148-modda. Yer uchastkasini tiklash boʻyicha rejaning amal qilish muddati va unga oʻzgartirishlar kiritish

Ushbu moddaning ikkinchi qismiga muvofiq ilgari oʻzgartirishlar kiritilmagan yer uchastkasini tiklash boʻyicha reja haqiqiydir va u quyidagi hollarda ijro etilishi lozim:

1) agar u geologik jihatdan oʻrganish loyihasining bir qismi boʻlsa — geologik jihatdan oʻrganishga doir ruxsatnomaning butun amal qilish davrida;

2) agar u qattiq holdagi foydali qazilmalar konini oʻzlashtirish loyihasining bir qismi boʻlsa, — tegishli reja Yer qaʼridan foydalanish markazi tomonidan tasdiqlangan kundan eʼtiboran ikki yil ichida;

3) agar u neft-gaz konini oʻzlashtirish loyihasining bir qismi boʻlsa, — reja Yer qaʼridan foydalanish markazi tomonidan tasdiqlangan kundan eʼtiboran besh yil ichida.

Yer qaʼridan foydalanuvchi yer uchastkasini tiklash boʻyicha rejaga, uning mazmunida biror-bir jiddiy oʻzgarishlar boʻlgan taqdirda, oʻzgartirishlar kiritish niyati haqida Yer qaʼridan foydalanish markazini yozma shaklda xabardor qilishi shart.

Yer qaʼridan foydalanish markazi yer uchastkasini tiklash boʻyicha rejaga yer qaʼridan foydalanuvchi tomonidan taklif etilgan barcha oʻzgartirishlarni yigirma ish kuni ichida koʻrib chiqadi.