1999/2000 oʻquv yilida Oʻzbekiston Respublikasining Oliy taʼlim muassasalariga qabul toʻgʻrisida (282-son)

02.06.1999

Oʻzbekiston Respublikasi Vazirlar Mahkamasining

qarori

[Koʻchirma]

3. Oliy maʼlumot toʻgʻrisidagi bakalavr va magistr diplomlarining davlat namunalari 4-ilovaga muvofiq tasdiqlansin.

Vazirlar Mahkamasining Raisi I. KARIMOV

Toshkent sh.,

1999-yil 2-iyun,

282-son

Vazirlar Mahkamasining 1999-yil 2-iyundagi 282-son qaroriga 4-ILOVA

Oliy maʼlumot toʻgʻrisida davlat namunasidagi diplomlar (tasviri)

BAKALAVR DIPLOMI

Bakalavr diplomining muqovasi tomonlari 111x151 mm oʻlchovda yaxlit qoplangan toʻq havorang bumvinildan tayyorlangan koʻrinishga ega. Uning yuz tomonida bosma naqsh usulida oltin rangdagi Oʻzbekiston Respublikasi Davlat Gerbi tasviri tushirilgan va pastroqda lotin yozuvidagi oʻzbek tilida BAKALAVR DIPLOMI soʻzlari yozilgan.

Diplomning ichki qismi qalin oq qogʻozda ofset bosma usulida besh xil : matn qismi uchun – qora, och sariq rang, havorang – tasviriy elementlar – uchun yashil va qizil rangda bosiladi.

Sahifa markazining oq qismiga tomonlari 55 mm dan 45 darajali burchak qiyaligida aylanasi 60 mm diametrga ega boʻlgan kvadrat tushirilishi tufayli oʻzicha bir figura koʻrinishidagi havorang boʻyoqda tushirilgan Oʻzbekiston Respublikasining Davlat Gerbi joylashtiriladi. Uning atrofi naqshli rastrdan tashkil topgan och sariq rangdagi fondan iborat. Fon ustiga 3 mm enlikda havorang hoshiya tushirilgan, hoshiya sahifaning markazini toʻrtta – sahifaning yuqori qismida uchta va uning pastki qismida bitta, sakkiz qirrali yulduzlar koʻrinishida milliy naqsh yasab oʻraydi. Yulduzlar tomonlari 23 mmdan iborat boʻlgan kvadratlar tushirilishi orqali tashkil etilgan. Hoshiya ham naqshli rastr shaklda tashkil qilingan. Uchta (sahifaning yuqori qismidagi ikkita va pastki qismida bitta) yulduzning har birining ichida kichikroq oʻlchamda:

— naqshli rastr bilan yashil rangli boʻyoqda tushirilgan, hoshiyasi 4 mm (kvadrat oʻlchovi 14 mm) enlikda tashkil topgan yulduz;

— naqshli rastr bilan qizil rangli boʻyoqda tushirilgan, hoshiyasi 1 mm (kvadrat oʻlchovi 5 mm) enlikda tashkil topgan yulduz. Sakkiz qirrali yulduzning ichiga qizil rangli boʻyoqda tushirilgan yarim oy va besh qirrali yulduz tasviri joylashtiriladi.

Imtiyozli diplomlar uchun “OZBEKISTON RESPUBLIKASI BAKALAVR DIPLOMI” va “REPUBLIK OF UZBEKISTAN BACHELOR'S DIPLOMA” soʻzlari pastiga qizil boʻyoqda lotin yozuvidagi oʻzbek tilida “IMTIYOZLI” va ingliz tilida “WITH HONOURS” soʻzlari yozilgan.

Diplomning ikkala sahifasiga V lotin harfi va olti xonadan iborat boʻlgan raqam muhrlanadi (bosiladi).

Diplom 7 darajali himoyaga ega:

1) ikki xil usuldagi chop etishdan foydalanish: asosiy qism uchun ofset bosma usuli, raqamlarni chop etish uchun yuqori usul;

2) mashinada nusxa koʻchirishni qiyinlashtiradigan nimtatir boʻyoqlardan foydalanish;

3) har xil shakldagi rastr setkalaridan foydalanish;

4) har xil shakldagi rastr setkalarini tushirish natijasida yangi rang hosil qilish;

5) maxsus qogʻoz ishlatish;

6) Davlat Gerbini och havorang boʻyoqda tasvirlash;

7) olti shaklli oʻzgaradigan raqamdan foydalanish.

O'qish davomida quyidagi fanlar o'zlashtlrildi:

Oliy maʼlumot toʻgʻrisida davlat namunasidagi diplomlar (tasviri)

MAGISTR DIPLOMI

Magistr diplom muqovasi tomonlari 111x151 mm oʻlchovda yaxlit qoplangan qizgʻish marmar naqshli toʻq jigarang bumvinildan tayyorlangan koʻrinishga ega. Uning yuz tomonida bosma naqsh usulida oltin rangda Oʻzbekiston Respublikasi Davlat Gerbi tasviri tushirilgan va pastroqda lotin yozuvidagi oʻzbek tilida MAGISTR DIPLOMI soʻzlari yozilgan.

Diplomning ichki qismi qalin oq qogʻozda ofset bosma usulida besh : matn qismi uchun – qopa, och sariq rang, havorang; tasviriy elementlar uchun – yashil va qizil rangda bosiladi.

Sahifa markazining oq qismiga tomonlari 55 mm dan 45 darajali burchak qiyaligida aylanasi 60 mm diametrga ega boʻlgan kvadrat tushirilishi tufayli oʻzicha bir figura koʻrinishdagi havorang boʻyoqda tushirilgan Oʻzbekiston Respublikasining Davlat Gerbi tasviri joylashtiriladi. Uning atrofi naqshli rastrdan tashkil topgan och sariq rangdagi fondan iborat. Fon ustiga 3 mm enlikda havorang hoshiya tushirilgan, hoshiya sahifaning markazini toʻrtta – sahifaning yuqori qismida uchta va uning pastki qismida bitta, sakkiz qirrali yulduzlar koʻrinishida milliy naqsh yasab oʻraydi. Yulduzlar tomonlari 23 mmdan iborat boʻlgan kvadratlar tushirilishi orqali tashkil etilgan. Hoshiya ham naqshli rastr shaklda tashkil qilingan. Uchta (sahifaning yuqori qismidagi ikkita va pastki qismida bitta) yulduzning har birining ichida kichikroq oʻlchamda:

– naqshli rastr bilan yashil rangli boʻyoqqa tushirilgan, hoshiyasi 4 mm (kvadrat oʻlchovi 14 mm) enlikda tashkil topgan yulduz;

– naqshli rastr bilan qizil rangli boʻyoqda tushirilgan, hoshiyasi 1 mm (kvadrat oʻlchovi 5 mm) enlikda tashkil topgan yulduz. Sakkiz qirrali yulduzning ichiga qizil rangli boʻyoqda tushirilgan yarim oy va besh qirrali yulduz tasviri joylashtiriladi.

Diplomning ikkala sahifasiga M lotin harfi va olti xonadan iborat boʻlgan raqam muhrlanadi (bosiladi).

Diplom 7 darajali himoyaga ega:

1) ikki xil usuldagi chop etishdan foydalanish: asosiy qism uchun ofset bosma usuli, raqamlarni chop etish uchun yuqori usul;

2) mashinada nusxa koʻchirishni qiyinlashtiradigan nimtatir boʻyoqlardan foydalanish;

3) har xil shakldagi rastr setkalaridan foydalanish;

4) har xil shakldagi rastr setkalarini tushirish natijasida yangi. ranglar hosil qilish;

5) maxsus qogʻoz ishlatish;

6) Davlat Gerbini och havorang boʻyoqda tasvirlash;

7) olti shaklli oʻzgaradigan raqamdan foydalanish.

O'qish davomida quyidagi fanlar o'zlashtlrildi: