“4601-modda. Alkogol mahsulotlarini realizatsiya qilish huquqi uchun yigʻim toʻlash tartibi

Alkogol mahsulotlarini realizatsiya qilish huquqi uchun yigʻim alkogol mahsulotlarini realizatsiya qilish boshlanganligi toʻgʻrisida xabarnoma yuborilgan paytdan eʼtiboran toʻlanadi. Bunda xabarnoma joriy oyning yigirmanchi sanasiga qadar yuborilganda yigʻim ushbu oy uchun toʻliq hajmda, xabarnoma joriy oyning yigirmanchi sanasidan keyin yuborilganda esa keyingi oyning birinchi sanasidan boshlab hisoblab chiqiladi.

Agar alkogolli mahsulotlarni realizatsiya qilish, shu jumladan umumiy ovqatlanish korxonalari tomonidan realizatsiya qilish bir nechta statsionar savdo va (yoki) umumiy ovqatlanish punktlari orqali amalga oshirilsa, alkogol mahsulotlarini realizatsiya qilish huquqi uchun yigʻimlar belgilangan stavkalar doirasida statsionar savdo va (yoki) umumiy ovqatlanish punktlarining soniga hamda ularning har biri joylashgan hudud miqdoriga mutanosib ravishda hisoblab chiqariladi va undiriladi.

Alkogol mahsulotlari bilan chakana savdo qilish faoliyati toʻxtatib turilganda yoki tugatilganda yigʻimni hisoblash keyingi oyning birinchi sanasidan boshlab toʻxtatib turiladi.

Alkogol mahsulotlarini realizatsiya qilish huquqi uchun yigʻim har oyda oldindan toʻlov shaklida, joriy oyning oʻninchi sanasiga qadar toʻlanadi.

Alkogol mahsulotlarini realizatsiya qilish huquqi uchun undiriladigan yigʻimlar qonunchilikda belgilangan tartibda taqsimlanadi”;

7) 476-moddaning toʻrtinchi qismidagi “litsenziya” degan soʻz “yer qaʼri uchastkalaridan foydalanish huquqini beruvchi ruxsatnoma” degan soʻzlar bilan almashtirilsin.

34-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda) ilovasiga quyidagi oʻzgartish va qoʻshimchalar kiritilsin: