25-modda. Milliy gvardiya harbiy xizmatchilarining (xodimlarining) harbiy va maxsus unvonlari
Oʻzbekiston Respublikasi Milliy gvardiyasi toʻgʻrisida (O‘RQ-647-son) · Sana: 18.11.2020 · Amalda
Milliy gvardiya harbiy xizmatchilariga harbiy unvonlar umumiy harbiy majburiyat va harbiy xizmat toʻgʻrisidagi qonunchilik hujjatlarida belgilangan tartibda beriladi.
Milliy gvardiya xodimlariga quyidagi maxsus unvonlar beriladi:
safdorlar tarkibi — “safdor”;
serjantlar tarkibi — “kichik serjant”, “serjant”, “katta serjant”;
kichik ofitserlar tarkibi — “leytenant”, “katta leytenant”, “kapitan”;
katta ofitserlar tarkibi — “mayor”, “podpolkovnik”, “polkovnik”;
generallar tarkibi — “general-mayor”, “general-leytenant”, “general-polkovnik”.
Maxsus unvonlarni berish va ulardan mahrum etish tartibi Oʻzbekiston Respublikasi Prezidenti tomonidan belgilanadi.
Mardlik va qahramonlik, yuqori professionallik va vatanparvarlik sifatlarini koʻrsatgan harbiy xizmatchilarga (xodimlarga) navbatdagi harbiy (maxsus) unvon, mavjud unvonidagi xizmat muddatidan qatʼi nazar, muddatidan oldin berilishi, shuningdek shtat boʻyicha egallab turgan lavozimidagi harbiy (maxsus) unvonidan bir pogʻona yuqori unvon berilishi mumkin.
Milliy gvardiya qoʻmondoniga Milliy gvardiya harbiy xizmatchilariga (xodimlariga) “polkovnik” unvonigacha boʻlgan, shu jumladan “polkovnik” harbiy (maxsus) unvonlarini qonunchilikda belgilangan tartibda berish huquqiga ega.