139-modda. Konchilik faoliyati, neft-gaz operatsiyalari va yer qaʼrida saqlash uchun yer qaʼridan foydalanish oqibatlarini tugatishning dastlabki rejasi

Yer qaʼridan foydalanish boʻyicha biror-bir rejalashtirilayotgan faoliyat boshlanishidan oldin foydali qazilmalarni qazib olishga doir ruxsatnomaga ega boʻlgan yer qaʼridan foydalanuvchi yoki yer qaʼrida saqlashga doir ruxsatnomaga ega boʻlgan yer qaʼridan foydalanuvchi yer qaʼridan foydalanishga oid faoliyatni tugatish uchun yer qaʼri uchastkasini foydalanishdan chiqarishning dastlabki rejasini tayyorlashi kerak, u holatlarga qarab quyidagi axborotni oʻz ichiga olishi kerak:

1) yer qaʼridan foydalanishga oid faoliyat tugatilganidan keyin yopilishi lozim boʻlgan yer qaʼri uchastkasining tavsifi;

2) konchilik obyektlarini, neft-gaz infratuzilmasi obyektlarini foydalanishdan chiqarishning, konni yoki yer qaʼrida saqlash obyektlarini yopishning taxmin qilinayotgan sabablari;

3) yer qaʼridan foydalanishga oid faoliyatni tugatishning kutilayotgan davomiyligi;

4) qazib olinishi yoki yer qaʼrida saqlanishi lozim boʻlgan foydali qazilmalarning turi va miqdori;

5) yer qaʼridan foydalanish tugatilganidan keyin yer qaʼri uchastkasida qolishi taxmin qilingan biror-bir foydali qazilmalar zaxiralarining turi va miqdori;

6) zarur boʻlgan taqdirda yer qaʼridan foydalanish boʻyicha, shu jumladan kon qazishmalarini qaytadan toʻldirish chora-tadbirlarini qoʻllash boʻyicha kadastr kvadrati yuzasidagi yer uchastkasida yoki yer qaʼri uchastkasida ilgari bajarilgan ishlar haqidagi hujjatlar;

7) yer usti yoki yer osti hududida oʻrnatilishi kerak boʻlgan yoki allaqachon oʻrnatilgan yoki foydalanilayotgan konchilik obyektlari va uskunalarini yoki omborlarini tugatish, yer qaʼrida saqlash, demontaj qilish, buzib tashlash va ulardan takroran foydalanish uchun amalga oshirilishi rejalashtirilayotgan chora-tadbirlar;

8) chiqindilarni boshqarishning dastlabki rejasi, konchilik va boshqa chiqindilarni qisqartirish, qayta ishlash, rekuperatsiya hamda chiqarib tashlashga oid taklif etilayotgan chora-tadbirlar koʻrsatilgan holda;

9) suv uchun xavfli boʻlgan biror-bir moddalar bilan bogʻliq ishlarni amalga oshirishning taklif etilayotgan usullari;

10) xavfsizlikni taʼminlash va yer qaʼri uchastkasini tiklash boʻyicha xavf-xatarlarni, joriy hamda rejalashtirilayotgan tadbirlarni baholash yuzasidan amalga oshirilishi zarur boʻlgan taklif etilayotgan tadbirlar;