Tabiatdan maxsus foydalanganlik uchun toʻlovlar tizimini takomillashtirish toʻgʻrisida (15-son)

06.02.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasida tabiatdan foydalanishda iqtisodiy mexanizmni bosqichma-bosqich joriy etishni taʼminlash, tabiatdan foydalanishni boshqarishning iqtisodiy usullarini yanada takomillashtirish, shuningdek, ekologiya xavfsizligi masalalari boʻyicha kompleks yondashuvni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Davlat tabiatni muhofaza qilish qoʻmitasining Oʻzbekiston Respublikasi Moliya vazirligi va Iqtisodiyot vazirligi bilan kelishilgan, Oʻzbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya toʻlovlari stavkalarini 1,3 baravar indeksatsiya qilish toʻgʻrisidagi taklifi qabul qilinsin hamda ularning miqdorlari 1—4-ilovalarga* muvofiq tasdiqlansin.

* 1-4 ilovalar rus tilidagi matnda berilgan.

2. Vazirlar Mahkamasining “Oʻzbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun toʻlovlar tizimini takomillashtirish toʻgʻrisida” 2003-yil 1-maydagi 199-son qaroriga (Oʻzbekiston Respublikasi QT, 2003-y., 5-son, 35-modda) 5-ilovaga muvofiq oʻzgartirishlar kiritilsin.

3. Oʻzbekiston Respublikasi Davlat tabiatni muhofaza qilish qoʻmitasi bir oy muddatda manfaatdor vazirliklar va idoralar bilan birgalikda idoraviy normativ hujjatlarga mazkur qarordan kelib chiquvchi tegishli oʻzgartirishlar kiritsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Golishev zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 6-fevral,

15-son

Vazirlar Mahkamasining 2006-yil 6-fevraldagi 15-son qaroriga 5-ILOVA

Vazirlar Mahkamasining “Oʻzbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun toʻlovlar tizimini takomillashtirish toʻgʻrisida” 2003-yil 1-maydagi 199-son qaroriga kiritilayotgan oʻzgartirishlar

1. 2-bandning ikkinchi xatboshi, shuningdek, qarorga 1—4-ilovalar oʻz kuchini yoʻqotgan deb hisoblansin.

2. 5-ilovada:

a) 2-band quyidagi tahrirda bayon qilinsin:

“2. Oʻzbekiston Respublikasi hududida ifloslantiruvchi moddalarni atrof tabiiy muhitga chiqarib tashlovchi, oqova oqizuvchi va chiqindilarni joylashtiruvchi yuridik shaxslar Oʻzbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya toʻlovlari toʻlovchilar hisoblanadi.

Faqat davlat budjeti mablagʻlaridan moliyalashtiriladigan korxonalar va tashkilotlar Oʻzbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya toʻlovlari toʻlovchilar hisoblanmaydilar. Bunda daromadlarning boshqa manbalari boʻyicha ushbu korxonalar va tashkilotlar qonun hujjatlarida belgilangan tartibda kompensatsiya toʻlovlari toʻlaydilar”;

b) 12-bandda:

“bunda Kkr quyidagi bogʻliqlikda aniqlanadi” soʻzlari “bunda Mn — ifloslantiruvchi moddalar tabiiy muhitga chiqarib tashlanishi, oqizilishi va chiqindilar joylashtirilishi massasining amaldagi massasi boʻyicha qabul qilinadi, Kkr quyidagi bogʻliqlikda aniqlanadi” soʻzlari bilan almashtirilsin;

jadval quyidagi tahrirda bayon qilinsin:

(Oʻzbekiston Respublikasi qonun hujjatlari toʻplami, 2006-y., 6-7-son, 34-modda; 2016-y., 52-son, 601-modda)