35-modda. Ovchilik xoʻjaligini yuritish uchun ov qilish joylarini berish toʻgʻrisidagi shartnomani muddatidan ilgari bekor qilish

Ovchilik xoʻjaligini yuritish uchun ov qilish joylarini berish toʻgʻrisidagi shartnomani muddatidan ilgari bekor qilish asoslari quyidagilardan iborat:

taraflarning kelishuvi;

ovchilik xoʻjaligini yuritish uchun ov qilish joylarini berish toʻgʻrisida oʻzi bilan shartnoma tuzilgan yuridik shaxsning tugatilganligi;

ovchilik xoʻjaligini yuritish uchun ov qilish joylarini berish toʻgʻrisida oʻzi bilan shartnoma tuzilgan jismoniy shaxs boʻlgan tadbirkorlik subyekti davlat roʻyxatidan oʻtkazilganligi toʻgʻrisidagi guvohnomaning amal qilishi tugatilganligi;

ovchilik xoʻjaligini yuritish uchun ov qilish joylarini berish toʻgʻrisida oʻzi bilan shartnoma tuzilgan jismoniy shaxs boʻlgan tadbirkorlik subyektining vafot etganligi, belgilangan tartibda muomala layoqati cheklanganligi, muomalaga layoqatsiz deb topilganligi;

ovchilik xoʻjaligini yuritish uchun ov qilish joylarini berish toʻgʻrisidagi shartnoma tuzilgan kundan eʼtiboran ovchilik xoʻjaligining bir yildan ortiq vaqt yuritilmaganligi;

ovchilik xoʻjaligini yuritish uchun ov qilish joylarini berish toʻgʻrisidagi shartnomada belgilangan toʻlov muddati oʻtgach toʻlovning (ketma-ket ikki martadan ziyod) kiritilmaganligi;

ovchilik xoʻjaligini yuritishni toʻliq yoki qisman toʻxtatib turishga sabab boʻlgan qoidabuzarliklarning belgilangan muddatda ovchilik xoʻjaligi tomonidan bartaraf etilmaganligi;

ovchilik xoʻjaligini yuritish uchun ov qilish joylarini berish toʻgʻrisidagi shartnomada koʻrsatilgan shartlarning muntazam ravishda (bir yil davomida ikki martadan ortiq) buzilganligi;

hayvonot dunyosidan belgilanmagan maqsadda foydalanilganligi;

ovchilik xoʻjaligini yuritish huquqi oʻzboshimchalik bilan boshqa shaxsga berilganligi.