74-modda.Sudyalar malaka hayʼati
Sudlar toʻgʻrisida (924-XII-son) · Sana: 02.09.1993 · Kuchini yo'qotgan
Sudyalar Oliy malaka hayʼati va sudyalar malaka hayʼati:
sudyalik lavozimiga nomzodlarni tanlash;
sudyaning intizomiy javobgarligi;
sudyaning vakolatini toʻxtatib turish yoki tugatish;
sudyaning daxlsizligini taʼminlash;
sudyani malaka imtihonidan oʻtkazish va unga malaka darajasi berish masalalarini koʻrish uchun tuziladi.
Sudyalar Oliy malaka hayʼati Oʻzbekiston Respublikasi Oliy sudi Plenumi tomonidan, Xoʻjalik sudlari sudyalarining malaka hayʼati esa — Oliy xoʻjalik sudi Plenumi tomonidan besh yil muddatga saylanadilar.
Qoraqalogʻiston Respublikasi, viloyatlar, Toshkent shahar sudyalarining malaka hayʼatlari tegishli joylardagi sudyalar yigʻilishida, harbiy sudlar sudyalarining malaka hayʼatlari esa — harbiy sudlar sudyalari yigʻilishida shu muddatga saylanadilar.
Sudyalar malaka hayʼatini tashkil etish va uning faoliyat tartibi Oʻzbekiston Respublikasi Oliy Majlisi tomonidan tasdiqlanadigan Nizom bilan belgilanadi.