʼridan foydalanuvchi tegishli rejada nazarda tutilgan barcha chora-tadbirlar amalga oshirilgan sanadan eʼtiboran olti oy ichida Yer qaʼridan foydalanish markaziga ishlar tugallanganligi toʻgʻrisidagi hisobotni taqdim etadi, hisobot ushbu barcha chora-tadbirlar toʻliq hajmda amalga oshirilganligi toʻgʻrisidagi axborotni oʻz ichiga oladi. Hisobotda quyidagilar nazarda tutiladi:

1) tegishli rejaning asosiy bosqichlariga qay tarzda erishilganligining tavsifi;

2) konni yopish, shu jumladan yer uchastkasini tiklash boʻyicha barcha chora-tadbirlar tegishli reja shartlariga muvofiq bajarilganligi dalillari;

3) monitoring va texnik xizmat koʻrsatish boʻyicha uchinchi tarafning mustaqil tekshiruvi bilan bir vaqtda koʻrilgan chora-tadbirlarning natijalari;

4) faoliyat tugatilganidan keyin atrof-muhit namunalarini tadqiq etish natijalari;

5) ruxsatnomada nazarda tutilgan yer uchastkasida qolgan, biror-bir konchilik yoki neft-gaz infratuzilmasi obyektlari bilan bogʻliq ravishda yuzaga keladigan potensial xavflarni boshqarish uchun koʻrilgan chora-tadbirlar;

6) amalda qilingan xarajatlarning batafsil tavsifi va prognoz qilingan xarajatlarga nisbatan biror-bir farqning tushuntirilishi.

Yer uchastkasini tiklash boʻyicha tasdiqlangan chora-tadbirlar amalga oshirilganidan keyin yer qaʼridan foydalanuvchi Yer qaʼridan foydalanish markazining yozma soʻroviga koʻra, reja amalga oshirilganidan keyin ikki yil ichida oʻz hisobidan va nazorat ostida yer uchastkasida yer qaʼridan foydalanish sohasidagi faoliyati taʼsirining kutilayotgan turi va miqyoslarini aniqlash maqsadida oʻlchashlar oʻtkazishi hamda quyidagi hollarda har qanday nomaqbul oqibatlarning monitoringini amalga oshirishi shart, agar:

1) yer qaʼridan foydalanish boʻyicha ishlarning amalga oshirilishi yer uchastkasiga zarar yetkazgan va mavjud fizik inshootlarga salbiy taʼsir koʻrsatgan boʻlsa;

2) biror-bir shunday zarar yuzaga kelishini kutishga oqilona asoslar mavjud boʻlsa;