“571-modda. Nodavlat taʼlim faoliyatini xabardor qilish tartibida amalga oshirish

Taʼlimning quyidagi turlari Taʼlim inspeksiyasini belgilangan tartibda xabardor qilish orqali amalga oshiriladi:

maktabdan tashqari taʼlim;

kadrlarni qayta tayyorlash va ularning malakasini oshirish.

Oilaviy nodavlat maktabgacha taʼlim tashkiloti shaklida taʼlim xizmatlari koʻrsatishga doir faoliyatini amalga oshirish uchun Oʻzbekiston Respublikasi Maktabgacha taʼlim vazirligiga belgilangan tartibda xabarnoma yuboriladi”;

11) 58-modda:

birinchi qismi quyidagi tahrirda bayon etilsin:

“Oʻzbekiston Respublikasi hududida faoliyat koʻrsatayotgan maktabgacha, umumiy oʻrta, oʻrta maxsus, professional va oliy taʼlim tashkilotlari, shuningdek oliy taʼlimdan keyingi taʼlimni amalga oshiruvchi taʼlim tashkilotlari davlat taʼlim standartlariga, davlat taʼlim talablariga hamda oʻquv dasturlariga muvofiqlik jihatidan attestatsiyadan va davlat akkreditatsiyasidan oʻtkaziladi”;

quyidagi mazmundagi ikkinchi qism bilan toʻldirilsin:

“Bitiruvchilarga davlat tomonidan tasdiqlangan namunadagi taʼlim toʻgʻrisidagi hujjatlarni beruvchi, kadrlar malakasini oshirish va ularni qayta tayyorlash boʻyicha nodavlat taʼlim tashkilotlari attestatsiyadan va davlat akkreditatsiyasidan oʻtadi”;

ikkinchi — oʻn toʻrtinchi qismlari tegishincha uchinchi — oʻn beshinchi qismlar deb hisoblansin.

37-modda. Oʻzbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

38-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

39-modda. Ushbu Qonun rasmiy eʼlon qilingan kundan eʼtiboran kuchga kiradi.