“Ixtirolar, foydali modellar va sanoat namunalari toʻgʻrisida”gi Oʻzbekiston Respublikasi Qonunini amalga kiritish tartibi haqida (1063-XII-son)

06.05.1994

Oʻzbekiston Respublikasi Oliy Kengashining

Qarori

Oʻzbekiston Respublikasi Oliy Kengashi qaror qiladi:

1. “Ixtirolar, foydali modellar va sanoat namunalari toʻgʻrisida”gi Oʻzbekiston Respublikasi Qonuni matbuotda eʼlon qilingan kundan eʼtiboran amalga kiritilsin.

2. Belgilab qoʻyilsinki, Oʻzbekiston Respublikasining qonun hujjatlari “Ixtirolar, foydali modellar va sanoat namunalari toʻgʻrisida”gi Qonunga muvofiqlashtirilguniga qadar amaldagi hujjatlarning mazkur Qonunga zid boʻlmagan qismi qoʻllanilaveradi.

3. Belgilab qoʻyilsinki, Oʻzbekiston Respublikasining sanoat mulki toʻgʻrisidagi muvaqqat nizomga muvofiq ilgari berilgan muhofaza hujjatlari respublika hududida amal qilaveradi.

4. Oʻzbekiston Respublikasi Vazirlar Mahkamasi uch oylik muddat ichida:

Oʻzbekiston Respublikasining qonunlarini “Ixtirolar, foydali modellar va sanoat namunalari toʻgʻrisida”gi Qonunga muvofiqlashtirish haqidagi takliflarni Oʻzbekiston Respublikasi Oliy Kengashiga kiritsin;

Hukumatning qarorlarini mazkur Qonunga muvofiqlashtirsin.

Oʻzbekiston Respublikasi Oliy Kengashi Raisi vazifasini bajaruvchi E. XALILOV

Toshkent sh.,

1994-yil 6-may,

1063-XII-son