“2031-modda. Jinoyat quroli

Ashyoviy dalil deb eʼtirof etilgan jinoyatga tayyorgarlik koʻrish yoki sodir etish uchun maxsus moʻljallangan, tayyorlangan yoki moslashtirilgan narsalar, shuningdek jinoiy maqsadlarga erishish uchun jinoyat sodir etish jarayonida bevosita foydalanilgan mol-mulk jinoyat qurolidir”;

7) 290-moddaning birinchi qismi quyidagi mazmundagi jumla bilan toʻldirilsin:

“Ashyoviy dalil deb eʼtirof etilgan mol-mulkni oʻzlashtirishning, xarj qilib yuborishning, yashirishning, yoʻq qilib tashlashning yoki shikastlantirishning oldini olish maqsadida ushbu mol-mulk ham xatlanadi”;

8) 329-moddaning ikkinchi qismidagi “va ekspertiza oʻtkazish” degan soʻzlar “ekspertiza oʻtkazish, tezkor-qidiruv tadbirlarini oʻtkazish haqida topshiriqlar berish” degan soʻzlar bilan almashtirilsin;

9) 339-modda ikkinchi qismining ikkinchi jumlasi quyidagi tahrirda bayon etilsin:

“Ichki ishlar, milliy xavfsizlik xizmati, davlat bojxona xizmati organlari va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda uning joylardagi boʻlinmalari shu maqsadda tezkor-qidiruv tadbirlarini oʻtkazishga haqli”;

10) 343-moddaning:

birinchi qismidagi “tergov va qidiruv harakatlarini bajarish” degan soʻzlar “tergov harakatlarini va tezkor-qidiruv tadbirlarini oʻtkazish” degan soʻzlar bilan almashtirilsin;

ikkinchi qismidagi “shartlari va usullarini” degan soʻzlar “shartlarini” degan soʻz bilan almashtirilsin;

uchinchi qismi “qoʻshib qoʻyish uchun” degan soʻzlardan keyin “qonunda belgilangan tartibda” degan soʻzlar bilan toʻldirilsin;

11) 355-modda ikkinchi qismining 5-bandidagi “tergov va qidiruv ishlarini” degan soʻzlar “tergov harakatlarini va tezkor-qidiruv tadbirlarini” degan soʻzlar bilan almashtirilsin;

12) 382-modda uchinchi qismining oʻninchi xatboshisi “soʻzlashuvlarni eshitib turishga” degan soʻzlardan keyin “yozishmalar, telefon orqali soʻzlashuvlar va boshqa soʻzlashuvlar, pochta, kuryerlik joʻnatmalari, telegraf xabarlari hamda aloqa tarmoqlari orqali uzatiladigan boshqa xabarlarning sir saqlanishi, uy-joy daxlsizligi huquqini cheklovchi tezkor-qidiruv tadbirlarini oʻtkazishga” degan soʻzlar bilan toʻldirilsin.