Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida (O‘RQ-114-son)

20.09.2007

Oʻzbekiston Respublikasining qonuni

Qonunchilik palatasi tomonidan 2007-yil 21-iyunda qabul qilingan Senat tomonidan 2007-yil 24-avgustda maʼqullangan

1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar) quyidagi oʻzgartish va qoʻshimchalar kiritilsin:

1) quyidagi mazmundagi 1961-modda bilan toʻldirilsin:

“1961-modda. Chegara qoʻshinlari harbiy xizmatchilarining qonuniy talablarini bajarmaslik va ularning qonuniy faoliyatiga qarshilik koʻrsatish

Chegara qoʻshinlari harbiy xizmatchilarining Oʻzbekiston Respublikasining Davlat chegarasini noqonuniy kesib oʻtish bilan bogʻliq harakatlarni toʻxtatish, shuningdek zarur hujjatlarni toʻkdim etish haqidagi qonuniy talablarini bajarmaslik —

eng kam ish haqining bir baravaridan uch baravarigacha miqdorda jarima solishga sabab boʻladi.

Chegara qoʻshinlari harbiy xizmatchilarining qonuniy talablarini bajarmaslikka har qanday koʻrinishda omma oldida daʼvat etish, ommaviy ravishda boʻysunmaslikni keltirib chiqarish maqsadida atayin soxta uydirmalar tarqatish yoʻli bilan chegara qoʻshinlari harbiy xizmatchilarining oʻz qonuniy faoliyatini amalga oshirishiga qarshilik koʻrsatish, xuddi shuningdek chegara qoʻshinlari harbiy xizmatchilarining huquqbuzarliklarni toʻxtatish haqidagi qonuniy talablariga boʻysunmaslik, —

eng kam ish haqining uch baravaridan besh baravarigacha miqdorda jarima solishga sabab boʻladi.

Ushbu moddaning birinchi yoki ikkinchi qismlarida nazarda tutilgan huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

eng kam ish haqining besh baravaridan oʻn baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi”;

2) quyidagi mazmundagi 2241, 2242-moddalar bilan toʻldirilsin:

“2241-modda. Oʻzbekiston Respublikasining Davlat chegarasi orqali oʻtkazish punktlaridagi rejimni buzish

Oʻzbekiston Respublikasining Davlat chegarasi orqali oʻtkazish punktlaridagi rejimni buzish, yaʼni shaxslar va transport vositalarining oʻtkazish punktlarida boʻlishi hamda harakatlanishi tartibiga rioya etmaslik, shaxslarning oʻtkazish punktlaridagi taqiqlangan joylarga va transport vositalariga gʻayriqonuniy kirishi —

fuqarolarga eng kam ish haqining uch baravaridan besh baravarigacha, mansabdor shaxslarga esa — besh baravaridan oʻn baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

fuqarolarga eng kam ish haqining besh baravaridan oʻn baravarigacha, mansabdor shaxslarga esa — oʻn baravaridan oʻn besh baravarigacha miqdorda jarima solishga sabab boʻladi.

2242-modda. Oʻzbekiston Respublikasining Davlat chegarasida barpo etilgan muhandislik-texnika inshootlarini va toʻsiqlarni yoʻq qilib yuborish yoki ularga shikast yetkazish

Oʻzbekiston Respublikasining Davlat chegarasida barpo etilgan muhandislik-texnika inshootlarini va toʻsiqlarni yoʻq qilib yuborish yoki ularga shikast yetkazish —

huquqbuzarlik sodir etish qurolini musodara qilib, fuqarolarga eng kam ish haqining uch baravaridan besh baravarigacha, mansabdor shaxslarga esa — besh baravaridan oʻn baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

huquqbuzarlik sodir etish qurolini musodara qilib, fuqarolarga eng kam ish haqining besh baravaridan oʻn baravarigacha, mansabdor shaxslarga esa — oʻn baravaridan oʻn besh baravarigacha miqdorda jarima solishga sabab boʻladi”;

3) 245-moddaning birinchi qismi “196” raqamidan keyin “1961” raqami bilan, “222” raqamidan keyin esa “2241, 2242” raqamlari bilan toʻldirilsin;

4) 287-moddaning 2-bandi quyidagi tahrirda bayon etilsin:

“2) ushbu Kodeksning 1842, 1843, 1961, 224, 2241, 2242-moddalarida nazarda tutilgan huquqbuzarliklar sodir etilgan taqdirda — chegara qoʻshinlari tomonidan”;

5) 291-moddaning birinchi qismi quyidagi mazmundagi “e” band bilan toʻldirilsin:

“e) ushbu Kodeksning 1961, 224, 2241, 2242-moddalarida nazarda tutilgan maʼmuriy huquqbuzarliklar sodir etilganda — chegara qoʻshinlarining mansabdor shaxslari tomonidan”.

2-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

2007-yil 20-sentabr,

OʻRQ-114-son