“29-modda. Geodeziya va kartografiya faoliyatini amalga oshirish hamda nazorat qilish tartibi
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida (O‘RQ-721-son) · Sana: 12.10.2021 · Amalda
Geodeziya va kartografiya faoliyatini amalga oshirish uchun maxsus vakolatli davlat organi bu haqda belgilangan tartibda xabardor qilinishi kerak. Xabardor qilish tartibi hamda geodeziya va kartografiya bilan bogʻliq ishlarning turlari Oʻzbekiston Respublikasi Vazirlar Mahkamasi tomonidan belgilanadi.
Geodeziya va kartografiya faoliyati yuridik shaxslar tomonidan amalga oshiriladi.
Xabardor qilish tartibida amalga oshiriladigan geodeziya va kartografiya faoliyatini oʻn ish kunidan koʻp boʻlmagan muddatga toʻxtatib turish hamda qayta tiklash toʻgʻrisidagi qarorlar maxsus vakolatli davlat organi tomonidan qabul qilinadi”;
7) 30-moddaning uchinchi qismidagi “litsenziyaga ega boʻlgan” degan soʻzlar “faoliyatini xabardor qilish tartibida amalga oshiradigan” degan soʻzlar bilan almashtirilsin;
8) 39-modda ikkinchi qismining ikkinchi xatboshisidagi “litsenziya talablari va shartlariga” degan soʻzlar “xabardor qilish tartibida amalga oshiriladigan faoliyatga (harakatlarga) doir talablari va shartlariga” degan soʻzlar bilan almashtirilsin;
9) 40-moddaning ikkinchi xatboshisidagi “litsenziya talablari va shartlariga” degan soʻzlar “xabardor qilish tartibida amalga oshiriladigan faoliyatga (harakatlarga) doir talablari va shartlariga” degan soʻzlar bilan almashtirilsin.
36-modda. Oʻzbekiston Respublikasining 2020-yil 23-sentabrda qabul qilingan “Taʼlim toʻgʻrisida”gi OʻRQ-637-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 9, 538-modda; 2021-yil, 4-songa ilova) quyidagi qoʻshimcha va oʻzgartishlar kiritilsin:
1) 3-moddaning sakkizinchi xatboshisi “taʼlim xizmatlari koʻrsatish faoliyatini amalga oshirish huquqini beradigan litsenziya asosida” degan soʻzlardan keyin “yoki xabardor qilish tartibida” degan soʻzlar bilan toʻldirilsin;
2) 23-modda birinchi qismining beshinchi xatboshisi “berish” degan soʻzdan keyin “vakolatli organni ushbu sohada faoliyat boshlash toʻgʻrisida xabardor qilish” degan soʻzlar bilan toʻldirilsin;