118-modda. Oltin izlovchilar usulida qazib olishga doir ruxsatnoma

Foydali qazilmalarni oltin izlovchilar usulida qazib olish oltin izlovchilar usulida qazib olishga doir ruxsatnoma asosida amalga oshiriladi.

Oltin izlovchilar usulida qazib olishga doir ruxsatnoma faqat elektron savdo maydonchasida oʻtkaziladigan auksion natijalariga koʻra beriladi.

Oltin izlovchilar usulida qazib olishga doir ruxsatnomani berish uchun arizachilar auksionda ishtirok etish uchun quyidagi axborotni taqdim etadi:

1) arizachining davlat roʻyxatidan oʻtkazilganligi toʻgʻrisidagi guvohnomaga muvofiq toʻliq nomi;

2) arizachi ushbu Qonunning 117-moddasi talablariga muvofiq ekanligini tasdiqlovchi hujjat;

3) ushbu Qonunning 116-moddasiga muvofiq oltin izlovchilar usulida qazib olish uchun ajratiladigan uchastkadagi soʻralayotgan ochiq kadastr kvadratining tafsilotlari.

Yer qaʼri uchastkalaridan oltin izlovchilar usulida qazib olish uchun foydalanish huquqini realizatsiya qilishdan tushgan pul mablagʻlari qonunchilik hujjatlarida belgilangan tartibda taqsimlanadi.

Oltin izlovchilar usulida qazib olishga doir hujjatlarni koʻrib chiqish va ruxsatnoma berish muddati yigirma ish kunidan oshmasligi kerak.

Oltin izlovchilar usulida qazib olishga doir ruxsatnomaning shakli qonunchilik hujjatlarida belgilanadi. Oltin izlovchilar usulida qazib olishga doir ruxsatnoma uchastkaning joylashuviga qarab Yer qaʼridan foydalanish markazi tomonidan belgilanadigan, faoliyatga nisbatan qoʻllaniladigan foydalanish shartlarini oʻz ichiga oladi. Foydalanish shartlari ruxsatnomaga ilovada nazarda tutiladi.

Oltin izlovchilar usulida qazib olishga doir huquqlarni boshqa shaxslarga berishga (shu jumladan ikkilamchi ijara yoki boshqa shaxs foydasiga voz kechish yoʻli bilan berishga) yoʻl qoʻyilmaydi.

Oltin izlovchilar usulida qazib olishga doir ruxsatnomani berish chogʻida davlat yer fondi kadastriga tegishli hisobga olish yozuvi kiritiladi.