141-modda. Konchilik faoliyati uchun oqibatlarni tugatish boʻyicha yakuniy reja

Ushbu moddaning ikkinchi qismini inobatga olgan holda yer qaʼridan foydalanuvchi konning rejalashtirilayotgan yopilishidan oldin bir yil ichida Yer qaʼridan foydalanish markaziga yer qaʼridan foydalanish oqibatlarini tugatish boʻyicha yakuniy rejani tasdiqlash uchun taqdim etadi.

Agar yer qaʼridan foydalanuvchi tegishli ruxsatnomadan voz kechsa yoki ruxsatnoma uning amal qilish muddati tugaguniga qadar bekor qilinsa, yer qaʼridan foydalanish oqibatlarini tugatish boʻyicha oxirgi tasdiqlangan dastlabki rejaning qoidalari qoʻllaniladi.

Yer qaʼridan foydalanish oqibatlarini tugatish boʻyicha yakuniy reja Yer qaʼridan foydalanish markaziga kiritilgan taqdirda, bunday reja zarur boʻlgan taqdirda quyidagilarni oʻz ichiga oladi:

1) yer qaʼridan foydalanuvchining nomi va manzilini;

2) daxl qilingan kadastr kvadratlari doirasida konchilik faoliyati neft-gaz operatsiyalari uchun foydalaniladigan uchastkaning tavsifini;

3) qazib olingan foydali qazilmalarning tavsifini va yer qaʼridan foydalanish boʻyicha faoliyat davomida olingan boshqa axborotni, xususan, texnik jihatlar va bunday ishlarni amalga oshirish chogʻidagi xavfsizlik nuqtai nazaridan yuzaga keladigan qiyinchiliklar haqidagi axborotni;

4) xoʻjalik yurituvchi subyekt sifatida kondagi texnik-ekspluatatsiya vaziyatining tavsifini va konni oʻzlashtirish xaritasi boʻlmagan taqdirda — ishlarni amalga oshirish sxemasini;

5) konchilik faoliyatining boshlanish sanasini va uni tugatishning dastlabki sanasini, shuningdek bunday tugatishning sabablarini;

6) foydali qazilmalar konining geologik tavsifini va qazib olingan foydali qazilmalarning, shu jumladan konchilik faoliyati toʻkindi uyumlarining inventarizatsiyasini;

7) qayta ishlovchi quvvatlarning tavsifini (tayyor mahsulotning turi, unumdorligi va chiqarib olinishi hamda mavjud boʻlgan kimyoviy tahlillar natijalarini, shu jumladan qoldiqlardagi metallar tarkibi);

8) yer qaʼri uchastkasini foydalanishdan chiqarish boʻyicha ishlar jarayonida hosil boʻladigan chiqindilarni malakali va vakolatli yuridik shaxslar hamda xodimlar tomonidan barcha shunday chiqindilarning qonuniy ravishda tashilishi, qayta ishlanishi, takroran foydalanilishi yoki xavfsiz utilizatsiya qilinishini taʼminlash maqsadida samarali boshqarish boʻyicha rejalashtirilayotgan chora-tadbirlarni;

9) transport vaziyatining va asosiy qazib olish jihatlarining, realizatsiya qilinishi lozim boʻlgan qayta ishlangan foydali qazilmalar hamda ular bilan bogʻliq mahsulotlarni olib chiqish va keyingi tashishlarning tavsifini;