46-modda. Milliy gvardiyaning moliyaviy va moddiy-texnika taʼminoti

Milliy gvardiyaning moliyaviy va moddiy-texnika taʼminoti, bundan jismoniy va yuridik shaxslar bilan tuziladigan shartnomalar asosida tashkil etiladigan boʻlinmalar mustasno, Oʻzbekiston Respublikasi Davlat budjeti mablagʻlari va qonunchilikda taqiqlanmagan boshqa manbalar hisobidan amalga oshiriladi.

Milliy gvardiyaning jismoniy va yuridik shaxslar bilan tuzilgan shartnomalar asosida tashkil etilgan boʻlinmalari ushbu shaxslarning mablagʻlari hisobidan taʼminlanadi.

Milliy gvardiya boʻlinmalarining moliyaviy, moddiy-texnika, kiyim-kechak, oziq-ovqat, tibbiy taʼminoti va boshqa taʼminot turlari Milliy gvardiya qoʻmondoni tomonidan tasdiqlanadigan normalar hamda tabellar boʻyicha amalga oshiriladi.

Milliy gvardiyaning harbiy xizmatchilari (xodimlari) bepul formali kiyim-bosh bilan taʼminlanadi. Formali kiyim-boshning namunalari Oʻzbekiston Respublikasi Prezidenti tomonidan belgilanadi. Formali kiyim-boshni kiyish qoidalari Milliy gvardiya tomonidan tasdiqlanadi.

Milliy gvardiyada budjetdan tashqari jamgʻarma tashkil etiladi, uni shakllantirish va undan foydalanish tartibi qonunchilik hujjatlarida belgilanadi.

Milliy gvardiya uchun ajratiladigan mablagʻlardan maqsadli foydalanilishi ustidan nazorat qilish qonunchilik hujjatlariga muvofiq amalga oshiriladi.