145-modda.
Oʻzbekiston Respublikasi Oliy Majlisi Qonunchilik palatasining Reglamentiga oʻzgartish va qoʻshimchalar kiritish toʻgʻrisida (2406-IV-son) · Sana: 09.08.2022 · Amalda
Masʼul qoʻmita keyinchalik Qonunchilik palatasi koʻrib chiqishiga taqdim etish uchun Kengashga quyidagilarni yuboradi:
qonun loyihasi boʻyicha Qonunchilik palatasi qarorining loyihasini;
Qonunchilik palatasi qabul qilishi uchun tavsiya etilayotgan takliflar va fikrlar hisobga olingan holda (birinchi oʻqishda qabul qilingan qonun loyihasi matnidagi oʻzgarishlarni ajratib koʻrsatgan holda) qonun loyihasining matnini.
Ikkinchi oʻqishga tayyorlangan muqobil qonun loyihasi kiritilgan hollarda masʼul qoʻmita ushbu qonun loyihasini va asosiy qonun loyihasini ikkinchi oʻqish tartib-taomilida koʻrib chiqish toʻgʻrisida Qonunchilik palatasining qarorlari loyihalarini ham tayyorlaydi va Kengashga yuboradi.
Kengash ikkinchi oʻqishda koʻrib chiqish uchun tayyorlangan qonun loyihasini ikkinchi oʻqishga tayyorlangan muqobil qonun loyihasi kiritilgan hollarda esa ushbu qonun loyihasini ham Qonunchilik palatasi majlisining kun tartibi loyihasiga kiritish toʻgʻrisida qaror qabul qiladi.
Qonun loyihasi unga doir materiallar bilan birgalikda deputatlarga, qoida tariqasida, u ikkinchi oʻqishda Qonunchilik palatasida koʻrib chiqilguniga qadar kamida oʻn kun oldin tarqatiladi.