V.P. Chkalov nomidagi Toshkent aviatsiya ishlab chiqarish birlashmasi faoliyatini barqarorlashtirish chora-tadbirlari toʻgʻrisida (85-son)

07.03.1996

Oʻzbekiston Respublikasi Vazirlar Mahkamasining

qarori

Bozor sharoitlarida V.P. Chkalov nomidagi Toshkent aviatsiya ishlab chiqarish birlashmasi ishining samaradorligini oshirish va barqarorligini taʼminlash maqsadida Vazirlar Mahkamasi qaror qiladi:

1. Qayd etilsinki, aviabirlashmaning yoʻlga qoʻyilgan kooperatsiyalashgan aloqalari mavjud emasligi, tugallanmagan va tayyor mahsulotning toʻplanib qolishi uning moliyaviy ahvolining yomonlashuviga, ish haqining oʻz vaqtida toʻlanmasligiga, budjet va respublika pensiya jamgʻarmasi oldidagi qarzlarining oshib ketishiga olib kelmoqda, umuman esa birlashmaning rivojlanish istiqboliga salbiy taʼsir etmoqda.

2. Oʻzbekiston Respublikasi Vazirlar Mahkamasining “V. P. Chkalov nomidagi Toshkent aviatsiya ishlab chiqarish birlashmasi masalalari” boʻyicha 1993-yil 25-maydagi 250-son qarorining 1-bandi quyidagicha oʻzgartirilgan holda:

bosh direktorning ishlab chiqarish boʻyicha va iqtisodiy masalalar boʻyicha oʻrinbosarlari lavozimlari tugatilsin;

birlashma tizimida funksional direktor lavozimlari joriy etilsin, ularga ishlab chiqarishni, iqtisodiy ishlarni, marketing va innovatsiya faoliyatini tashkil etishga rahbarlik qilishni taʼminlash uchun shaxsiy javobgarlik yuklansin;

belgilab qoʻyilsinki, birlashmaning bosh direktori, funksional direktorlar va mustaqil balansda turuvchi tarkibiy boʻlinmalarining rahbarlari Oʻzbekiston Respublikasi Vazirlar Mahkamasining qarori bilan lavozimga tayinlanadilar va lavozimdan ozod etiladilar.

3. V.N. Juravlev — bosh direktor lavozimidan ozod qilinib, birlashmaning tijorat direktori etib tayinlansin;

V.P. Kucherov — bosh muhandis lavozimidan ozod qilinib, birlashmaning bosh direktori etib tayinlansin;

D.H. Gʻulomov — Fargʻona mexanika zavodining direktori lavozimidan ozod qilinib, birlashmaning ishlab chiqarish boʻyicha direktori etib tayinlansin;

V.A. Xlevnoy — birlashmaning iqtisodiy ishlar boʻyicha direktori etib tayinlansin.

4. Bosh direktor V.P. Kucherov:

birlashmaning tuzilmasini, shtat jadvalini va Ustavini mazkur qarorga muvofiqlashtirsin;

birlashmaning tarkibiy boʻlinmalarini va Toshkent shahridagi bosh korxonasini oʻzaro muvofiqlashtirishni va ularga operativ rahbarlik qilishni taʼminlasin

5. Bozor sharoitlarida birlashma faoliyati uchun zarur shart-sharoitlar yaratish, bu maqsadda xorijiy investorlarni jalb etish hamda uning moliyaviy ahvolini yaxshilash, shuningdek, mehnat jamoasining ijtimoiy masalalarini hal etish maqsadida:

Oʻzbekiston Respublikasi Davlat mulki qoʻmitasi va V. Chkalov nomidagi ishlab chiqarish birlashmasining — aviabirlashmani ochiq turdagi aksionerlik jamiyatiga aylantirish toʻgʻrisidagi;

Oʻzbekiston Respublikasi Tashqi iqtisodiy faoliyat milliy banki va Tashqi iqtisodiy aloqalar vazirligi tarkibiy boʻlinmalarining — V.P. Chkalov nomidagi Toshkent aviatsiya ishlab chiqarish birlashmasini aksionerlashtirishda va ishlab chiqarishni yoʻlga qoʻyishda birlashma mahsulotini sotishda investitsiya va lizing faoliyatini amalga oshirishda oʻzlarining ishtirok etishlari toʻgʻrisidagi takliflari qabul qilinsin.

7. Mazkur qarorning bajarilishini nazorat qilish Bosh vazir Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 7-mart,

85-son