Oʻzbekiston Respublikasi Vazirlar Mahkamasining 1998-yil 22-avgustdagi 362-son qarori bilan tasdiqlangan Davlat mulkini davlat tasarrufidan chiqarish, xususiylashtirishdan tushgan mablagʻlarni hisobga olish, taqsimlash va ulardan foydalanilishini nazorat qilish tartibiga qoʻshimcha kiritish toʻgʻrisida (3-son)

04.01.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Shaharlar, shaharchalar va qishloq aholi punktlarining bosh rejalarini ishlab chiqish va amalga oshirish jarayonlarini takomillashtirish chora-tadbirlari toʻgʻrisida” 2005-yil 30-avgustdagi PQ–165-son qarorining 9-bandini bajarish yuzasidan Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining 1998-yil 22-avgustdagi 362-son qarori bilan tasdiqlangan Davlat mulkini davlat tasarrufidan chiqarish, xususiylashtirishdan tushgan mablagʻlarni hisobga olish, taqsimlash va ulardan foydalanilishini nazorat qilish tartibining 27-bandi “v” kichik bandiga quyidagi mazmundagi xatboshi qoʻshilsin:

“shaharsozlik hujjatlarini ishlab chiqishni moliyalashtirish uchun”.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 4-yanvar,

3-son