39-modda. Oʻzbekiston Respublikasining xalqaro shartnomalarini Oliy Majlis tomonidan toʻxtatish, denonsatsiya qilish

Oʻzbekiston Respublikasining xalqaro shartnomalari toʻgʻrisida (172-I-son) · Sana: 22.12.1995 · Amalda

Oʻzbekiston Respublikasi nomidan tuzilgan Oʻzbekiston Respublikasining xalqaro shartnomalarini toʻxtatish, denonsatsiya qilish Oʻzbekiston Respublikasi Prezidentining taqdimnomasiga muvofiq, Oʻzbekiston Respublikasi Hukumati tasarrufidagi masalalar boʻyicha Oʻzbekiston Respublikasi nomidan tuzilgan shartnomalar esa, Oʻzbekiston Respublikasi Hukumatining taqdimnomasiga muvofiq Oliy Majlis tomonidan amalga oshiriladi.

Oʻzbekiston Respublikasi Hukumati nomidan tuzilib, ratifikatsiya qilingan Oʻzbekiston Respublikasining xalqaro shartnomalarini toʻxtatish, denonsatsiya qilish Oʻzbekiston Respublikasi Hukumatining taqdimnomasiga muvofiq Oliy Majlis tomonidan amalga oshiriladi.

Oʻzbekiston Respublikasi xalqaro shartnomasining toʻxtatilishi, denonsatsiya qilinishi, agar shartnomada boshqacha hol nazarda tutilmagan boʻlsa yoki uning oʻzga ishtirokchilari bilan boshqacha kelishilmagan boʻlsa, Oʻzbekiston Respublikasini shartnomani bajarish majburiyatidan ozod qiladi va shartnomaning amal qilishi davomida paydo boʻlgan Oʻzbekiston Respublikasining huquq va majburiyatlariga taʼsir etmaydi.

O'qish oynasida ochishRangli belgilar, qaydlar, qidiruv va tanlangan matn bo'yicha test bilan.

Qonunning barcha moddalariBu modda boshqa tillarda:ru en

Matn manbasi

O'zbekiston Respublikasi qonunchilik ma'lumotlari milliy bazasi (lex.uz). lex.uz dagi asl nusxa: lex.uz/docs/-121884

Matn lex.uz dan avtomatik olingan va mazmunan u bilan bir xil: bu alohida tahrir emas, o'sha matnning o'zi. U ta'lim va ma'lumot maqsadida keltirilgan, normalar mazmuni o'zgartirilmaydi. Bu rasmiy nashr emas: sud, shartnoma va rasmiy javoblar uchun lex.uz dagi amaldagi tahrirni tekshiring. Loyiha haqida

Sayt haqida: NEOLEX (veoskill) — O'zbekiston Respublikasi huquqi bo'yicha ta'lim loyihasi. U lex.uz o'rnini bosmaydi, o'sha matnlarga har bir modda uchun alohida manzil, oddiy so'zlar bilan izohlar, atamalar lug'ati, testlar va uch tilda o'qishni qo'shadi. Aloqa: Telegram @neovixar.

Quyidagicha iqtibos keltiring: 39-modda. Oʻzbekiston Respublikasining xalqaro shartnomalarini Oliy Majlis tomonidan toʻxtatish, denonsatsiya qilish Oʻzbekiston Respublikasining xalqaro shartnomalari toʻgʻrisida (172-I-son). neolex.uz/uz/laws/law-122232/39 (lex.uz/docs/-121884)