144-modda. Yer qaʼridan foydalanish oqibatlarini tugatish boʻyicha rejaning yoki yer qaʼri uchastkasini foydalanishdan chiqarish boʻyicha rejaning amal qilish muddati va ularga oʻzgartirishlar kiritish

Yer qaʼridan foydalanish oqibatlarini tugatish boʻyicha reja yoki yer qaʼri uchastkasini foydalanishdan chiqarish boʻyicha reja amaldagi reja hisoblanadi, agar u;

1) qattiq holdagi foydali qazilmalarni geologik jihatdan oʻrganishga doir ruxsatnomaning butun amal qilish davri uchun qattiq holdagi foydali qazilmalarni geologik jihatdan oʻrganish loyihasining bir qismi boʻlsa;

2) qattiq holdagi foydali qazilmalar konini oʻzlashtirish loyihasining bir qismi boʻlib, ushbu loyiha Yer qaʼridan foydalanish markazi tomonidan tasdiqlangan sanadan eʼtiboran kamida ikki yil oʻtgan boʻlsa;

3) ruxsatnomaning butun amal qilish davri uchun uglevodorodlarni geologik jihatdan oʻrganish loyihasining bir qismi boʻlsa;

4) Yer qaʼridan foydalanish markazi tomonidan tasdiqlangan sanadan eʼtiboran besh yil mobaynida uglevodorodlar konini oʻzlashtirish loyihasining bir qismi boʻlsa.

Yer qaʼridan foydalanish oqibatlarini tugatish boʻyicha rejaning yoki yer qaʼri uchastkasini foydalanishdan chiqarish boʻyicha rejaning mazmuniga jiddiy oʻzgartirishlar kiritilgan taqdirda, yer qaʼridan foydalanuvchi rejaga tegishli oʻzgartirishlar kiritilganligi haqida Yer qaʼridan foydalanish markazini yozma ravishda xabardor qilishi shart.

Yer qaʼridan foydalanish markazi yer qaʼridan foydalanish oqibatlarini tugatish boʻyicha rejaga yoki yer qaʼri uchastkasini foydalanishdan chiqarish boʻyicha rejaga yer qaʼridan foydalanuvchi tomonidan taklif etgan barcha oʻzgartirishlarni ushbu Qonun 57-moddasining ikkinchi qismida yoki 91-moddasida belgilangan tartibda koʻrib chiqadi.