21-modda. Xalqaro shartnomalarga qoʻshilish

Oʻzbekiston Respublikasining xalqaro shartnomalarga qoʻshilishi toʻgʻrisidagi qaror:

1) ratifikatsiya qilinadigan shartnomalarga nisbatan — Oliy Majlis tomonidan;

2) ratifikatsiya qilinmaydigan, ularga qoʻshilish Oʻzbekiston Respublikasi nomidan amalga oshiriladigan shartnomalarga nisbatan, — Oʻzbekiston Respublikasi Prezidenti tomonidan, ratifikatsiya qilinmaydigan, ularga qoʻshilish Oʻzbekiston Respublikasi Hukumati tasarrufidagi masalalar boʻyicha Oʻzbekiston Respublikasi nomidan amalga oshiriladigan shartnomalarga nisbatan, — Oʻzbekiston Respublikasi Hukumati tomonidan;

3) ratifikatsiya qilinmaydigan, ularga qoʻshilish Oʻzbekiston Respublikasi Hukumati nomidan amalga oshiriladigan shartnomalarga nisbatan, — Oʻzbekiston Respublikasi Hukumati tomonidan;

4) idoralararo shartnomalarga nisbatan, — Oʻzbekiston Respublikasi Hukumati belgilaydigan tartibda qabul qilinadi.