“Davlat tasarrufidan chiqarish va xususiylashtirish toʻgʻrisida”gi Oʻzbekiston Respublikasi Qonuniga oʻzgartishlar va qoʻshimchalar kiritish haqida (852-XII-son)

07.05.1993

Hujjat kuchini yo‘qotgan 16.05.2024

Oʻzbekiston Respublikasining qonuni

Oʻzbekiston Respublikasining 1991-yil 19-noyabrda qabul qilingan “Davlat tasarrufidan chiqarish va xususiylashtirish toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1992-yil, №1, 43-modda) quyidagi oʻzgartishlar va qoʻshimchalar kiritilsin:

1. 1-modda:

birinchi qismidagi “aksiyali jamiyatlarga, masʼuliyati cheklangan jamiyatlarga” degan soʻzlar “xoʻjalik jamiyatlari va shirkatlariga” degan soʻzlar bilan almashtirilsin;

ikkinchi qismidagi “fuqarolarning” degan soʻz “jismoniy shaxslarning” degan soʻzlar bilan almashtirilsin.

2. 2-modda:

birinchi bandidan “mazkur hujjatlarda koʻzda tutilgan hollarda esa Oʻzbekiston Respublikasi Prezidenti huzuridagi Vazirlar Mahkamasi qarorlaridan ham” degan soʻzlar chiqarib tashlansin;

ikkinchi bandi “bilan” degan soʻzdan keyin “ham” degan soʻz bilan toʻldirilsin;

uchinchi bandi “davlatlararo” degan soʻzdan keyin “hamda hukumatlararo” degan soʻzlar bilan toʻldirilsin.

3. 3-modda quyidagi mazmunda boʻlgan ikkinchi xatboshi bilan toʻldirilsin:

“davlat tasarrufidan chiqarish va xususiylashtirish shakllarini mehnat jamoasining oʻzi mustaqil tarzda belgilashi;”

Ikkinchi, uchinchi, toʻrtinchi, beshinchi va oltinchi xatboshilari tegishincha uchinchi, toʻrtinchi, beshinchi, oltinchi va yettinchi xatboshilari deb hisoblansin.

Oltinchi xatboshi “davlat tasarrufidan” degan soʻzlardan avval “oshkoralik” degan soʻzlar bilan toʻldirilsin.

4. 4-modda:

ikkinchi bandidagi “yer osti boyliklari” degan soʻzlardan keyin “ichki” degan soʻz bilan, “suv” degan soʻzdan keyin “havo havzasi” degan soʻzlar bilan toʻldirilsin;

toʻrtinchi va beshinchi bandlari chiqarib tashlansin.

5. 5-moddaning birinchi bandida:

ikkinchi xatboshisi quyidagi tahrirda bayon etilsin:

“Oʻzbekiston Respublikasining, boshqa davlatlarning fuqarolari, fuqaroligi boʻlmagan shaxslar”

uchinchi xatboshisidagi “Oʻzbekiston Respublikasi fuqarolari tashkil etgan” degan soʻzlar chiqarib tashlansin;

toʻrtinchi xatboshisi quyidagi tahrirda bayon etilsin:

“ajnabiy yuridik shaxslar davlat mulkini sotib oluvchi subyektlar boʻlishi mumkin”.

6. 6-modda:

birinchi bandining ikkinchi qismidagi “aksiyali jamiyatga, boshqa yoʻsindagi” degan soʻzlar chiqarib tashlansin;

ikkinchi bandidagi ikkinchi, uchinchi va beshinchi qismlar chiqarib tashlansin;

ikkinchi qismi quyidagi tahrirda bayon etilsin:

“— boshqa davlatlarning jismoniy va yuridik shaxslari davlat tasarrufidan chiqarilgan va xususiylashtirilayotgan obyektlari, ularning aksiyalarini Oʻzbekiston Respublikasi Vazirlar Mahkamasi tomonidan yoki u vakolat bergan idora tomonidan belgilanadigan tartib boʻyicha sotib oladilar”;

7. 7-modda chiqarib tashlanib, 8, 9, 10, 11, 12, 13, 14, 15, 16, 17, 18, 19, 20, 21 va 22-moddalar tegishincha 7, 8, 9, 10, 11, 12, 13, 14, 15, 16, 17, 18, 19, 20 va 21-moddalar deb hisoblansin.

8. 7-modda:

birinchi qismining birinchi bandidagi “vakil qilgan idoralarga” degan soʻzlar “vakolat bergan davlat boshqaruvi idoralariga” degan soʻzlar bilan almashtirilsin;

birinchi bandining ikkinchi qismi quyidagi tahrirda bayon etilsin:

“Kommunal obyektlarini davlat tasarrufidan chiqarish va xususiylashtirish toʻgʻrisidagi qaror qabul qilish huquqi mahalliy hokimiyat va boshqaruv idoralariga beriladi”;

birinchi bandining toʻrtinchi qismi quyidagi tahrirda bayon etilsin:

“Oʻzbekiston Respublikasining davlat mulkini davlat mulkiga va maʼmuriy-hududiy tizilmalar mulkiga (kommunal mulkka) ajratishni Oʻzbekiston Respublikasi Vazirlar Mahkamasining taklifiga koʻra Oʻzbekiston Respublikasi Oliy Kengashi amalga oshiradi”;

ikkinchi bandining birinchi qismidagi “yuridik shaxslar” degan soʻzlar “Oʻzbekiston Respublikasining yuridik shaxslari va boshqa davlatlarning yuridik shaxslari” degan soʻzlar bilan almashtirilsin;

ikkinchi qismning uchinchi bandidagi “respublika mulkini” degan soʻzlar “davlat mulkini” degan soʻzlar bilan almashtirilsin;

ikkinchi bandining toʻrtinchi qismi quyidagi tahrirda bayon etilsin:

“kommunal mulkni davlat tasarrufidan chiqarish va xususiylashtirishga oid boʻlsa, bu mulkning egasi boʻlgan mahalliy hokimiyat boshqaruv idoralariga beriladi. Buyurtmaning shakli va yigʻim miqdori Oʻzbekiston Respublikasi Vazirlar Mahkamasi oʻrnatadigan tartibda belgilanadi”;

uchinchi bandi chiqarib tashlansin;

toʻrtinchi bandi uchinchi band deb, beshinchi bandi esa toʻrtinchi band deb hisoblansin;

toʻrtinchi bandining toʻrtinchi qismi chiqarib tashlansin.

9. 8-modda:

ikkinchi bandining birinchi qismidagi “uning kasaba uyushmasi tashkilotining yoki oʻzga jamoa” degan soʻzlar “jamoat” degan soʻz bilan almashtirilsin.

10. 9-modda:

ikkinchi bandi quyidagi tahrirda bayon etilsin:

“2. Davlat mulki obyekti qiymatining dastlabki bahosi Oʻzbekiston Respublikasi Vazirlar Mahkamasi belgilaydigan tartibda aniqlanadi;

uchinchi bandi chiqarib tashlansin.

11. 10-modda quyidagi tahrirda bayon etilsin:

“10-modda. Davlat korxonasining ijaraga olingan mol-mulkini sotib olish

Ijarachi davlat mulki obyektlarini tasarruf etuvchining roziligi bilan oʻzi ijaraga olgan mol-mulkini (toʻliq yoki qisman) sotib olishi mumkin”.

12. 11-modda quyidagi tahrirda bayon etilsin:

“11-modda. Davlat korxonasini jamoa korxonasiga aylantirish

1. Davlat korxonasini jamoa korxonasiga aylantirish mehnat jamoasi aʼzolari tomonidan davlat mulkining (haqini bir yoʻla yoki boʻlib-boʻlib haq toʻlash orqali) sotib olishi yoki bu mulkining ularga tekin boʻlishi yoʻli bilan amalga oshiriladi.

2. Mol-mulk jamoa egalariga sotib olinishi chogʻida jamoa korxonasining ustavida har bir xodimning mol-mulkdagi hamda foydadagi ulushi belgilab qoʻyiladi, bunda ularning ish staji, maoshning miqdori va boshqa omillar eʼtiborga olinadi”.

13. 12-modda quyidagi tahrirda bayon etilsin:

“12-modda. Davlat korxonalarini xoʻjalik jamiyatlari va shirkatlariga aylantirish

1. Davlat korxonasini xoʻjalik jamiyat yoki shirkatiga aylantirish tartibi Oʻzbekiston Respublikasining qonunlari bilan belgilanadi.

2. Quyidagilar xoʻjalik jamiyatlari yoki shirkatlarining muassislari yoki aksiyalar (ulush pay) boʻlishlari mumkin:

mehnat jamoasining aʼzolari, Oʻzbekiston Respublikasining boshqa fuqarolari, ajnabiy fuqarolar va fuqaroligi boʻlmagan shaxslar;

Oʻzbekiston Respublikasi va boshqa davlatlarning yuridik shaxslari;

davlat boshqaruvining respublika va mahalliy idoralari”.

14. 14-modda:

uchinchi bandidagi “respublika (kommunal) mulki” degan soʻzlar “davlat yoki kommunal mulk” degan soʻzlar bilan almashtirilsin; “davlat mulki obyektlarini” degan soʻzlar “mulk obyektlarini” degan soʻzlar bilan almashtirilsin.

15. 16-modda:

ikkinchi bandining toʻrtinchi qismi chiqarib tashlansin.

16. 19-modda:

birinchi bandidagi “shu erdan pensiyaga ketgan mehnat faxriylariga” degan soʻzlar “mehnat faxriylariga, shu korxonadan pensiyaga chiqqan shaxslarga” degan soʻzlar bilan almashtirilsin;

ikkinchi bandi quyidagi mazmunda boʻlgan ikkinchi qism bilan toʻldirilsin:

“Davlat korxonasining mol-mulki shu korxona mehnat jamoasi tomonidan sotib olinayotganida korxona balansida turgan ijtimoiy infrastruktura hamda atrof-muhitni muhofaza qilish obyektlarining qiymati sotilayotgan obyekt narxiga qoʻshilmaydi”

Oʻzbekiston Respublikasining Prezidenti I. KARIMOV

Toshkent sh.,

1993-yil 7-may,

852-XII-son