“20-modda. Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalar — Oʻzbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini taʼminlash bilan bogʻliq oʻzgartish va qoʻshimchalar kiritish toʻgʻrisida (O‘RQ-542-son)
“20-modda. Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalar
Oʻzbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini taʼminlash bilan bogʻliq oʻzgartish va qoʻshimchalar kiritish toʻgʻrisida (O‘RQ-542-son) · Sana: 23.05.2019 · Amalda
Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalar oʻz vakolatlari doirasida:
qonuniylikni va huquq-tartibotni, fuqarolarning huquq va erkinliklarini, yuridik shaxslarning, jamiyat va davlatning qonun bilan qoʻriqlanadigan manfaatlarini huquqbuzarliklardan himoya qilishni taʼminlashni;
huquqbuzarliklar profilaktikasi va jinoyatchilikka qarshi kurashish sohasidagi davlat dasturlari va boshqa dasturlar ishlab chiqilishini hamda amalga oshirilishini, shuningdek ularning ijrosi ustidan nazoratni tashkil etishni;
vakolatli organlar va muassasalarning faoliyati samaradorligini, yaqin hamkorligini va uyushgan holda ishlashini taʼminlash maqsadida ularning faoliyatini muvofiqlashtirishni;
huquqbuzarliklar profilaktikasi va jinoyatchilikka qarshi kurashish boʻyicha koʻrilayotgan choralarni baholashni, monitoring qilishni va ularning samaradorligini oshirishni;
jinoyatlarni fosh etish, tergov qilish, ularning oldini olish va ularga barham berish amaliyotini oʻrganishni;
jinoyatlarning fosh etilishini hamda surishtiruv, tergov organlaridan va suddan yashiringan shaxslarning qidiruvini taʼminlash maqsadida tezkor-qidiruv va profilaktika tadbirlari samaradorligini oshirishni;
tizimli kamchiliklar yuzaga kelishiga imkon berayotgan sabablar va shart-sharoitlarni aniqlashni, tahlil qilishni hamda ularni huquqni qoʻllash amaliyoti va qonun hujjatlarini takomillashtirish yoʻli bilan bartaraf etishni;
organlar va muassasalarning huquqbuzarliklarning oldini olish va ularga barham berish borasidagi hamkorligini yaxshilash, shuningdek huquqbuzarliklarning sodir etilish sabablari va ularga imkon berayotgan shart-sharoitlarni aniqlash yuzasidan choralarni ishlab chiqish hamda amalga oshirishni;
huquqbuzarliklar profilaktikasi va jinoyatchilikka qarshi kurashishga doir axborotni toʻplashni, saqlashni, ularga ishlov berishni, ularni tahlil qilishni, shuningdek tegishli organlar va muassasalar faoliyati samaradorligini oshirish maqsadida ushbu axborotdan foydalanishni amalga oshiradi.
Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalar qonun hujjatlariga muvofiq boshqa vakolatlarni ham amalga oshirishi mumkin.
Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalarning faoliyatini tashkil etish tartibi qonun hujjatlariga muvofiq belgilanadi”.
30-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasining Bojxona kodeksiga (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil, № 9, 510-modda; 2018-yil, № 4, 224-modda, № 7, 433-modda, № 10, 670-modda; 2019-yil, № 1, 5-modda) quyidagi oʻzgartishlar kiritilsin:
1) 215-modda birinchi qismining uchinchi xatboshisidagi “surishtiruvchining” degan soʻz “tergovga qadar tekshiruvni amalga oshiruvchi organ mansabdor shaxsining, surishtiruvchining” degan soʻzlar bilan almashtirilsin;
2) 242-moddaning birinchi qismidagi “surishtiruv oʻtkazadi” degan soʻzlar “tergovga qadar tekshiruv oʻtkazadi” degan soʻzlar bilan almashtirilsin.
31-modda. Oʻzbekiston Respublikasining 2016-yil 16-sentabrda qabul qilingan “Ichki ishlar organlari toʻgʻrisida”gi OʻRQ-407-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 272-modda; 2017-yil, № 6, 300-modda, № 9, 510-modda) quyidagi oʻzgartish va qoʻshimchalar kiritilsin:
1) 4-moddaning:
toʻrtinchi xatboshisidagi “tezkor-qidiruv faoliyatini” degan soʻzlar “tergovga qadar tekshiruvni, tezkor-qidiruv faoliyatini” degan soʻzlar bilan almashtirilsin;
yettinchi xatboshisidagi “shaxslarni qidirish” degan soʻzlar “shaxslarni qidirish boʻyicha ishlarni tashkil etish” degan soʻzlar bilan almashtirilsin;
2) 13-moddaning:
birinchi qismi quyidagi tahrirda bayon etilsin:
“Ichki ishlar organlarining tizimi Oʻzbekiston Respublikasi Ichki ishlar vazirligi, Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari, tumanlar va shaharlar ichki ishlar boshqarmalari (boʻlimlari), transportda xavfsizlikni taʼminlash boshqarmalari (boʻlimlari), jazoni ijro etish muassasalari, ichki ishlar organlarining oʻta muhim va toifalangan obyektlardagi boʻlinmalari, shaharcha ichki ishlar boʻlinmalari va ichki ishlar organlarining tayanch punktlari, shuningdek taʼlim va tibbiyot muassasalari, ichki ishlar organlari zimmasiga yuklatilgan vazifalarni bajarish uchun tashkil etiladigan boshqa boʻlinmalar va tashkilotlardan iboratdir”;
ikkinchi qismi “qorovul qoʻshinlari” degan soʻzlardan keyin “hamda xalqaro aeroportlarda xavfsizlikni taʼminlash boʻyicha qoʻshinlar” degan soʻzlar bilan toʻldirilsin;
3) 14-moddaning toʻrtinchi va beshinchi qismlari quyidagi tahrirda bayon etilsin:
“Viloyatlar ichki ishlar boshqarmalarining boshliqlari Oʻzbekiston Respublikasi ichki ishlar vaziri tomonidan lavozimga tayinlanadi va lavozimidan ozod etiladi.
Tumanlar va shaharlar ichki ishlar boshqarmalarining (boʻlimlarining) boshliqlari Qoraqalpogʻiston Respublikasi ichki ishlar vazirining, Oʻzbekiston Respublikasi ichki ishlar vazirining oʻrinbosari — Toshkent shahar ichki ishlar bosh boshqarmasi boshligʻining, viloyatlar ichki ishlar boshqarmalari boshliqlarining taqdimnomalari boʻyicha Oʻzbekiston Respublikasi ichki ishlar vaziri tomonidan lavozimga tayinlanadi va lavozimidan ozod etiladi”;
4) 16-modda birinchi qismining:
oʻninchi xatboshisidagi “surishtiruv va tergov organlariga” degan soʻzlar “tergovga qadar tekshiruvni amalga oshiruvchi organlarga, surishtiruv va tergov organlariga” degan soʻzlar bilan almashtirilsin;
oʻn toʻrtinchi xatboshisidagi “va surishtiruvchining” degan soʻzlar “surishtiruvchining va tergovga qadar tekshiruvni amalga oshiruvchi organ mansabdor shaxsining” degan soʻzlar bilan almashtirilsin;
yigirmanchi xatboshisidagi “axloq tuzatish ishlari, qamoq” degan soʻzlar “majburiy jamoat ishlari, axloq tuzatish ishlari” degan soʻzlar bilan almashtirilsin;
yigirma uchinchi xatboshisidagi “yoki qamoqqa olishga” degan soʻzlar chiqarib tashlansin;
5) 17-modda birinchi qismining yigirma birinchi xatboshisidagi “surishtiruv, tergov organlaridan” degan soʻzlar “tergovga qadar tekshiruvni amalga oshiruvchi organlardan, surishtiruv, tergov organlaridan” degan soʻzlar bilan almashtirilsin;
6) 26-moddaning:
birinchi qismidagi “Yoshi oʻn sakkizdan kichik va oʻttizdan katta boʻlmagan” degan soʻzlar “Oʻn sakkizdan oʻttiz yoshgacha, shu jumladan oʻttiz yoshdagi” degan soʻzlar bilan almashtirilsin;
toʻqqizinchi qismi quyidagi tahrirda bayon etilsin:
“Belgilangan tartibda muomalaga layoqatsiz yoki muomala layoqati cheklangan deb topilgan, xizmatni oʻtashga toʻsqinlik qiladigan kasalligi yoki jismoniy nuqsonlari boʻlgan, boshqa davlat organlaridan salbiy sabablarga koʻra boʻshatilgan fuqarolar, shuningdek sodir etgan jinoyati uchun qoʻllanilgan jazo turidan, sudlanganlik holati tugallanganligidan yoki olib tashlanganligidan va amnistiya akti qoʻllanilganligidan qatʼi nazar muqaddam sudlangan fuqarolar ichki ishlar organlariga xizmatga qabul qilinishi mumkin emas”;
7) 30-moddaning:
oʻn birinchi va oʻn ikkinchi qismlari quyidagi mazmundagi oʻn birinchi qism bilan almashtirilsin:
“Ichki ishlar organlarida xizmatda boʻlishning cheklangan yoshi safdorlar va serjantlar tarkibi xodimlari uchun ellik yoshni, ofitserlar tarkibi uchun — ellik besh yoshni, generallar tarkibi uchun — oltmish yoshni, ayollarga esa (mavjud unvonidan qatʼi nazar) — ellik yoshni tashkil etadi”;
oʻn uchinchi — oʻn yettinchi qismlari tegishincha oʻn ikkinchi — oʻn oltinchi qismlar deb hisoblansin;
oʻn uchinchi qismi quyidagi tahrirda bayon etilsin:
“Yuksak kasbiy tayyorgarlikka, egallab turgan lavozimida ish tajribasiga ega boʻlgan va sogʻligʻining holatiga koʻra xizmatni oʻtashga yaroqli xodimlarning xizmat muddati Oʻzbekiston Respublikasi ichki ishlar vaziri tomonidan belgilangan tartibda ushbu xodimlarning roziligi bilan besh yilgacha, boshliqlar tarkibidagi, Oʻzbekiston Respublikasi Ichki ishlar vazirligi taʼlim muassasalarida professor-oʻqituvchilik lavozimlarini egallab turgan va ilmiy darajaga ega boʻlgan shaxslarning xizmat muddati esa oʻn yilgacha boʻlgan muddatga uzaytirilishi mumkin”;
8) 31-moddaning ikkinchi qismi quyidagi tahrirda bayon etilsin:
“Ichki ishlar organlari uchun professional kadrlarni tayyorlash va qayta tayyorlash, xodimlarning malakasini oshirish, qoida tariqasida, Oʻzbekiston Respublikasi Ichki ishlar vazirligi taʼlim muassasalari tomonidan amalga oshiriladi, bundan ushbu muassasalarda oʻqitilmaydigan ixtisosliklar mustasno”;
9) 32-modda birinchi qismining:
ikkinchi xatboshisi “oʻzining xohishi” degan soʻzlardan keyin “(pensiya olish huquqini beradigan xizmat muddatini oʻtamaganlarga) — xodimning bildirgisi asosida” degan soʻzlar bilan toʻldirilsin;
toʻrtinchi xatboshisi quyidagi tahrirda bayon etilsin:
“pensiya olish huquqini beradigan xizmat muddatini oʻtaganligi — xodimning bildirgisi asosida”;
oltinchi xatboshisidagi “ichki ishlar organlaridagi” degan soʻzlar chiqarib tashlansin;
sakkizinchi xatboshisi quyidagi tahrirda bayon etilsin:
“dastlabki sinov muddati davomida xizmatga yaroqsizligi”;
oʻn ikkinchi xatboshisi quyidagi tahrirda bayon etilsin:
“sodir etgan jinoyati uchun sudning hukmi, ajrimi, qarori qonuniy kuchga kirganligi”;
oʻn uchinchi xatboshisidagi “ichki ishlar organi xodimida” degan soʻzlar “xodimda” degan soʻz bilan almashtirilsin;
oʻn toʻrtinchi xatboshisi quyidagi tahrirda bayon etilsin:
“boshqa turdagi davlat xizmatiga oʻtganligi (kadrlarning amaldagi zaxirasiga kiritilmagan holda)”;
10) quyidagi mazmundagi 341-modda bilan toʻldirilsin:
O'qish oynasida ochishRangli belgilar, qaydlar, qidiruv va tanlangan matn bo'yicha test bilan.
Matn lex.uz dan avtomatik olingan va mazmunan u bilan bir xil: bu alohida tahrir emas, o'sha matnning o'zi. U ta'lim va ma'lumot maqsadida keltirilgan, normalar mazmuni o'zgartirilmaydi. Bu rasmiy nashr emas: sud, shartnoma va rasmiy javoblar uchun lex.uz dagi amaldagi tahrirni tekshiring. Loyiha haqida
Sayt haqida: NEOLEX (veoskill) — O'zbekiston Respublikasi huquqi bo'yicha ta'lim loyihasi. U lex.uz o'rnini bosmaydi, o'sha matnlarga har bir modda uchun alohida manzil, oddiy so'zlar bilan izohlar, atamalar lug'ati, testlar va uch tilda o'qishni qo'shadi. Aloqa: Telegram @neovixar.
Quyidagicha iqtibos keltiring: “20-modda. Huquqbuzarliklar profilaktikasi va jinoyatchilikka qarshi kurashish boʻyicha idoralararo komissiyalar Oʻzbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini taʼminlash bilan bogʻliq oʻzgartish va qoʻshimchalar kiritish toʻgʻrisida (O‘RQ-542-son). neolex.uz/uz/laws/law-4349708/20 (lex.uz/docs/-4349703)
