109-modda. Yer qaʼri uchastkalaridan foydalanish huquqiga doir ruxsatnomani qayta rasmiylashtirish

Yer qaʼri uchastkalaridan foydalanish huquqiga doir ruxsatnoma quyidagi hollarda qayta rasmiylashtirilishi mumkin:

1) yer qaʼridan foydalanuvchining nomi oʻzgarganda yoki u qayta tashkil etilganda;

2) ruxsatnomada koʻrsatilgan foydali qazilmalar oʻzgarganda;

3) ruxsatnomaning amal qilish muddati uzaytirilganda;

4) ruxsatnomada koʻrsatilgan kadastr kvadratlari oʻzgarganda;

5) yer qaʼridan foydalanuvchi ruxsatnomada nazarda tutilgan huquqlaridan boshqa vakolatli shaxs foydasiga voz kechganda, shu jumladan garov yoki boshqa taʼminot tarzida berish yoʻli bilan voz kechganda.

Ruxsatnoma zarur tasdiqlovchi hujjatlar bilan birga ariza kelib tushgan kundan eʼtiboran yigirma ish kunidan oshmaydigan muddatda Yer qaʼridan foydalanish markazi tomonidan qayta rasmiylashtiriladi.

Ruxsatnomani qayta rasmiylashtirganlik uchun Yer qaʼridan foydalanish markazi tomonidan ruxsatnoma olishga doir arizani koʻrib chiqqanlik uchun toʻlangan summaning ellik foizi miqdorida yigʻim undiriladi. Yigʻim summasi qaytarilmaydi.

Yer qaʼri uchastkalaridan foydalanish huquqiga doir ruxsatnoma qayta rasmiylashtirilganda davlat yer fondi kadastrining ruxsatnomalar kadastriga tegishli yozuv kiritiladi.