14-modda. Rezervchilarni tayyorlashga rahbarlik

Oʻzbekiston Respublikasi Qurolli Kuchlari rezervidagi xizmat toʻgʻrisida (478-II-son) · Sana: 25.04.2003 · Amalda

Rezervchilarni hisobga olish va ularni harbiy yigʻinlarga jalb etish mudofaa ishlari organlari zimmasiga yuklatiladi.

Rezervchilarning harbiy tayyorgarligini tashkil etish va oʻtkazish ular Qurolli Kuchlarning qaysi qoʻshilmalari, qismlari va boʻlinmalariga biriktirib qoʻyilgan boʻlsa, shu qoʻshilma, qism va boʻlinma qoʻmondonligi tomonidan tayyorgarlik dasturlari hamda rejalariga muvofiq amalga oshiriladi.

Rezervchilarni tayyorlashga rahbarlik, oʻtkazilayotgan tayyorgarlikning sifati hamda samaradorligini nazorat qilish harbiy okruglar qoʻmondonligi tomonidan, rezervchilar xizmat oʻtashi nazarda tutilgan vazirliklar va idoralarning boʻlinmalari bilan hamkorlikda amalga oshiriladi.

Oʻzbekiston Respublikasi Qurolli Kuchlari Bosh shtabi rezervchilar tayyorlashga umumiy rahbarlikni hamda bu boradagi ishlarni rejalashtirishni amalga oshiradi, tinchlik va urush davrida, favqulodda vaziyatlar roʻy berganda yoki Oʻzbekiston Respublikasiga qarshi harbiy tajovuz tahdidi yuzaga kelgan taqdirda, rezervchilardan qonunchilikka muvofiq foydalanilishi tartibini belgilaydi.

O'qish oynasida ochishRangli belgilar, qaydlar, qidiruv va tanlangan matn bo'yicha test bilan.

Qonunning barcha moddalariBu modda boshqa tillarda:ru en

Matn manbasi

O'zbekiston Respublikasi qonunchilik ma'lumotlari milliy bazasi (lex.uz). lex.uz dagi asl nusxa: lex.uz/docs/-33419

Matn lex.uz dan avtomatik olingan va mazmunan u bilan bir xil: bu alohida tahrir emas, o'sha matnning o'zi. U ta'lim va ma'lumot maqsadida keltirilgan, normalar mazmuni o'zgartirilmaydi. Bu rasmiy nashr emas: sud, shartnoma va rasmiy javoblar uchun lex.uz dagi amaldagi tahrirni tekshiring. Loyiha haqida

Sayt haqida: NEOLEX (veoskill) — O'zbekiston Respublikasi huquqi bo'yicha ta'lim loyihasi. U lex.uz o'rnini bosmaydi, o'sha matnlarga har bir modda uchun alohida manzil, oddiy so'zlar bilan izohlar, atamalar lug'ati, testlar va uch tilda o'qishni qo'shadi. Aloqa: Telegram @neovixar.

Quyidagicha iqtibos keltiring: 14-modda. Rezervchilarni tayyorlashga rahbarlik Oʻzbekiston Respublikasi Qurolli Kuchlari rezervidagi xizmat toʻgʻrisida (478-II-son). neolex.uz/uz/laws/law-34037/14 (lex.uz/docs/-33419)