9-modda. Moliya markazining qarorlarini eʼlon qilish va ushbu qarorlarning rasmiy reyestri

Moliya markazining har bir qarori kuchga kirguniga qadar Moliya markazi qarorlarining rasmiy reyestrida eʼlon qilinishi shart. Agar Moliya markazi qarorining oʻzida kechroq sana nazarda tutilmagan boʻlsa, u eʼlon qilingan sanadan eʼtiboran kuchga kiradi.

Moliya markazining maʼmuriyati Moliya markazining rasmiy veb-saytida Moliya markazining raqamli shaklda omma uchun ochiq boʻlgan qarorlarining rasmiy reyestrini tashkil etadi, yuritadi va doimiy ravishda yangilab boradi.

Moliya markazi qarorlarining rasmiy reyestri quyidagilardan tarkib topadi:

Moliya markazi har bir qarorining u eʼlon qilingan sanadagi dastlabki matnidan;

Moliya markazi har bir qarorining u qabul qilingandan boshlab unga kiritilgan barcha oʻzgartirishlar aks ettirilgan amaldagi jamlanma matnidan;

Moliya markazi har bir qarorining qabul qilingan sanasidan, kuchga kirgan sanasidan hamda unga kiritilgan barcha oʻzgartirishlar qaydidan.

Moliya markazi qarorlarining rasmiy reyestri ingliz tilida yuritiladi. Moliya markazi qarorlarining oʻzbek tilidagi va boshqa tillardagi rasmiy tarjimasi chop etilishi mumkin.

Moliya markazining Moliya markazi qarorlarining rasmiy reyestrida ushbu moddaga muvofiq ingliz tilida chop etilmagan qarori yuridik kuchga va taʼsirga ega boʻlmaydi hamda Moliya markazining shaxsiga nisbatan majburiy hisoblanmaydi.