“26-modda. Taʼlim sohasidagi vakolatli respublika ijro etuvchi hokimiyat organlari — Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida (O‘RQ-957-son)
“26-modda. Taʼlim sohasidagi vakolatli respublika ijro etuvchi hokimiyat organlari
Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida (O‘RQ-957-son) · Sana: 07.09.2024 · Amalda
Oʻzbekiston Respublikasi Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi taʼlim sohasidagi vakolatli respublika ijro etuvchi hokimiyat organlaridir.
Taʼlim sohasidagi vakolatli respublika ijro etuvchi hokimiyat organlari oʻz vakolatlari doirasida:
taʼlim sohasidagi yagona davlat siyosatini amalga oshiradi;
iqtidorli yoshlarni aniqlash, tanlash, oʻqitish va tarbiyalash sohasida davlat siyosatini ishlab chiqadi va amalga oshiradi;
taʼlim sohasidagi tarmoq davlat dasturlarini ishlab chiqadi, tasdiqlaydi va amalga oshiradi;
taʼlim tashkilotlari faoliyatini muvofiqlashtiradi va ularga uslubiy rahbarlik qiladi;
davlat taʼlim standartlari (shu jumladan maktabgacha taʼlim va tarbiya davlat standarti) va davlat taʼlim talablarida kadrlarning maʼlumoti darajasiga hamda kasbiy tayyorgarligi sifatiga qoʻyilgan talablarning taʼlim tashkilotlari tomonidan bajarilishi ustidan nazoratni amalga oshiradi;
davlat taʼlim standartlari (shu jumladan maktabgacha taʼlim va tarbiya davlat standarti) hamda davlat taʼlim talablari ishlab chiqilishini taʼminlaydi va ularni tasdiqlaydi;
taʼlim oluvchilarning bilim, koʻnikma va malakalarini baholash tartibini belgilaydi;
oʻrta maxsus taʼlim yoʻnalishlari, professional taʼlimning kasblar va mutaxassisliklari, oliy taʼlimning bakalavriat taʼlim yoʻnalishlari va magistratura mutaxassisliklari, shuningdek bilim sohalari va taʼlim sohalari roʻyxatini tasdiqlaydi;
taʼlim-tarbiya jarayoniga oʻqitishning ilgʻor shakllari, yangi pedagogik texnologiyalar, oʻqitishning texnik va axborot vositalari joriy etilishini taʼminlaydi;
taʼlim tashkilotlarida kadrlarning kasbiy tayyorgarligi sifatini oshirishga qaratilgan chora-tadbirlarni ishlab chiqadi, oʻquv dasturlarini takomillashtiradi;
taʼlim tashkilotlarini (bundan maktabdan tashqari taʼlim xizmatlarini koʻrsatuvchi nodavlat taʼlim tashkilotlari mustasno) attestatsiyadan va davlat akkreditatsiyasidan, kompleks va maxsus davlat akkreditatsiyasidan, shuningdek taʼlim tashkilotlarining pedagog kadrlarini attestatsiyadan oʻtkazadi;
taʼlim tashkilotlarida taʼlim-tarbiya jarayonining sifati monitoringini amalga oshiradi;
maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlarining pedagog xodimlariga lavozimlar va malaka toifalarini berish jarayoni ustidan nazoratni amalga oshiradi, shuningdek unda ishtirok etadi;
oʻquv adabiyotlarini tayyorlash va nashr qilishni tashkil etadi (bundan moliyaviy mustaqillik berilgan davlat oliy taʼlim tashkilotlari mustasno);
oʻzlashtirishni baholashga, oʻquv jarayonini, taʼlim oluvchilarning yakuniy davlat attestatsiyasini tashkil etishga oid normativ-huquqiy hujjatlarni tasdiqlaydi, shuningdek eksternat tartibida taʼlim oluvchilarning toifalarini belgilaydi;
nodavlat taʼlim tashkilotlariga litsenziyalar beradi, faoliyatini xabardor qilish tartibida amalga oshiradigan shaxslardan xabarnomalar qabul qiladi va ularning reyestrini yuritadi;
taʼlim tashkilotlarining reytingini aniqlaydi;
davlat oliy taʼlim tashkilotlarining rektorlarini tayinlash toʻgʻrisida Oʻzbekiston Respublikasi Vazirlar Mahkamasiga takliflar kiritadi;
taʼlim tashkilotlarining rahbar va pedagog kadrlarini tayyorlashni, qayta tayyorlashni hamda ularning malakasini oshirishni tashkil etadi;
taʼlim tashkilotlarida moddiy-texnika resurslaridan foydalanishga doir talablarni ishlab chiqadi;
oʻrta maxsus, professional va oliy taʼlim tashkilotlariga nisbatan moddiy-texnik, infratuzilmaviy va parametrik talablarni belgilaydi;
oʻrta maxsus, professional va oliy taʼlim tashkilotlari uchun darsliklar va oʻquv qoʻllanmalarini tayyorlash hamda nashr etish tartibini, shuningdek ularni yetkazib berishga va ulardan taʼlim tashkilotlarida foydalanishga qoʻyiladigan talablarni belgilaydi;
taʼlim toʻgʻrisidagi qonunchilikning aniqlangan buzilishlari toʻgʻrisida tegishli respublika ijro etuvchi hokimiyat organlariga va taʼlim tashkilotlariga taqdimnomalar kiritadi;
taʼlim sohasidagi normativ-huquqiy hujjatlarni ishlab chiqishda ishtirok etadi;
taʼlim sohasida xalqaro hamkorlikni amalga oshiradi.
Taʼlim sohasidagi vakolatli respublika ijro etuvchi hokimiyat organlari qonunchilikka muvofiq boshqa vakolatlarni ham amalga oshirishi mumkin.
Qasddan sodir etilgan jinoyat uchun ilgari sudlangan shaxslar taʼlim sohasidagi vakolatli respublika ijro etuvchi hokimiyat organlarining hamda ular hududiy boʻlinmalarining rahbarlik lavozimlariga tayinlanishi taqiqlanadi”;
7) 30-modda:
beshinchi qismining:
birinchi xatboshisidagi “taʼlim muassasalari” degan soʻzlar “taʼlim tashkilotlari” degan soʻzlar bilan almashtirilsin;
uchinchi xatboshisi quyidagi tahrirda bayon etilsin:
“tegishli vazirliklar va idoralar tomonidan Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda oliy taʼlim tashkilotlarining fakultetlari va kurslari shaklida tashkil etiladi”;
oltinchi qismining:
uchinchi xatboshisidagi “Oʻzbekiston Respublikasi Xalq taʼlimi vazirligi” degan soʻzlar “Oʻzbekiston Respublikasi Maktabgacha va maktab taʼlimi vazirligi” degan soʻzlar bilan almashtirilsin;
toʻrtinchi xatboshisidagi “Oʻzbekiston Respublikasi Xalq taʼlimi vazirligi” degan soʻzlar “Oʻzbekiston Respublikasi Maktabgacha va maktab taʼlimi vazirligi” degan soʻzlar bilan almashtirilsin;
toʻqqizinchi qismi quyidagi tahrirda bayon etilsin:
“Taʼlim tashkilotlarini tashkil etish, qayta tashkil etish va tugatish toʻgʻrisidagi maʼlumotlar davlat statistika organlariga, Oʻzbekiston Respublikasi Maktabgacha va maktab taʼlimi vazirligiga, Oliy taʼlim, fan va innovatsiyalar vazirligiga hamda Kambagʻallikni qisqartirish va bandlik vazirligining hududiy organlariga taqdim etiladi”;
8) 32-modda uchinchi qismining:
ikkinchi xatboshisi quyidagi tahrirda bayon etilsin:
“umumiy oʻrta taʼlim tashkilotlari, Prezident, ijod va ixtisoslashtirilgan maktablar hamda maktabdan tashqari taʼlim tashkilotlari uchun — Oʻzbekiston Respublikasi Maktabgacha va maktab taʼlimi vazirligi tomonidan”;
uchinchi xatboshisi chiqarib tashlansin;
toʻrtinchi va beshinchi xatboshilari tegishincha uchinchi va toʻrtinchi xatboshilar deb hisoblansin;
uchinchi xatboshisi quyidagi tahrirda bayon etilsin:
“oliy taʼlim tashkilotlari huzuridagi ixtisoslashtirilgan maktablar, oʻrta maxsus, professional va oliy taʼlim tashkilotlari uchun — Oʻzbekiston Respublikasi Oliy taʼlim, fan va innovatsiyalar vazirligi tomonidan”;
9) 34-moddaning:
beshinchi va oltinchi qismlari quyidagi tahrirda bayon etilsin:
“Oʻrta maxsus, professional, oliy taʼlim xizmatlarini koʻrsatuvchi hamda faoliyatini xabardor qilish tartibida amalga oshiradigan nodavlat taʼlim tashkilotlari mustaqil ishlab chiqilgan va litsenziyada yoki xabarnomada koʻrsatilgan taʼlim dasturlari asosida taʼlim faoliyatini amalga oshirishi mumkin.
Oʻzbekiston Respublikasi Oliy taʼlim, fan va innovatsiyalar vazirligi davlat taʼlim standartlari, malaka talablari, oliy taʼlim, oʻrta maxsus taʼlim hamda professional taʼlimning oʻquv rejalari va oʻquv dasturlari ishlab chiqilishini taʼminlaydi. Ushbu maqsadlar uchun Oʻzbekiston Respublikasi Oliy taʼlim, fan va innovatsiyalar vazirligi tayanch davlat oliy taʼlim va professional taʼlim tashkilotlarini belgilaydi”;
sakkizinchi qismidagi “Oʻzbekiston Respublikasi Xalq taʼlimi vazirligi” degan soʻzlar “Oʻzbekiston Respublikasi Maktabgacha va maktab taʼlimi vazirligi” degan soʻzlar bilan almashtirilsin;
toʻqqizinchi qismi quyidagi tahrirda bayon etilsin:
“Oliy, professional, oʻrta maxsus va umumiy oʻrta taʼlimning davlat taʼlim standartlari, malaka talablari, oʻquv rejalari va oʻquv dasturlari tegishincha Oʻzbekiston Respublikasi Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi tomonidan tasdiqlanadi. Tegishli vakolatlar berilgan boshqa vazirliklar va idoralar davlat taʼlim standartlarini tegishincha Oʻzbekiston Respublikasi Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi bilan kelishilgan holda ishlab chiqadi hamda tasdiqlaydi”;
oʻn ikkinchi qismi quyidagi tahrirda bayon etilsin:
“Oʻzbekiston Respublikasi Oliy taʼlim, fan va innovatsiyalar vazirligi davlat oliy taʼlim tashkilotlariga mustaqil ishlab chiqilgan va tasdiqlangan oʻquv dasturlari, malaka talablari hamda oʻquv rejalari asosida taʼlim xizmatlari koʻrsatish boʻyicha vakolatlarni berishi mumkin”;
10) 35-modda:
ikkinchi qismi quyidagi tahrirda bayon etilsin:
“Tegishli davlat taʼlim tashkilotlaridagi oʻquv rejalari va oʻquv dasturlarining mazmuni, ularni ishlab chiqish hamda joriy etish tartibi Oʻzbekiston Respublikasi Maktabgacha va maktab taʼlimi vazirligi hamda Oʻzbekiston Respublikasi Oliy taʼlim, fan va innovatsiyalar vazirligi tomonidan belgilanadi”;
quyidagi mazmundagi uchinchi qism bilan toʻldirilsin:
“Moliyaviy mustaqillik berilgan davlat oliy taʼlim tashkilotlari oʻquv rejalari va oʻquv dasturlarini kasbiy standartlar asosida mustaqil tasdiqlashga, shuningdek taʼlim tilini hamda bakalavriat taʼlim yoʻnalishlarining va magistratura mutaxassisliklarining xususiyatlarini inobatga olgan holda taʼlim shaklini belgilashga haqli”;
uchinchi — oʻn ikkinchi qismlari tegishincha toʻrtinchi — oʻn uchinchi qismlar deb hisoblansin;
oʻn birinchi qismidagi “taʼlim sohasidagi vakolatli davlat boshqaruvi organlari tomonidan belgilanadi” degan soʻzlar “taʼlim tashkilotlari tomonidan mustaqil belgilanadi” degan soʻzlar bilan almashtirilsin;
11) 38-moddaning:
toʻrtinchi qismidagi “oliy taʼlim muassasalariga” degan soʻzlar “oliy taʼlim tashkilotlariga” degan soʻzlar bilan almashtirilsin;
beshinchi qismidagi “taʼlim muassasalariga” degan soʻzlar “taʼlim tashkilotlariga” degan soʻzlar bilan almashtirilsin;
oltinchi qismidagi “Davlat taʼlim muassasalariga” degan soʻzlar “Davlat taʼlim muassasalari va tashkilotlariga” degan soʻzlar bilan almashtirilsin;
yettinchi qismi quyidagi tahrirda bayon etilsin:
“Nodavlat taʼlim tashkilotlariga oʻqishga qabul qilish tartibi taʼlim tashkilotlariga oʻqishga qabul qilishga oid amaldagi normativ-huquqiy hujjatlarda nazarda tutilgan qoidalarni inobatga olgan holda, ushbu taʼlim tashkilotlari tomonidan belgilanadi”;
toʻqqizinchi qismidagi “Oliy taʼlim muassasalariga” degan soʻzlar “Oliy taʼlim tashkilotlariga” degan soʻzlar bilan almashtirilsin;
oʻninchi qismining oʻzbekcha matnidagi “Oliy taʼlim muassasalariga” degan soʻzlar “Oliy taʼlim tashkilotlariga” degan soʻzlar bilan almashtirilsin;
12) 42-moddaning ikkinchi, uchinchi va toʻrtinchi qismlari quyidagi tahrirda bayon etilsin:
“Taʼlim tashkilotlarining monitoringi taʼlim sohasidagi vakolatli respublika ijro etuvchi hokimiyat organlari va ularning hududiy boʻlinmalari tomonidan amalga oshiriladi.
Taʼlim holatining tahlili va uni rivojlantirish istiqbollari toʻgʻrisidagi axborot taʼlim sohasidagi vakolatli respublika ijro etuvchi hokimiyat organlarining va ular hududiy boʻlinmalarining, shuningdek taʼlim tashkilotlarining rasmiy veb-saytlariga joylashtiriladi.
Taʼlim tizimidagi maʼlumotlar jumlasiga rasmiy statistika maʼlumotlari, taʼlim tizimi monitoringi natijalari, taʼlim sohasidagi vakolatli respublika ijro etuvchi hokimiyat organlarining va ular hududiy boʻlinmalarining, mahalliy davlat hokimiyati organlarining hamda taʼlim tashkilotlarining maʼlumotlari kiradi”;
13) 43-moddaning:
ikkinchi va uchinchi qismlari quyidagi tahrirda bayon etilsin:
“Taʼlim tashkilotlari taʼlim sifati ustidan nazoratni amalga oshirishda taʼlim sohasidagi vakolatli respublika ijro etuvchi hokimiyat organlariga koʻmaklashadi.
Taʼlim tashkilotlari tomonidan berilayotgan taʼlimning mazmuni va sifati taʼlim toʻgʻrisidagi qonunchilikka nomuvofiqligi aniqlangan hollarda taʼlim sohasidagi vakolatli respublika ijro etuvchi hokimiyat organlari nomuvofiqlikni bartaraf etish yuzasidan ularga taqdimnoma kiritadi. Aniqlangan nomuvofiqlik bartaraf etilmagan taqdirda taʼlim sohasidagi vakolatli respublika ijro etuvchi hokimiyat organlari taʼlim tashkilotining davlat akkreditatsiyasi toʻgʻrisidagi sertifikatini qonunchilikka muvofiq bekor qilishga haqli”;
beshinchi qismi quyidagi tahrirda bayon etilsin:
“Taʼlim sohasidagi vakolatli respublika ijro etuvchi hokimiyat organlari Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor qilgan holda nodavlat taʼlim tashkilotlarida taʼlim sifati, shuningdek litsenziyalash, ruxsat berish va xabardor qilish talablari hamda shartlariga rioya etilishi ustidan nazorat va monitoringni amalga oshiradi”;
14) 49-moddaning birinchi qismi “tashkilotlarida” degan soʻzdan keyin “(bundan oʻrta maxsus, professional va oliy taʼlim tashkilotlari mustasno)” degan soʻzlar bilan toʻldirilsin;
15) 57-moddaning ikkinchi qismi quyidagi tahrirda bayon etilsin:
“Nodavlat taʼlim tashkilotlariga litsenziya berish va qayta rasmiylashtirish, litsenziyaning amal qilishini toʻxtatib turish, shuningdek litsenziyani bekor qilish yoki uni bekor qilish toʻgʻrisidagi ariza bilan sudga murojaat qilish qonunchilikda belgilangan tartibda Oʻzbekiston Respublikasi Maktabgacha va maktab taʼlimi vazirligi hamda Oʻzbekiston Respublikasi Oliy taʼlim, fan va innovatsiyalar vazirligi tomonidan amalga oshiriladi”;
16) 571, 58 va 59-moddalar quyidagi tahrirda bayon etilsin:
O'qish oynasida ochishRangli belgilar, qaydlar, qidiruv va tanlangan matn bo'yicha test bilan.
Matn lex.uz dan avtomatik olingan va mazmunan u bilan bir xil: bu alohida tahrir emas, o'sha matnning o'zi. U ta'lim va ma'lumot maqsadida keltirilgan, normalar mazmuni o'zgartirilmaydi. Bu rasmiy nashr emas: sud, shartnoma va rasmiy javoblar uchun lex.uz dagi amaldagi tahrirni tekshiring. Loyiha haqida
Sayt haqida: NEOLEX (veoskill) — O'zbekiston Respublikasi huquqi bo'yicha ta'lim loyihasi. U lex.uz o'rnini bosmaydi, o'sha matnlarga har bir modda uchun alohida manzil, oddiy so'zlar bilan izohlar, atamalar lug'ati, testlar va uch tilda o'qishni qo'shadi. Aloqa: Telegram @neovixar.
Quyidagicha iqtibos keltiring: “26-modda. Taʼlim sohasidagi vakolatli respublika ijro etuvchi hokimiyat organlari Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida (O‘RQ-957-son). neolex.uz/uz/laws/law-7093738/26 (lex.uz/docs/-7093724)
