Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (41-son)

10.03.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Mustaqil teleradio kanallarni isloh qilish va rivojlantirish chora-tadbirlari toʻgʻrisida” 2005-yil 8-noyabrdagi PF–3678-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 10-mart,

41-son

Vazirlar Mahkamasining 2006-yil 10-martdagi 41-son qaroriga 1-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda maʼlumotlar uzatish samaradorligini oshirish yuzasidan qoʻshimcha chora-tadbirlar toʻgʻrisida” 1998-yil 10-iyuldagi 293-son qarorida (Oʻzbekiston Respublikasi QT, 1998-y., 7-son, 26-modda):

a) 5-bandning birinchi xatboshidagi “Oʻzteleradio” kompaniyasi” soʻzlari “Oʻzbekiston MTRK” soʻzlari bilan almashtirilsin;

b) 6-bandning toʻrtinchi xatboshidagi “Oʻzteleradio” kompaniyasi” soʻzlari “Oʻzbekiston MTRK” soʻzlari bilan almashtirilsin;

v) Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasi toʻgʻrisidagi nizomda:

5-bandning uchinchi xatboshidagi “Oʻzteleradio” kompaniyasi” soʻzlari “Oʻzbekiston MTRK” soʻzlari bilan almashtirilsin;

10-bandning ikkinchi xatboshidagi “Oʻzteleradio” kompaniyasi” soʻzlari “Oʻzbekiston MTRK” soʻzlari bilan almashtirilsin;

g) Davlat roʻyxatidan oʻtkazish (qayta roʻyxatdan oʻtkazish), teleradiodasturlarni shakllantirish va tarqatish hamda maʼlumotlar uzatish bilan shugʻullanish faoliyatiga litsenziyalar berish uchun hujjatlarni qabul qilish va rasmiylashtirish tartibining 5 va 6-bandlaridagi “Oʻzteleradio” kompaniyasiga” va “Oʻzteleradio” kompaniyasi” soʻzlari tegishli ravishda “Oʻzbekiston milliy teleradiokompaniyasiga” va “Oʻzbekiston milliy teleradiokompaniyasi” soʻzlari bilan almashtirilsin.

5. Vazirlar Mahkamasining “Ommaviy sport targʻibotini yanada kuchaytirish chora-tadbirlari toʻgʻrisida” 2003-yil 4-noyabrdagi 484-son qarorining 3, 5 va 6-bandlari chiqarib tashlansin.

7. Vazirlar Mahkamasining “Respublika komissiyalari va kengashlari tarkiblarini tasdiqlash toʻgʻrisida” 2004-yil 26-iyuldagi 358-son qarorida:

a) 27-ilovadagi “Oʻzteleradio” kompaniyasi” soʻzlari “Oʻzbekiston milliy teleradiokompaniyasi” soʻzlari bilan almashtirilsin;

b) 45-ilovadagi “Oʻzteleradio” kompaniyasi” soʻzlari “Oʻzbekiston milliy teleradiokompaniyasi” soʻzlari bilan almashtirilsin.

Vazirlar Mahkamasining 2006-yil 10-martdagi 41-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan qarorlari roʻyxati

1. Vazirlar Mahkamasining “Oʻzbekiston Davlat televideniye va radioeshittirish kompaniyasining koʻrsatuv va eshittirishlari hajmini koʻpaytirish, uning moddiy-texnika negizini mustahkamlash chora-tadbirlari toʻgʻrisida” 1994-yil 28-martdagi 167-son qarori.

2. Vazirlar Mahkamasining “Oʻzbekiston Teleradiokompaniyasini tashkil etish va uning faoliyati masalalari” toʻgʻrisida 1996-yil 24-maydagi 190-son qarori (Oʻzbekiston Respublikasi QT, 1996-y., 6-son, 18-modda).