Sanoat korxonalari omborlaridagi tayyor mahsulotlar qoldiqlariga oʻrtacha normativlar belgilash toʻgʻrisida (176-son)

14.05.1996

Oʻzbekiston Respublikasi Vazirlar Mahkamasining

qarori

Oborot mablagʻlarining aylanishini tezlashtirish va korxonalarning moliyaviy ahvolini yaxshilash, omborlarda saqlanayotgan tayyor mahsulotlar hajmlarini kamaytirish va ular boʻyicha ishonchli statistika axborotini taʼminlash maqsadida Vazirlar Mahkamasi qaror qiladi:

1. Respublika vazirliklari, idoralari, korporatsiyalari, konsernlari va uyushmalari, korxonalari va tashkilotlarining tayyor mahsulotlar qoldiqlarining normativlari toʻgʻrisidagi takliflari ilovaga muvofiq qabul qilinsin.

2. Belgilab qoʻyilsinki, mazkur qaror ilovasiga kiritilmagan konsernlar va uyushmalar korxonalar va birlashmalar boʻyicha tayyor mahsulotlarning oʻrtacha normativlari oʻn besh kalendar kun hajmida belgilanadi.

3. “Oʻzistiqbolstat” davlat qoʻmitasi (Qudratov) qoldiqlarning maʼqullangan oʻrtacha normativlarini va tovar zaxiralarini hisobga olishning yangi birxillashtirilgan shakllarini hisobga olgan holda normadan ortiqcha zaxiralarni hisoblab chiqish tartibi toʻgʻrisidagi koʻrsatmani korxonalar va tashkilotlarga yetkazsin.

4. Vazirliklar, idoralar, korporatsiyalar, konsernlar va uyushmalarning rahbarlari:

tayyor mahsulotlar qoldiqlarining tegishli oʻrtacha normativlarini uch kun muddatda korxonalarga yetkazsinlar;

oʻz amaliy ishlarida bozorlarni toʻldirish va bozor iqtisodiyoti sharoitlarida narxlarning oʻzgarib turishini hisobga olgan holda ishlab chiqarilayotgan mahsulotlarga nisbatan talab va ehtiyojlarni eʼtiborga olsinlar, tayyor mahsulotlarning amaldagi qoldiqlari normativdan oshib ketishiga yoʻl qoʻymasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining tegishli oʻrinbosarlari zimmasiga yuklansin.

Oʻzbekiston Respublikasining Bosh vaziri Oʻ. SULTONOV

Toshkent sh.,

1996-yil 14-may,

176-son

Vazirlar Mahkamasining 1996-yil 14-maydagi 176-son qaroriga ILOVA

Sanoat korxonalari omborlaridagi tayyor mahsulotlar qoldiqlarining

OʻRTAChA NORMATIVLARI

* xalq isteʼmoli tovarlari

Eslatma:

1. Sanoat korxonalari omborlaridagi tayyor mahsulotlar qoldiqlariga belgilangan oʻrtacha normativlar savdo tashkilotlaridagi tovarlar qoldiqlariga qoʻllanilmaydi.

2. Paxta (paxta tolasi), gʻalla, goʻsht, oʻsimlik yogʻi va yonilgʻi-moylash materiallari qoldiqlari boʻyicha oʻrtacha normativlar belgilanmaydi.