17-modda. Ovchining huquq va majburiyatlari

Ovchi:

yovvoyi hayvonlarning ruxsat etilgan turlarini ov qilishni belgilangan joylarda va belgilangan muddatlarda amalga oshirish;

qoʻlga kiritilgan ov mahsulotini oʻz ixtiyoriga koʻra tasarruf etish;

ov qilish, atrof-muhitni va tabiiy resurslarni muhofaza qilish qoidalariga rioya etilishi ustidan davlat nazoratini amalga oshiruvchi organlarning mansabdor shaxslaridan oʻz shaxsini tasdiqlovchi hujjatlar koʻrsatilishini talab qilish huquqiga ega.

Ovchi:

ov qilishni amalga oshirish chogʻida shaxsini tasdiqlovchi hujjatni, ovchilik guvohnomasini, ov qurolini saqlash va olib yurishga doir ruxsatnomani, yovvoyi hayvonlarni tutishga doir ruxsatnomani, ovchilik yoʻllanmasini (yovvoyi hayvonlarni tutish kartochkasini) yonida olib yurishi;

ovchilik xoʻjaligining va ov qilishga ruxsat etiladigan hududning chegaralarini aniq bilishi;

ov qilishga ruxsat etiladigan hududdan tashqarida ov qilishni amalga oshirmasligi;

yovvoyi hayvonlarni tutish normalariga va ov qilish muddatlariga rioya etishi, ov qilishni yovvoyi hayvonlarni tutishga doir ruxsatnomada koʻrsatilgan joylarda amalga oshirishi;

ov qilishni boshlash oldidan ovchilik yoʻllanmasida (yovvoyi hayvonlarni tutish kartochkasida) ov qilish boshlangan sana toʻgʻrisidagi ustunni toʻldirishi;

ov qilish tugagach, ovchilik xoʻjaligidan yoki ov qilish joylaridan chiqib ketishdan oldin yovvoyi hayvonlarni tutishga doir ruxsatnomada tutilgan yovvoyi hayvonlar haqida belgilar qoʻyishi;

ov qilish tugagach, ovchilik yoʻllanmasini (yovvoyi hayvonlarni tutish kartochkasini) ov natijalari toʻgʻrisida belgi qoʻyilgan holda, oʻn kundan kechiktirmay qaytarishi;

yongʻin xavfsizligi talablariga rioya etishi;

maishiy chiqindilarni toʻxtash joyidan yigʻishtirib olishi va maishiy chiqindilarni toʻplash joylariga olib chiqishi;

ov qilish, atrof-muhitni va tabiiy resurslarni muhofaza qilish qoidalariga rioya etilishi ustidan davlat nazoratini amalga oshiruvchi organlar mansabdor shaxslarining talabiga binoan tushuntirishlar berishi, ashyolarni, ov qurolini va transport vositalarini, qoʻlga kiritilgan ov mahsulotini, shaxsini tasdiqlovchi hujjatlarni, ovchilik guvohnomasini, ov qurolini saqlash va olib yurishga doir ruxsatnomani, yovvoyi hayvonlarni tutishga doir ruxsatnomani, ovchilik yoʻllanmasini (yovvoyi hayvonlarni tutish kartochkasini) koʻzdan kechirish uchun taqdim etishi;