15. Modda qonun loyihasining (qonunning) tarkibiy birligi sifatida
Oʻzbekiston Respublikasi Oliy Majlisi Qonunchilik palatasiga kiritiladigan qonun loyihalarini va Oʻzbekiston Respublikasi Oliy Majlisi Senatiga taqdim etilgan qonunlarni yuridik-texnik jihatdan rasmiylashtirish qoidalarini tasdiqlash toʻgʻrisida (237-II-son) · Sana: 30.12.2010 · Amalda
Qonun loyihasining (qonunning) moddasi:
qonun loyihasining (qonunning) asosiy tarkibiy birligi hisoblanadi;
arab raqamlari bilan belgilanadigan tartib raqamiga ega boʻladi;
nomga ega boʻladi, ayrim hollarda unga ega boʻlmasligi mumkin.
Modda belgisi arab raqamlaridan boshlanadi va xatboshidan yoziladi.
Moddaning nomi uning raqam belgisi bilan bir qatorga bosh harf bilan yarim qora shriftda yozilib, “modda” degan soʻzdan keyin nuqta qoʻyiladi.
Agar modda nomga ega boʻlmasa, u holda “modda” degan soʻzdan keyin nuqta qoʻyiladi, moddaning belgisi yarim qora raqam bilan xatboshidan yoziladi.
Modda qismlarga boʻlinadi, bu qismlar raqamlanmaydi. Modda qismlarining joylashuv tartibi bosh harf bilan boshlanadigan va nuqta bilan tugaydigan xatboshilarni ketma-ket sanash orqali aniqlanadi.
1-misol:
427-modda. Xaridorga tovar haqida axborot berish
__________________________________________. (birinchi qism)
__________________________________________. (ikkinchi qism)
___________________________________________. (uchinchi qism)
__________________________________________. (toʻrtinchi qism)
2-misol:
6-modda. _______________________
__________________________________________. (birinchi qism)
__________________________________________. (ikkinchi qism)
(qarang: Oʻzbekiston Respublikasining 1996-yil 26-dekabrda qabul qilingan “Oʻzbekiston Respublikasi tashqi siyosiy faoliyatining asosiy prinsiplari toʻgʻrisida”gi 336–I-sonli Qonuni).
Moddaning qismlari bandlarga boʻlinib, bandlar doirasimon qavs bilan berkitiladigan arab raqamlari bilan belgilanadi.
Bandlar kichik bandlarga boʻlinib, kichik bandlar doirasimon qavs bilan berkitiladigan kichik harflar bilan belgilanadi.
1-misol:
109-modda. Sud buyrugʻini berish tartibi va uni berishni rad etish asoslari