101-modda. Yer ostida saqlash uchun yer qaʼri makonining hududlari

Tabiiy geologik sharoitlari foydali qazilmalarni qazib olish bilan bogʻliq boʻlmagan maqsadlarda foydalanish imkonini beradigan yer qaʼri makoni aniq maqsadga yoʻnaltirilgan geologiya-qidiruv ishlarining natijalari boʻyicha, shuningdek mavjud geologik materiallarning tahliliga koʻra tanlanadi.

Tanlangan yer qaʼri makoni uchastkasining geologik materiallari qonunchilik hujjatlarida belgilangan tartibda davlat ekspertizasidan oʻtkaziladi.

Foydali qazilmalar koni joylashgan kadastr kvadratlari, shuningdek xoʻjalik yer osti ichimlik suvlari kadastr kvadrati yuzasining yer uchastkasida joylashgan kadastr uchastkalari yer ostida saqlash uchun foydalanishga berilishi mumkin emas.

Yer qaʼri makoni uchastkasini foydali qazilmalarni qazib olish bilan bogʻliq boʻlmagan maqsadlarda foydalanish uchun tanlashning asoslanganligi toʻgʻrisidagi qaror Foydali qazilmalar zaxiralari boʻyicha davlat komissiyasi tomonidan qabul qilinadi.

Yer ostida saqlash uchun foydalanilishi mumkin boʻlgan kadastr kvadratlari davlat yer qaʼri fondi kadastrida hisobga olinishi kerak. Bunday kadastr kvadratlari ham, agar boshqacha qoida koʻrsatilmagan va ruxsat etilmagan boʻlsa, ochiq boʻlishi kerak.