17-modda. Maʼmuriy maʼlumotlarni yetkazib beruvchilar

Maʼmuriy maʼlumotlarni rasmiy statistikani tayyorlovchilarga taqdim etuvchi davlat va xoʻjalik boshqaruvi organlari, shuningdek mahalliy ijro etuvchi hokimiyat organlari maʼmuriy maʼlumotlarni yetkazib beruvchilardir.

Jismoniy va yuridik shaxslar toʻgʻrisidagi maʼlumotlar bazalariga ega boʻlgan maʼmuriy maʼlumotlarni yetkazib beruvchilar oʻz vakolatlari doirasida quyidagi huquqlarga ega:

oʻz vakolatlariga kiradigan masalalar yuzasidan individual maʼlumotlarni maʼmuriy maqsadlarda shakllantirish;

maʼmuriy maʼlumotlarni shakllantirish uchun birlamchi maʼlumotlar manbalarini tanlash;

maʼlumotlarni yigʻish usullarini belgilash, zarur boʻlgan maʼlumotlarni bevosita jismoniy yoki yuridik shaxslardan, uy xoʻjaliklaridan olish va yigʻish.

Jismoniy va yuridik shaxslar toʻgʻrisidagi maʼlumotlar bazalariga ega boʻlgan maʼmuriy maʼlumotlarni yetkazib beruvchilar rasmiy statistikani tayyorlovchilarga:

oʻz tasarrufida mavjud boʻlgan maʼmuriy maʼlumotlarni;

statistika maʼlumotlari sifatini baholash imkonini beruvchi metamaʼlumotlarni bepul taqdim etishi shart.

Rasmiy statistikani tayyorlovchilarga maʼmuriy maʼlumotlarni taqdim etish bir yillik statistika dasturida belgilangan shakllar va davriylik boʻyicha amalga oshiriladi.