Oʻzbekiston Respublikasi Fuqarolik kodeksini amalga kiritish tartibi toʻgʻrisida (257-I-son)

29.08.1996

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. Oʻzbekiston Respublikasi Fuqarolik kodeksining birinchi qismi va ikkinchi qismi (bundan buyon Kodeks deb yuritiladi) 1997 yilning 1 martidan amalga kiritilsin.

2. Bundan buyon qonunlar va boshqa qonun hujjatlari Kodeksga muvofiqlashtirilguniga qadar ularning Kodeksga zid kelmaydigan qismlari qoʻllaniladi.

3. Kodeks u amalga kiritilganidan keyin yuzaga kelgan fuqarolik huquqiy munosabatlarga nisbatan qoʻllaniladi.

Kodeks amalga kiritilgunga qadar yuzaga kelgan fuqarolik huquqiy munosabatlar boʻyicha u amalga kiritilganidan keyin yuzaga keladigan huquqlar va majburiyatlarga nisbatan qoʻllaniladi.

4. Kodeksdagi bitimlar haqiqiy emasligining asoslari va oqibatlari toʻgʻrisidagi normalar (109, 112 — 128-moddalar), tegishli bitimlar qachon tuzilganidan qatʼi nazar, haqiqiy emas deb topish hamda haqiqiy emasligining oqibatlari toʻgʻrisidagi talabnomani sud 1997 yilning 1 martidan keyin koʻrib chiqadigan bitimlarga nisbatan qoʻllaniladi.

5. Kodeksda belgilangan daʼvo muddatining oʻtishi avval amalda boʻlgan qonun hujjatlarida nazarda tutilgan, muddatlari 1997 yilning 1 martiga qadar oʻtib ketmagan daʼvolarga nisbatan qoʻllaniladi.

6. Kodeks 187-moddasining qoidalari (egalik qilish huquqini vujudga keltiruvchi muddat) mulkka egalik qilish 1997 yilning 1 martiga qadar boshlangan va Kodeks amalga kiritilayotgan vaqtda davom etayotgan hollarga ham tatbiq etiladi.

7. Kodeksning 27-bobida belgilangan shartnomalar tuzish tartibi 1997 yilning 1 martidan keyin kiritilgan takliflarga binoan tuziladigan shartnomalarga nisbatan qoʻllaniladi.

8. Kodeksning ayrim turdagi shartnomalarni tuzish tartibi va shakli toʻgʻrisidagi, shuningdek ularni davlat roʻyxatidan oʻtkazish haqidagi normalari Kodeks amalga kiritilganidan keyin yoʻllangan takliflarga binoan tuziladigan shartnomalarga nisbatan qoʻllaniladi. 1997 yilning 1 martiga qadar yoʻllangan takliflarga binoan 1997 yilning 31 martidan keyin tuzilgan shartnomalarga nisbatan Kodeksning ayrim turdagi shartnomalarning shakli toʻgʻrisidagi, shuningdek ularni davlat roʻyxatidan oʻtkazish haqidagi normalari qoʻllaniladi.

Kodeksning ayrim turdagi shartnomalar mazmunini belgilab beruvchi normalari Kodeks amalga kiritilganidan keyin tuzilgan shartnomalarga nisbatan tatbiq etiladi.

9. Ayrim turdagi shartnomalarni bekor qilishning shartnomadagi taraflar uchun shart boʻlgan asoslari toʻgʻrisidagi, oqibatlari haqidagi va tartibi toʻgʻrisidagi Kodeks normalari, ular qachon tuzilganligidan qatʼi nazar, Kodeks amalga kiritilganidan keyin amal qilayotgan shartnomalarga nisbatan ham qoʻllaniladi.

Kodeksning shartnomadagi taraflar uchun shart boʻlgan shartnoma majburiyatlarini buzganlik uchun javobgarlik toʻgʻrisidagi normalari tegishli qoidabuzarliklarga Kodeks amalga kiritilganidan keyin yoʻl qoʻyilgan boʻlsa qoʻllaniladi. 1997-yilning 1-martiga qadar tuzilgan shartnomalarga bunday qoidabuzarliklar uchun boshqa javobgarlik nazarda tutilgan hollar bundan mustasno.

10. Kodeks 760-moddasi ikkinchi, uchinchi va toʻrtinchi qismlarining qoidalari omonatlarga pul mablagʻlarini jalb etish bilan bogʻliq munosabatlar Kodeks amalga kiritilgunga qadar yuzaga kelgan hollarga ham tatbiq etiladi va Kodeks amalga kiritilgan vaqtda saqlab qolinadi.

11. Kodeks 990 va 991-moddalarining qoidalari agar jabrlanuvchiga ziyon etkazish 1997 yilning 1 martiga qadar, ammo uzogʻi bilan 1994 yilning 1 martigacha yuz berib, etkazilgan ziyon oʻrni qoplanmay qolgan hollarga ham tatbiq etiladi.

Kodeks 1005 — 1016-moddalarining qoidalari fuqaroning hayoti va sogʻligʻiga ziyon etkazish 1997 yilning 1 martiga qadar, ammo uzogʻi bilan 1994 yilning 1 martigacha yuz berib, etkazilgan ziyon oʻrni qoplanmay qolgan hollarga ham tatbiq etiladi.

12. Kodeks 1112 — 1157-moddalarining qoidalari Kodeks amalga kiritilgunga qadar ochilgan boʻlib, ammo 1997 yilning 1 martiga qadar merosxoʻrlarning hech biri tomonidan qabul qilib olinmagan va meros huquqi boʻyicha davlat yoki fuqarolarning oʻzini oʻzi boshqarish organi mulkiga oʻtkazilmagan merosga nisbatan ham tatbiq etiladi.

13. Kodeksning er uchastkalari bilan bogʻliq bitimlarga oid normalari erga doir qonun hujjatlarida ularning tatbiq etilishga yoʻl qoʻyilgan darajada qoʻllaniladi.

14. Oʻzbekiston Respublikasining qonunlari ilovaga muvofiq 1997 yilning 1 martidan eʼtiboran toʻliq yoki qisman oʻz kuchini yoʻqotgan deb hisoblansin.

15. Oʻzbekiston Respublikasi Vazirlar Mahkamasi:

uch oylik muddat ichida Oʻzbekiston Respublikasining qonunlarini Kodeksga muvofiqlashtirish toʻgʻrisida Oʻzbekiston Respublikasi Oliy Majlisiga takliflar taqdim etsin;

Oʻzbekiston Respublikasi hukumatining qarorlarini Kodeksga muvofiqlashtirsin;

respublika vazirliklari va idoralari Kodeksga zid keladigan oʻz normativ hujjatlarini qayta koʻrib chiqishlari va bekor qilishlarini taʼminlasin.

16. Oʻzbekiston Respublikasi Adliya vazirligi ikki oylik muddat ichida Oʻzbekiston Respublikasining Fuqarolik kodeksi nashr etilishini taʼminlasin.

Oʻzbekiston Respublikasi Oliy Majlisining Raisi E. XALILOV

Toshkent sh.,

1996-yil 29-avgust,

257-I-son

Oʻzbekiston Respublikasi Oliy Majlisining 1996 yil 29 avgustdagi 257-I-son qaroriga ILOVA

Oʻzbekiston Respublikasining oʻz kuchini toʻla yoki qisman yoʻqotgan qonun hujjatlarining

roʻyxati

1. Oʻzbekiston Respublikasining 1963 yil 23 martda qabul qilingan «Oʻzbekiston Respublikasi Grajdanlik kodeksini tasdiqlash toʻgʻrisida»gi Qonuni (Oʻzbekiston Respublikasi Oliy Sovetining Vedomostlari, 1963 yil, № 9, 30-modda).

2. Oʻzbekiston Respublikasi Oliy Soveti Prezidiumining 1963 yil 25 martdagi «Oʻzbekiston Respublikasi Grajdanlik kodeksi va Grajdanlik-protsessual kodeksi amalga kiritilishi bilan bogʻliq boʻlgan tadbirlar toʻgʻrisida»gi Qarori (Oʻzbekiston Respublikasi Oliy Sovetining Vedomostlari, 1963 yil, № 9, 33-modda).

3. Oʻzbekiston Respublikasi Oliy Soveti Prezidiumining 1963 yil 25 dekabrdagi «Oʻzbekiston Respublikasi Grajdanlik va Grajdanlik-protsessual kodekslarini amalga kiritish tartibi toʻgʻrisida»gi Farmonining Oʻzbekiston Respublikasi Grajdanlik kodeksiga doir qismi (Oʻzbekiston Respublikasi Oliy Sovetining Vedomostlari, 1963 yil, № 36, 2-modda).

4. Oʻzbekiston Respublikasi Oliy Soveti Prezidiumining 1966 yil 22 dekabrdagi «Oʻzbekiston Respublikasi Grajdanlik kodeksining 326-moddasiga oʻzgartish kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1966 yil, № 12, 8-modda).

5. Oʻzbekiston Respublikasi 1966 yil 24 dekabrda qabul qilingan «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik kodeksining 326-moddasiga oʻzgartish kiritish toʻgʻrisidagi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1966 yil, № 12, 19-modda).

6. Oʻzbekiston Respublikasi Oliy Soveti Prezidiumining 1969 yil 29 maydagi «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmoni ( Oʻzbekiston Respublikasi Oliy Sovetining Vedomostlari, 1969 yil, № 15, 128-modda).

7. Oʻzbekiston Respublikasi Oliy Soveti Prezidiumining 1969 yil 29 maydagi «Oʻzbekiston Respublikasi Grajdanlik kodeksining 292-moddasiga qoʻshimcha kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1969 yil, № 15, 129-modda).

8. Oʻzbekiston Respublikasining 1969 yil 6 iyunda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisidagi Farmonlarini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1969 yil, № 16, 146-modda).

9. Oʻzbekiston Respublikasi Oliy Soveti Prezidiumining 1970 yil 26 noyabrdagi «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1970 yil, № 33, 399-modda).

10. Oʻzbekiston Respublikasi Oliy Soveti Prezidiumining 1970 yil 21 dekabrdagi «Oʻzbekiston Respublikasi Grajdanlik kodeksining 406-moddasiga oʻzgartish kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1970 yil, № 36, 422-modda).

11. Oʻzbekiston Respublikasining 1970 yil 23 dekabrda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisidagi Farmonlarini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1970 yil, № 36, 429-modda).

12. Oʻzbekiston Respublikasi Oliy Soveti Prezidiumining 1972 yil 5 oktyabrdagi «Oʻzbekiston Respublikasi Grajdanlik kodeksining 178-moddasiga oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1972 yil, № 28, 286-modda).

13. Oʻzbekiston Respublikasining 1972 yil 27 dekabrda qabul qilingan «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik kodeksining 178-moddasiga oʻzgartishlar kiritish toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1972 yil, № 36, 371-modda).

14. Oʻzbekiston Respublikasi Oliy Soveti Prezidiumining 1973 yil 27 iyundagi «Oʻzbekiston Respublikasi Grajdanlik kodeksining 492-moddasiga oʻzgartish kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1973 yil, № 19, 253-modda).

15. Oʻzbekiston Respublikasining 1973 yil 29 iyunda qabul qilingan «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik kodeksining 492-moddasiga oʻzgartish kiritish toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1973 yil, № 19, 268-modda).

16. Oʻzbekiston Respublikasi Oliy Soveti Prezidiumining 1974 yil 30 maydagi «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1974 yil, № 15, 147-modda).

17. Oʻzbekiston Respublikasi Oliy Soveti Prezidiumining 1974 yil 27 iyundagi «Oʻzbekiston Respublikasi Grajdanlik kodeksining 493-moddasiga qoʻshimcha kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1974 yil, № 18, 194-modda).

18. Oʻzbekiston Respublikasining 1974 yil 7 avgustda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisidagi Farmonlarini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1974 yil, № 22, 253-modda).

19. Oʻzbekiston Respublikasi Oliy Soveti Prezidiumining 1975 yil 29 maydagi «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1975 yil, № 16, 217-modda).

20. Oʻzbekiston Respublikasining 1975 yil 2 iyulda qabul qilingan «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1975 yil, № 19, 279-modda).

21. Oʻzbekiston Respublikasi Oliy Soveti Prezidiumining 1977 yil 27 oktyabrdagi «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1977 yil, № 30, 443-modda).

22. Oʻzbekiston Respublikasining 1977 yil 21 dekabrda qabul qilingan «Oʻzbekiston Respublikasi Grajdanlik kodeksiga qoʻshimcha va oʻzgartishlar kiritish toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1977 yil, № 35, 567-modda).

23. Oʻzbekiston Respublikasi Oliy Soveti Prezidiumining 1978 yil 15 apreldagi «Grajdanlar oʻzboshimchalik bilan uy-joy, dacha, xoʻjalik va maishiy imorat hamda binolar qurganliklari uchun javobgarlik toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1978 yil, № 12, 174-modda).

24. Oʻzbekiston Respublikasi Oliy Soveti Prezidiumining 1978 yil 15 apreldagi «Oʻzbekiston Respublikasi Grajdanlik kodeksiga oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1978 yil, 175-modda).

25. Oʻzbekiston Respublikasining 1978 yil 26 iyulda qabul qilingan «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik kodeksiga oʻzgartishlar kiritish toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1978 yil, № 22, 373-modda).

26. Oʻzbekiston Respublikasining 1978 yil 26 iyulda qabul qilingan «Oʻzbekiston Respublikasi Oliy Soveti Prezidiumining «Grajdanlar oʻzboshimchalik bilan uy-joy, dacha, xoʻjalik va maishiy imorat hamda binolar qurganliklari uchun javobgarlik toʻgʻrisida»gi Farmonini tasdiqlash haqida»gi Qonuni (Oʻzbekiston Respublikasi Oliy Sovetining Vedomostlari, 1978 yil, № 22, 377-modda).

27. Oʻzbekiston Respublikasi Oliy Soveti Prezidiumining 1983 yil 28 fevraldagi «Oʻzbekiston Respublikasi Grajdanlik kodeksiga oʻzgartish va qoʻshimchalar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1983 yil, № 7, 114-modda).

28. Oʻzbekiston Respublikasi Oliy Soveti Prezidiumining 1983 yil 28 fevraldagi «Oʻzbekiston Respublikasi Oliy Soveti Prezidiumining «Oʻzbekiston Respublikasi Grajdanlik va Grajdanlik-protsessual kodekslarini amalga kiritish tartibi toʻgʻrisida»gi Farmoniga oʻzgartishlar kiritish haqida»gi Farmoni (Oʻzbekiston Respublikasi Oliy Sovetining Vedomostlari, 1983 yil, № 7, 115-modda).

29. Oʻzbekiston Respublikasining 1983 yil 5 iyulda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi kodekslariga va boshqa qonun aktlariga oʻzgartish hamda qoʻshimchalar kiritish toʻgʻrisidagi Farmonlarini tasdiqlash haqida»gi Qonunining oʻn uchinchi xatboshisi (Oʻzbekiston Respublikasi Oliy Sovetining Vedomostlari, 1983 yil, № 19, 321-modda).

30. Oʻzbekiston Respublikasi Oliy Soveti Prezidiumining 1983 yil 19 dekabrdagi «Oʻzbekiston Respublikasining Grajdanlik kodeksiga oʻzgartishlar kiritish toʻgʻrisida»gi Farmoni (Oʻzbekiston Respublikasi Oliy Sovetining Vedomostlari, 1983 yil, № 36, 543-modda).

31. Oʻzbekiston Respublikasining 1983 yil 20 dekabrda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasi Ministrlar Soveti toʻgʻrisidagi Oʻzbekiston Respublikasi qonuniga hamda Oʻzbekiston Respublikasining baʼzi kodekslariga oʻzgartish va qoʻshimchalar kiritish haqidagi farmonlarini tasdiqlash toʻgʻrisida»gi Qonunining ettinchi xatboshisi (Oʻzbekiston Respublikasi Oliy Sovetining Vedomostlari, 1983 yil, № 36, 556-modda).

32. Oʻzbekiston Respublikasi Oliy Soveti Prezidiumining 1985 yil 29 apreldagi «Voyaga etmagan bolalar uchun alimentlar undirish tartibiga baʼzi oʻzgartishlar kiritish toʻgʻrisida hamda Oʻzbekiston Respublikasining Nikoh va oila, Grajdanlik, Grajdanlik-protsessual kodekslariga oʻzgartish va qoʻshimchalar kiritish haqida»gi Farmoni II boʻlimining 2-moddasi (Oʻzbekiston Respublikasi Oliy Sovetining Vedomostlari, 1985 yil, № 13, 142-modda).

33. Oʻzbekiston Respublikasining 1985 yil 13 dekabrda qabul qilingan «Oʻzbekiston Respublikasi Oliy Soveti Prezidiumining baʼzi qonunbuzarliklar uchun javobgarlik toʻgʻrisidagi Oʻzbekiston Respublikasining ayrim kodekslariga va boshqa qonun aktlariga oʻzgartish va qoʻshimchalar kiritish toʻgʻrisidagi farmonlarini tasdiqlash haqida»gi Qonuni uchinchi xatboshisining Oʻzbekiston Respublikasi Grajdanlik kodeksiga doir qismi (Oʻzbekiston Respublikasi Oliy Sovetining Vedomostlari, 1985 yil, № 35, 414-modda).

34. Oʻzbekiston Respublikasi Oliy Soveti Prezidiumining 1986 yil 26 iyundagi «Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisida»gi Farmonining V boʻlimi (Oʻzbekiston Respublikasi Oliy Sovetining Vedomostlari, 1986 yil, № 19. 217-modda).

35. Oʻzbekiston Respublikasining 1986 yil 5 iyulda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisida chiqargan farmonlarini tasdiqlash haqida»gi Qonuni oltinchi xatboshisining Oʻzbekiston Respublikasi Grajdanlik kodeksiga doir qismi (Oʻzbekiston Respublikasi Oliy Sovetining Vedomostlari, 1986 yil, № 19, 237-modda).

36. Oʻzbekiston Respublikasi Oliy Soveti Prezidiumining 1988 yil 28 yanvardagi «Davlat korxonasi (birlashmasi) toʻgʻrisida»gi SSSR qonuni munosabati bilan Oʻzbekiston Respublikasining ayrim qonun aktlariga oʻzgartishlar va qoʻshimchalar kiritish haqida»gi Farmonining 1-moddasi (Oʻzbekiston Respublikasi Oliy Sovetining Vedomostlari, 1988 yil, № 4, 56-modda).

37. Oʻzbekiston Respublikasining 1988 yil 10 aprelda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisidagi farmonlarini tasdiqlash haqida»gi Qonuni beshinchi xatboshisining Oʻzbekiston Respublikasi Grajdanlik kodeksiga doir qismi (Oʻzbekiston Respublikasi Oliy Sovetining Vedomostlari, 1988 yil, № 11, 139-modda).

38. Oʻzbekiston Respublikasi Oliy Soveti Prezidiumining 1988 yil 18 iyuldagi «Oʻzbekiston Respublikasining Uy-joy va Grajdanlik kodekslariga oʻzgartishlar va qoʻshimchalar kiritish toʻgʻrisida»gi Farmonining II boʻlimi (Oʻzbekiston Respublikasi Oliy Sovetining Vedomostlari, 1988 yil, № 21, 239-modda).

39. Oʻzbekiston Respublikasining 1988 yil 19 noyabrda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisidagi farmonlarini tasdiqlash haqida»gi Qonuni oltinchi xatboshisining Oʻzbekiston Respublikasining Grajdanlik kodeksiga doir qismi (Oʻzbekiston Respublikasi Oliy Sovetining Vedomostlari, 1988 yil, № 32-33, 389-modda).

40. Oʻzbekiston Respublikasi Oliy Soveti Prezidiumining 1989 yil 29 martdagi «Oʻzbekiston Respublikasi Grajdanlik kodeksining 119- moddasiga oʻzgartishlar kiritish hamda Oʻzbekiston Respublikasining ayrim qonun aktlari oʻz kuchini yoʻqotgan deb hisoblash toʻgʻrisida»gi Farmonining 1-moddasi (Oʻzbekiston Respublikasi Oliy Sovetining Vedomostlari, 1989 yil, № 9, 56-modda).

41. Oʻzbekiston Respublikasining 1989 yil 21 oktyabrda qabul qilingan «Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi qonun aktlariga oʻzgartishlar va qoʻshimchalar kiritish toʻgʻrisidagi Farmonlarini tasdiqlash haqida»gi Qonunining uchinchi xatboshisi (Oʻzbekiston Respublikasi Oliy Sovetining Vedomostlari, 1989 yil, № 26-28, 463-modda).

42. Oʻzbekiston Respublikasining 1991 yil 14 iyunda qabul qilingan «Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida»gi Qonunining IV boʻlimi (Oʻzbekiston Respublikasi Oliy Kengashining Axborotnomasi, 1991 yil, № 8, 198-modda).

43. Oʻzbekiston Respublikasining 1991 yil 20 noyabrda qabul qilingan «Oʻzbekiston Respublikasida tadbirkorlik» toʻgʻrisidagi Oʻzbekiston Respublikasining Qonuni qabul qilinganligi munosabati bilan Oʻzbekiston Respublikasining baʼzi qonun hujjatlarini oʻzgartirish va ayrimlari oʻz kuchini yoʻqotgan deb hisoblash haqida»gi Qonunining 1-moddasi (Oʻzbekiston Respublikasi Oliy Kengashining Axborotnomasi, 1992 yil, № 1, 52-modda).

44. Oʻzbekiston Respublikasining 1991 yil 20 noyabrda qabul qilingan «Ekologik huquqbuzarlik uchun javobgarlik kuchaytirilishi munosabati bilan Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida»gi Qonunining II boʻlimi (Oʻzbekiston Respublikasi Oliy Kengashining Axborotnomasi, 1992 yil, № 2, 85-modda).

45. Oʻzbekiston Respublikasining 1993 yil 7 mayda qabul qilingan «Ayrim qonun hujjatlariga qoʻshimchalar va oʻzgartishlar kiritish toʻgʻrisida»gi Qonunining IV boʻlimi (Oʻzbekiston Respublikasi Oliy Kengashining Axborotnomasi, 1993 yil, № 6, 266-modda).

46. Oʻzbekiston Respublikasining 1994 yil 23 sentyabrda qabul qilingan «Oʻzbekiston Respublikasining ayrim qonunlariga oʻzgartish va qoʻshimchalar kiritish toʻgʻrisida»gi Qonunining IV boʻlimi (Oʻzbekiston Respublikasi Oliy Kengashining Axborotnomasi, 1994 yil, № 11-12, 285-modda).

47. Oʻzbekiston Respublikasining 1995 yil 6 mayda qabul qilingan «Oʻzbekiston Respublikasining ayrim qonunlariga oʻzgartishlar va qoʻshimchalar kiritish toʻgʻrisida»gi Qonunining I boʻlimi (Oʻzbekiston Respublikasi Oliy Majlisining Axborotnomasi, 1995 yil, № 6, 118-modda).