14-modda. Davlat statistika organlarining huquq va majburiyatlari

Davlat statistika organlari quyidagi huquqlarga ega:

davlat va xoʻjalik boshqaruvi organlaridan, fuqarolarning oʻzini oʻzi boshqarish organlaridan, banklardan hamda boshqa tashkilotlardan statistika kuzatuvi shakllarini olish va statistika kuzatuvi maʼlumotlaridan statistika maqsadlarida foydalanish;

statistik birliklar faoliyatining statistika kuzatuvlarini oʻtkazish va olingan birlamchi maʼlumotlardan statistika maqsadlarida foydalanish;

jismoniy shaxs boʻlgan respondentlarni statistika kuzatuvlarida ishtirok etganligi uchun ragʻbatlantirishni amalga oshirish;

davlat va xoʻjalik boshqaruvi organlaridan, shuningdek boshqa tashkilotlardan statistika dasturlarini bajarish uchun zarur boʻlgan axborotni soʻrash hamda olish;

rasmiy statistikani tayyorlash uchun zarur boʻlgan statistika maʼlumotlarini yigʻishga jismoniy va yuridik shaxslarni qonunchilikka muvofiq shartnoma asosida jalb etish;

statistika maʼlumotlarini yigʻish, ularga ishlov berish, ularni umumlashtirish, tahlil qilish, tarqatish va saqlashning zamonaviy usullari va vositalaridan foydalanish hamda ularni milliy statistika tizimiga joriy etish;

statistika maʼlumotlarini taqdim etish bilan bogʻliq qoidabuzarliklar aniqlangan taqdirda, ularni bartaraf etish haqida koʻrsatmalar berish va statistika maʼlumotlariga tegishli tuzatishlar kiritish;

statistika hisobotlarini taqdim etish tartibini buzgan mansabdor shaxslarga nisbatan maʼmuriy jazo choralarini qonunga muvofiq oʻz vakolatlari doirasida qoʻllash.

Davlat statistika organlari qonunchilikka muvofiq boshqa huquqlarga ham ega boʻlishi mumkin.

Davlat statistika organlari:

rasmiy statistikaning asosiy prinsiplariga rioya etilishini va xalqaro tavsiyalarga muvofiq boʻlgan statistika uslubiyatlarining birligini taʼminlashi;

mamlakatni, hududlarni, tarmoqlar va sohalarni ijtimoiy-iqtisodiy rivojlantirish boʻyicha davlat dasturlarining bajarilishi jarayoni yuzasidan statistika kuzatuvlarini tashkil etishi;

statistika maʼlumotlarini yigʻishni, uy xoʻjaliklarining statistika kuzatuvlarini, roʻyxatga olishlarni, bir marotabalik hisobga olishlarni, tanlanma soʻrovlarni va boshqa statistika kuzatuvlarini oʻtkazishni tashkil etishi hamda taʼminlashi;

statistika dasturlarining bajarilishini taʼminlashi;

davlat hokimiyati va boshqaruvi organlarini statistika maʼlumotlari bilan taʼminlashi;