29-modda. Yovvoyi hayvonlarni tutishga doir ruxsatnoma

Yovvoyi hayvonlarni tutishga doir ruxsatnoma Ekologiya qoʻmitasining hududiy boʻlinmalari tomonidan yovvoyi hayvonlarni tutishga doir tasdiqlangan kvotalarga muvofiq, ruxsatnoma berilganligi uchun toʻlov kiritilganidan keyin beriladi.

Yovvoyi hayvonlarni tutishga doir ruxsatnomada quyidagilar koʻrsatiladi:

jismoniy shaxsning familiyasi, ismi va otasining ismi yoki yuridik shaxsning nomi;

ov qurolini saqlash va olib yurishga doir ruxsatnomaning raqami (jismoniy shaxslar uchun);

ovchilik guvohnomasining raqami (jismoniy shaxslar uchun);

ov qilish turi;

ov qilishga ruxsat etiladigan hudud;

yovvoyi hayvon turining nomi;

tutish uchun ruxsat etilgan yovvoyi hayvonlarning soni;

ov qilish muddati;

yovvoyi hayvonlarni tutish joyi (jismoniy shaxslar uchun);

ruxsatnoma berish asosi.

Yovvoyi hayvonlarni tutishga doir ruxsatnoma uning amal qilish muddati tugagach (oʻn kun ichida), ruxsatnomani bergan Ekologiya qoʻmitasining hududiy boʻlinmasiga tutilgan yovvoyi hayvonlar haqidagi hisobot bilan birga qaytariladi.