22-modda.
Oʻzbekiston Respublikasi Fuqaro aviatsiyasining aviatsiya xodimlarini tibbiy koʻrikdan oʻtkazish toʻgʻrisida nizomni tasdiqlash haqida (1186-son) · Sana: 02.11.2002 · Amalda
Moddaga tugʻma va orttirilgan yurak nuqsonlari, mitral klapanning prolapsi, yurak mushakidagi joriy shamollashlar, miokardiodistrofiyalar, miokarditik kardioskleroz, kardiomiopatiyalar va boshqalar tegishli.
Ushbu kasalliklarning klinik alomatlari aniqlanganda, kasallik anamnezi, har tomonlama klinik va kardiologik tekshiruvlar, funksional-diagnostik tekshiruvlar, kasallikning kechishiga va uni prognozini oʻrganish asosida hulosa chiqariladi.
22.1-moddaga oʻtkir sust kechuvchi kasalliklar yoki yorqin ifodalangan marom, oʻtkazuvchanlikni buzilish asoratlari bilan oʻtkazilgan kasalliklarning oqibatlari, yurak yetishmovchiligi va ogʻriq sindromi alomatlari bilan; oʻrtacha va koʻp ifodalangan yurak qoʻshma nuqsonlari va mitral klapanning 6 mm dan koʻp prolapsi, dilyatatsion, gipertrofik va restriktiv kardiomiopatiyalar tegishli.
22.2.-moddaga miokarditik kardioskleroz, mitral klapanning 3 mm dan 6 mm gacha prolapsi, oz ifodalangan, izolyatsiyalangan va turgʻun kompensator yurak nuqsonlari, oqim yoʻllari toʻsilmagan obstruksiyasiz qorinchalararo toʻsiqning assimetrik gipertrofiyasi, gipertrofik kardiomiopatiyaning apikal turi. Barcha ushbu kasalliklar 22.1-moddada koʻrsatilgan siptomatika bilan birga kechishi mumkin emas.
Yurakda yalligʻlanish kasalligi sababli davolangan shaxslar, uch oydan ilgari boʻlmagan vaqtdan keyin, qayta koʻrikdan oʻtkazilishlari mumkin.