“Davlat sirlarini saqlash toʻgʻrisida”gi Oʻzbekiston Respublikasi Qonunini amalga kiritish toʻgʻrisida (849-XII-son)

07.05.1993

Oʻzbekiston Respublikasi oliy Kengashining

Qarori

Oʻzbekiston Respublikasi Oliy Kengashi qaror qiladi:

1. “Davlat sirlarini saqlash toʻgʻrisida”gi Oʻzbekiston Respublikasi Qonuni eʼlon qilingan paytdan eʼtiboran amalga kiritilsin.

2. Oʻzbekiston Respublikasi Vazirlar Mahkamasi:

maʼlumotlarning mahfiylik darajasini aniqlash va belgilash tartibi toʻgʻrisidagi Nizomni; Oʻzbekiston Respublikasida maxfiylashtirilishi lozim boʻlgan maʼlumotlar roʻyxatini; Oʻzbekiston Respublikasining alohida tartibga boʻysunuvchi, alohida muhim va muayyan tartibga boʻysunuvchi obyektlar roʻyxatini; Oʻzbekiston Respublikasida maxfiylikni saqlash tartibini taʼminlashga doir yoʻriqnomani ishlab chiqsin va tasdiqlasin;

davlat sirlarini saqlash borasidagi ishlarni pul bilan va moddiy-texnika bilan taʼminlash chora-tadbirlarini koʻrsin;

Oʻzbekiston Respublikasi Hukumatining qarorlarini “Davlat sirlarini saqlash toʻgʻrisida”gi Oʻzbekiston Respublikasi Qonuniga muvofiqlashtirsin.

Oʻzbekiston Respublikasi Oliy Kengashining Raisi Sh. YOʻLDOSHEV

Toshkent sh.,

1993-yil 7-may,

849-XII-son