Oʻzbekiston Respublikasining Jinoyat kodeksiga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida (O‘RQ-18-son)

28.12.2005

OʻZBEKISTON RESPUBLIKASINING

QONUNI

Qonunchilik palatasi tomonidan 2005-yil 22-noyabrda qabul qilingan Senat tomonidan 2005-yil 3-dekabrda maʼqullangan

1-modda. Oʻzbekiston Respublikasining 1994-yil 22-sentabrda qabul qilingan 2012–XII-sonli Qonuni bilan tasdiqlangan Oʻzbekiston Respublikasining Jinoyat kodeksiga (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda; 2002-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 314-modda) quyidagi oʻzgartishlar kiritilsin:

1) 139-moddaning:

birinchi qismi sanksiyasidagi “ellik baravarigacha” degan soʻzlar “ikki yuz baravarigacha” degan soʻzlar bilan almashtirilsin;

ikkinchi qismi sanksiyasidagi “ellik baravaridan yuz baravarigacha” degan soʻzlar “ikki yuz baravaridan toʻrt yuz baravarigacha” degan soʻzlar bilan almashtirilsin;

2) 140-moddaning:

birinchi qismi sanksiyasidagi “ellik baravarigacha” degan soʻzlar “ikki yuz baravarigacha” degan soʻzlar bilan almashtirilsin;

ikkinchi qismi sanksiyasidagi “ellik baravaridan yuz baravarigacha” degan soʻzlar “ikki yuz baravaridan toʻrt yuz baravarigacha” degan soʻzlar bilan almashtirilsin;

uchinchi qismi sanksiyasidagi “yuz baravaridan yuz ellik baravarigacha” degan soʻzlar “toʻrt yuz baravaridan olti yuz baravarigacha” degan soʻzlar bilan almashtirilsin;

3) 159-moddaning:

birinchi qismi sanksiyasidagi “ikki yuz baravarigacha” degan soʻzlar “olti yuz baravarigacha” degan soʻzlar bilan almashtirilsin;

ikkinchi qismi sanksiyasidagi “ellik baravaridan yuz baravarigacha” degan soʻzlar “ikki yuz baravaridan olti yuz baravarigacha” degan soʻzlar bilan almashtirilsin;

4) 217-moddaning:

birinchi qismi sanksiyasidagi “ellik baravaridan yetmish besh baravarigacha” degan soʻzlar “ikki yuz baravaridan uch yuz baravarigacha” degan soʻzlar bilan almashtirilsin;

ikkinchi qismi sanksiyasidagi “ellik baravaridan yetmish besh baravarigacha” degan soʻzlar “ikki yuz baravaridan uch yuz baravarigacha” degan soʻzlar bilan almashtirilsin;

5) 2441-moddaning:

birinchi qismi sanksiyasidagi “ellik baravaridan yuz baravarigacha” degan soʻzlar “ikki yuz baravaridan toʻrt yuz baravarigacha” degan soʻzlar bilan almashtirilsin;

ikkinchi qismi sanksiyasidagi “yetmish besh baravaridan yuz baravarigacha” degan soʻzlar “uch yuz baravaridan toʻrt yuz baravarigacha” degan soʻzlar bilan almashtirilsin.

2-modda. Oʻzbekiston Respublikasining 1994-yil 22-sentabrda qabul qilingan 2015–XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 5 6-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda) quyidagi oʻzgartish va qoʻshimchalar kiritilsin:

1) 25-moddaning toʻrtinchi qismidagi “oʻn baravarigacha” va “oʻn besh baravarigacha” degan soʻzlar tegishincha “yuz baravarigacha” va “yuz ellik baravarigacha” degan soʻzlar bilan almashtirilsin;

2) 40-moddaning sanksiyasidagi “bir baravaridan uch baravarigacha” degan soʻzlar “yigirma baravaridan oltmish baravarigacha” degan soʻzlar bilan almashtirilsin;

3) 41-moddaning sanksiyasidagi “bir baravaridan ikki baravarigacha” degan soʻzlar “yigirma baravaridan qirq baravarigacha” degan soʻzlar bilan almashtirilsin;

4) 184-moddaning sanksiyasidagi “besh baravaridan oʻn baravarigacha” va “oʻn baravaridan oʻn besh baravarigacha” degan soʻzlar tegishincha “ellik baravaridan yuz baravarigacha” va “yuz baravaridan yuz ellik baravarigacha” degan soʻzlar bilan almashtirilsin;

5) 201-moddaning:

birinchi qismi sanksiyasidagi “uch baravaridan besh baravarigacha” degan soʻzlar “oltmish baravaridan sakson baravarigacha” degan soʻzlar bilan almashtirilsin;

ikkinchi qismi sanksiyasidagi “besh baravaridan oʻn baravarigacha” degan soʻzlar “sakson baravaridan yuz baravarigacha” degan soʻzlar bilan almashtirilsin;

6) 202-moddaning:

dispozitsiyasidagi “binolar, davlat yoki jamoat mulki” degan soʻzlar “binolar yoki boshqa mulk” degan soʻzlar bilan almashtirilsin;

sanksiyasi quyidagi tahrirda bayon etilsin:

“fuqarolarga eng kam ish haqining ellik baravaridan yuz baravarigacha, mansabdor shaxslarga esa — yetmish baravaridan bir yuz ellik baravarigacha miqdorda jarima solishga sabab boʻladi”;

7) 2021-modda quyidagi tahrirda bayon etilsin:

“2021-modda. Gʻayriqonuniy nodavlat notijorat tashkilotlari, oqimlar, sektalarning faoliyatida qatnashishga undash

Oʻzbekiston Respublikasida gʻayriqonuniy nodavlat notijorat tashkilotlari, oqimlar, sektalar faoliyatida qatnashishga undash —

eng kam ish haqining ellik baravaridan yuz baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi”;

8) Kodeks quyidagi mazmundagi 239 va 2391-moddalar bilan toʻldirilsin:

“239-modda. Nodavlat notijorat tashkilotlarining faoliyatni amalga oshirish tartibini buzishi

Nodavlat notijorat tashkilotlari (diniy tashkilotlar bundan mustasno), shuningdek ularning vakolatxonalari va filiallarining davlat roʻyxatidan oʻtmasdan (hisobga olinmasdan) faoliyatni amalga oshirishi —

eng kam ish haqining ellik baravaridan yuz baravarigacha miqdorda jarima solishga sabab boʻladi.

Xalqaro hamda chet el nodavlat notijorat tashkilotlari vakolatxonalari va filiallarining hamda ularning xodimlarining siyosiy faoliyatda, shuningdek ustavdagi maqsad va vazifalarga toʻgʻri kelmaydigan boshqa faoliyatda qatnashishi, xuddi shuningdek ularning siyosiy partiyalar va ommaviy harakatlar tomonidan oʻtkaziladigan amaliy harakatlar hamda tadbirlarni moliyalashtirishi, bunday tashkilotlarni tuzish tashabbusi bilan chiqishi va shunday tashkilotlarni tuzishni qoʻllab-quvvatlashi —

fuqarolarga eng kam ish haqining ellik baravaridan yuz baravarigacha, mansabdor shaxslarga esa — yuz baravaridan yuz ellik baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi.

Nodavlat notijorat tashkilotlarining belgilangan tartibda roʻyxatdan oʻtkazilmagan ramziy belgilarni ishlatishi —

mansabdor shaxslarga eng kam ish haqining ellik baravaridan yuz baravarigacha miqdorda jarima solishga sabab boʻladi.

Nodavlat notijorat tashkilotlari, ularning vakolatxonalari va filiallari roʻyxatdan oʻtkazuvchi organning roziligisiz tadbirlar oʻtkazishi, xuddi shuningdek nodavlat notijorat tashkilotlari oʻtkazayotgan tadbirlarga roʻyxatdan oʻtkazuvchi organ vakilining erkin kirishini rad etish —

mansabdor shaxslarga eng kam ish haqining yuz baravaridan yuz ellik baravarigacha miqdorda jarima solishga sabab boʻladi.

Nodavlat notijorat tashkilotlarining oʻz faoliyati toʻgʻrisidagi hisobotlarni roʻyxatdan oʻtkazuvchi organga taqdim etmasligi, oʻz vaqtida taqdim etmasligi yoki belgilanmagan shaklda taqdim etishi, xuddi shuningdek nodavlat notijorat tashkilotlarining axborotni, shu jumladan ular tomonidan mol-mulk va pul mablagʻlaridan foydalanilishi toʻgʻrisidagi tasdiqlovchi hujjatlarni taqdim etmasligi —

mansabdor shaxslarga eng kam ish haqining ellik baravaridan yuz baravarigacha miqdorda jarima solishga sabab boʻladi.

2391-modda. Jamoat fondining xarajatlarni belgilangan eng yuqori miqdordan oshirib yuborishi va yillik hisobotni eʼlon qilmasligi

Jamoat fondining har yilgi maʼmuriy xarajatlarining jami summasini, shuningdek fondning vasiylik kengashi hamda taftish komissiyasi aʼzolariga haq toʻlash hamda ularning oʻz vazifalarini bajarish bilan bogʻliq xarajatlarini kompensatsiya qilishni qonun hujjatlarida belgilangan miqdordan oshirib yuborishi —

mansabdor shaxslarga xarajatlarning eng yuqori summasidan oshib ketgan miqdordagi pul mablagʻlarini musodara qilgan holda eng kam ish haqining yuz baravaridan yuz ellik baravarigacha miqdorda jarima solishga sabab boʻladi.

Jamoat fondining mol-mulkdan foydalanganlik toʻgʻrisidagi yillik hisobotlarni eʼlon qilmasligi —

mansabdor shaxslarga eng kam ish haqining ellik baravaridan yuz baravarigacha miqdorda jarima solishga sabab boʻladi”;

9) 240-moddaning birinchi va ikkinchi qismlari sanksiyalaridagi “besh baravaridan oʻn baravarigacha” degan soʻzlar “ellik baravaridan yuz baravarigacha” degan soʻzlar bilan almashtirilsin;

10) 245-moddaning birinchi qismi “238” raqamidan keyin “239, 239-1” raqamlari bilan toʻldirilsin.

3-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

2005-yil 28-dekabr,

OʻRQ–18-son