53-modda. Markaziy bank qoʻllaydigan choralar va sanksiyalar

Banklar va ularning filiallari iqtisodiy normativlarni belgilovchi banklarga oid qonun hujjatlarini buzgan taqdirda, Markaziy bank ustav kapitalining eng kam miqdoridan 0,1 foizgacha jarima undirish yoxud ayrim operatsiyalarni oʻtkazishni olti oygacha boʻlgan muddatga cheklab qoʻyish huquqiga ega.

Agar yoʻl qoʻyilgan tartib buzilishlar yoki bank oʻtkazayotgan operatsiyalar omonatchilar va kreditorlarning manfaatlariga aniq xavf tugʻdirgan boʻlsa, Markaziy bank:

banklardan ustav kapitali eng kam miqdorining bir foizidan oshmagan summada jarima undirishga;

bankdan bankni moliyaviy sogʻlomlashtirish, shu jumladan aktivlar tuzilmasini oʻzgartirish, bank xarajatlarini kamaytirish va aksiyadorlarga dividendlar toʻlashni toʻxtatish tadbirlarini koʻrishni, bank yoki uning filiali rahbarlarini, shu jumladan bank kengashi rahbarlari va aʼzolarini almashtirishni, bankni qayta tashkil etishni, filialni tugatishni talab qilishga;

bank uchun iqtisodiy normativlarni olti oylik muddatgacha oʻzgartirishga;

bankning ayrim bank operatsiyalarini amalga oshirishini bir yilgacha boʻlgan muddatga, shuningdek filiallar ochishni ham shuncha muddatga taqiqlab qoʻyishga;

bankni moliyaviy sogʻlomlashtirish yoki Markaziy bank koʻrsatmalarini bajarish uchun zarur boʻlgan davrda mansabdor shaxslar va aksiyadorlar ega boʻlgan barcha vakolatlarni vasiyga berib, bankka vasiylik qilish tartibini belgilash toʻgʻrisida qaror qabul qilishga;

bank operatsiyalarini amalga oshirish huquqini beruvchi litsenziyani qaytarib olishga haqlidir.

Bank filiallari toʻlovlarni oʻz vaqtida oʻtkazmagan va ularning vakillik hisobvaraqlari qoniqarsiz ahvolda boʻlgan hollarda Markaziy bank bank filiali ushbu harakat natijasida olgan daromadini qatʼiy tartibda undirib oladi, shuningdek shunday miqdorda jarima soladi.

Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonun hujjatlari banklar, mikrokredit tashkilotlari va lombardlar tomonidan buzilganligi aniqlangan taqdirda, Markaziy bank ularga nisbatan qonun hujjatlariga muvofiq choralar hamda sanksiyalar qoʻllashga haqli.

Mikrokredit tashkilotlari, ularning filiallari, shuningdek lombardlar tomonidan mikrokredit tashkilotlari va lombardlar toʻgʻrisidagi qonun hujjatlari talablari, belgilangan iqtisodiy normativlar buzilgan taqdirda, Markaziy bank: