Oʻzbekiston Respublikasining faxriy unvonlarini taʼsis etish toʻgʻrisida (226-I-son)
26.04.1996
Oʻzbekiston Respublikasining qonuni
Fuqarolarni mehnatdagi xizmatlari, samarali davlat, ijtimoiy va ijodiy faoliyatlari uchun ragʻbatlantirish maqsadida Oʻzbekiston Respublikasi Oliy Majlisi qaror qiladi:
1. Oʻzbekiston Respublikasining quyidagi faxriy unvonlari taʼsis etilsin:
“Oʻzbekiston Respublikasi sanʼat arbobi”,
“Oʻzbekiston Respublikasi fan arbobi”,
“Oʻzbekiston iftixori”,
“Oʻzbekiston Respublikasi xalq artisti”,
“Oʻzbekiston Respublikasi xalq baxshisi”,
“Oʻzbekiston Respublikasi xalq yozuvchisi”,
“Oʻzbekiston Respublikasi xalq rassomi”,
“Oʻzbekiston Respublikasi xalq ustasi”,
“Oʻzbekiston Respublikasi xalq shoiri”,
“Oʻzbekiston Respublikasi xalq oʻqituvchisi”,
“Oʻzbekiston Respublikasi xalq hofizi”,
“Oʻzbekiston Respublikasida xizmat koʻrsatgan kommunal xoʻjaligi xodimi”,
“Oʻzbekiston Respublikasida xizmat koʻrsatgan aloqa xodimi”,
“Oʻzbekiston Respublikasida xizmat koʻrsatgan artist”,
Oʻzbekiston Respublikasida xizmat koʻrsatgan geolog;
“Oʻzbekiston Respublikasida xizmat koʻrsatgan yoshlar murabbiysi”,
“Oʻzbekiston Respublikasida xizmat koʻrsatgan jurnalist”,
“Oʻzbekiston Respublikasida xizmat koʻrsatgan irrigator”,
“Oʻzbekiston Respublikasida xizmat koʻrsatgan ixtirochi va ratsionalizator”,
“Oʻzbekiston Respublikasida xizmat koʻrsatgan iqtisodchi”,
“Oʻzbekiston Respublikasida xizmat koʻrsatgan madaniyat xodimi”,
“Oʻzbekiston Respublikasida xizmat koʻrsatgan meʼmor”,
“Oʻzbekiston Respublikasida xizmat koʻrsatgan paxtakor”,
“Oʻzbekiston Respublikasida xizmat koʻrsatgan pillachi”,
“Oʻzbekiston Respublikasida xizmat koʻrsatgan sanoat xodimi”,
“Oʻzbekiston Respublikasida xizmat koʻrsatgan sogʻliqni saqlash xodimi”,
“Oʻzbekiston Respublikasida xizmat koʻrsatgan sport ustozi”,
“Oʻzbekiston Respublikasida xizmat koʻrsatgan sportchi”,
“Oʻzbekiston Respublikasida xizmat koʻrsatgan tadbirkor”,
“Oʻzbekiston Respublikasida xizmat koʻrsatgan transport xodimi”,
Oʻzbekiston Respublikasida xizmat koʻrsatgan fuqaro aviatsiyasi xodimi”,
“Oʻzbekiston Respublikasida xizmat koʻrsatgan xalq taʼlimi xodimi”,
“Oʻzbekiston Respublikasida xizmat koʻrsatgan chorvador”,
“Oʻzbekiston Respublikasida xizmat koʻrsatgan ekolog”,
“Oʻzbekiston Respublikasida xizmat koʻrsatgan yurist”,
“Oʻzbekiston Respublikasida xizmat koʻrsatgan qishloq xoʻjalik xodimi”,
“Oʻzbekiston Respublikasida xizmat koʻrsatgan quruvchi”.
2. Oʻzbekiston Respublikasining faxriy unvonlari toʻgʻrisidagi Nizom tasdiqlansin (ilova qilinadi).
3. Oʻzbekiston Respublikasi faxriy unvonlarining koʻkrak nishonlari tavsifi tasdiqlansin (ilova qilinadi).
Oʻzbekiston Respublikasining Prezidenti I. KARIMOV
Toshkent sh.,
1996-yil 26-aprel,
226-I-son
“Oʻzbekiston Respublikasining faxriy unvonlarini taʼsis etish toʻgʻrisida”gi 1996-yil 26-aprelda qabul qilingan Oʻzbekiston Respublikasi Qonuni bilan TASDIQLANGAN
Oʻzbekiston Respublikasining faxriy unvonlari toʻgʻrisidagi
Nizom
Oʻzbekiston Respublikasining:
“Oʻzbekiston Respublikasi sanʼat arbobi” faxriy unvoni yuksak badiiy asarlar yaratgan, respublikada adabiyot va sanʼatni rivojlantirishda, ijodiy kadrlarni tayyorlash va tarbiyalashda xizmat koʻrsatgan rejissorlarga, bastakorlarga, dirijorlarga, baletmeysterlarga, musiqa, xor, raqs va boshqa badiiy jamoalarning rahbarlariga, madaniyat va sanʼat oʻquv yurtlarining muallimlariga, rang tasvir, naqqoshlik, oʻymakorlik, gilamdoʻzlik va xalq ijodiyotining boshqa turlarida yuksak asarlar yaratgan xalq ustalariga beriladi;
“Oʻzbekiston Respublikasi fan arbobi” faxriy unvoni olimlarga fan va texnika sohasidagi gʻoyat qimmatli asarlari, kashfiyot va ixtirolari uchun, Fan va texnikani rivojlantirishdagi, uning yutuqlarini targʻib va joriy etishdagi, respublika xalq xoʻjaligi uchun ilmiy kadrlar va yuqori malakali mutaxassislar tayyorlashdagi xizmatlari uchun beriladi;
“Oʻzbekiston iftixori” faxriy unvoni jahon chempionatlarida, Olimpiya oʻyinlarida va shularga teng jahon sport anjumanlarida gʻoliblik — chempionlik unvoniga erishgan hamda oʻz yutuqlari bilan Vatan obroʻsini, shoni va shuhratini ulugʻlashga koʻmaklashgan Oʻzbekiston Respublikasi fuqarolariga beriladi;
“Oʻzbekiston Respublikasi xalq artisti” faxriy unvoni atoqli sanʼat arboblariga teatr, musiqa, kino, estrada, sirk, televideniye va radio eshittirshni rivojlantirishdagi, respublikada ijodiy kadrlarni tayyorlash va tarbiyalashdagi alohida xizmatlari uchun beriladi;
“Oʻzbekiston Respublikasi xalq baxshisi” faxriy unvoni baxshichilik sanʼatini yanada rivojlantirishdagi, milliy qadriyatlarimizni eʼzozlash va oʻzbek xalq ogʻzaki ijodiyotini keng targʻib etishdagi, oʻz ijodi va ijrochilik faoliyati bilan xalqimizni, ayniqsa yoshlarni koʻp ming yillik madaniyatimiz sarchashmalaridan bahramand qilishdagi hamda Vatan istiqloli va shon-sharafini ulugʻlash yoʻlidagi salmoqli hissalari uchun Oʻzbekiston Respublikasi fuqarolariga beriladi;
“Oʻzbekiston Respublikasi xalq yozuvchisi” faxriy unvoni adabiyotni rivojlantirishda alohida xizmat koʻrsatgan, xalq tomonidan keng eʼtirof etilgan yuksak badiiy asarlar yaratgan yozuvchilarga, dramaturglar, tanqidchilar va adabiyotshunos olimlarga beriladi;
“Oʻzbekiston Respublikasi xalq rassomi” faxriy unvoni atoqli tasviriy sanʼat arboblariga rang tasvir, grafika, haykaltaroshlik, amaliy-dekorativ, teatr va kino sanʼatini rivojlantirishdagi alohida xizmatlari uchun beriladi;
“Oʻzbekiston Respublikasi xalq ustasi” faxriy unvoni xalq badiiy hunarmandchiligi va amaliy sanʼatni rivojlantirishda alohida xizmat koʻrsatgan xalq ustalariga ularning milliy madaniyatni yanada rivojlantirish va isteʼdodli yoshlarni tayyorlashga qoʻshgan hissalari uchun beriladi;
“Oʻzbekiston Respublikasi xalq shoiri” faxriy unvoni adabiyotni rivojlantirishda alohida xizmat koʻrsatgan, respublikada va uning sarhadlaridan tashqarida mashhur boʻlgan yuksak sheʼriy asarlar yaratgan shoirlarga beriladi;
“Oʻzbekiston Respublikasi xalq oʻqituvchisi” faxriy unvoni bolalar va yoshlarga taʼlim hamda tarbiya berishda, xalq taʼlimini rivojlantirish ishida alohida xizmat koʻrsatgan barcha turdagi umumtaʼlim maktablarining oʻqituvchilariga, oliy oʻrta maxsus oʻquv yurtlari, hunar-texnika bilim yurtlarining muallimlariga, xalq taʼlimi tizimidagi oʻquv-tarbiya, uslubiyat va boshqa muassasalarining xodimlariga beriladi;
“Oʻzbekiston Respublikasi xalq hofizi” faxriy unvoni qoʻshiqchilarga yuksak ijrochilik mahorati, Oʻzbekiston mumtoz musiqa merosini va musiqaviy-sheʼriy sanʼatning anʼanaviy shakllarini oʻzlashtirganligi va rivojlantirganligi, faol targʻib qilganligi uchun beriladi;
“Oʻzbekiston Respublikasida xizmat koʻrsatgan kommunal xoʻjaligi xodimi” faxriy unvoni birlashmalar, tashkilotlar va muassasalarning uy-joy kommunal xoʻjaligi sohasini rivojlantirishga munosib hissa qoʻshgan, oʻz mehnati bilan yuksak kasbiy mahoratini namoyon etgan hamda aholiga xizmat koʻrsatish ishini yaxshilashda alohida xizmat koʻrsatgan xodimlariga beriladi;
“Oʻzbekiston Respublikasida xizmat koʻrsatgan aloqa xodimi” faxriy unvoni aloqa vositalarini rivojlantirish va takomillashtirishda, respublika xalq xoʻjaligiga va aholisiga aloqaning barcha turlari bilan namunali xizmat koʻrsatish ishini tashkil etishda alohida xizmat koʻrsatgan aloqa xodimlariga beriladi;
“Oʻzbekiston Respublikasida xizmat koʻrsatgan artist” faxriy unvoni respublikada sanʼatni rivojlantirishda, respublikada ijodiy kadrlarni tayyorlash va tarbiyalashda xizmat koʻrsatgan teatr, kino, estrada, sirk, televideniye va radio eshittirish artistlari va rejissorlariga, musiqa ijrochilari va ashulachilarga, baletmeysterlarga, orkestr va xor dirijorlariga, musiqa va boshqa badiiy jamoalarning rahbarlariga beriladi;
Oʻzbekiston Respublikasida xizmat koʻrsatgan geolog” faxriy unvoni yer osti boyliklari geologiyasi va qidiruvi sohasini rivojlantirish, geologiya-qidiruvga oid ishlab chiqarishni kengaytirish, mineral-xom ashyo bazasini yaratish va mustahkamlash, foydali qazilma konlarini ochish va sanoat yoʻsinida oʻzlashtirishga topshirish, geologiya-qidiruv ishlarini amalga oshirishda va foydali qazilmalarni qazib olishda ekologik jihatdan toza ilgʻor va innovatsion texnologiyalarni ishlab chiqish hamda joriy etish, soha uchun chuqur bilimga ega kadrlar tayyorlash borasidagi katta xizmatlari uchun geologiya, geofizika, gidrogeologiya, topografiya-geodeziya tarmogʻining yuqori malakali geologlari va muhandis-texnik xodimlariga hamda ilmiy-tadqiqot va taʼlim muassasalarining tajribali mutaxassislariga beriladi;
“Oʻzbekiston Respublikasida xizmat koʻrsatgan yoshlar murabbiysi” faxriy unvoni yoshlarga kasb mahoratini oʻrgatishda, mehnatga halol va vijdonan munosabatni, yuksak vatanparvarlik va axloqiy fazilatlarni tarbiyalashda alohida xizmat koʻrsatgan xalq xoʻjaligi xodimlari va mutaxassislariga beriladi;
“Oʻzbekiston Respublikasida xizmat koʻrsatgan jurnalist” faxriy unvoni gazeta va jurnallar tahririyatlarining, televideniye va radio eshittirish, axborot agentliklarining matbuotni rivojlantirishda katta xizmat, ijodda va tashkilotchilik faoliyatida alohida oʻrnak koʻrsatgan jurnalistlariga, nashriyotlar, boshqa tashkilotlarning ana shunday xodimlariga beriladi;
“Oʻzbekiston Respublikasida xizmat koʻrsatgan irrigator” faxriy unvoni suv xoʻjaligi, qurilish, loyiha, ilmiy-tadqiqot va boshqa tashkilotlarning suv xoʻjaligi obyektlarini qurish hamda ulardan foydalanish bilan shugʻullanadigan va suv xoʻjaligini hamda sugʻoriladigan dehqonchilikni rivojlantirishda, shuningdek respublika tabiatini muhofaza etishda alohida xizmat koʻrsatgan xodimlariga beriladi;
“Oʻzbekiston Respublikasida xizmat koʻrsatgan ixtirochi va ratsionalizator” faxriy unvoni xalq xoʻjaligiga joriy etilgan va katta iqtisodiy samara bergan ixtirolar va ratsionalizatorlik takliflarining mualliflariga, shuningdek ixtirochilik va ratsionalizatorlikni rivojlantirishda, ixtirolar va ratsionalizatorlik takliflarini ishlab chiqarishga joriy etishda xizmat koʻrsatgan shaxslarga beriladi;
“Oʻzbekiston Respublikasida xizmat koʻrsatgan iqtisodchi” faxriy unvoni xalq xoʻjaligi barcha tarmoqlarining iqtisodiyotni yuksaltirishda alohida xizmat koʻrsatgan yuqori malakali iqtisodchilariga va buxgalteriya hisobi xodimlariga beriladi;
“Oʻzbekiston Respublikasida xizmat koʻrsatgan madaniyat xodimi” faxriy unvoni madaniy-maʼrifiy muassasalar, televideniye, radio, matbuot, nashriyotlar, tarix va madaniyat yodgorliklarini saqlash xodimlariga, shuningdek madaniyatni rivojlantirishda alohida xizmat koʻrsatgan shaxslarga beriladi;
“Oʻzbekiston Respublikasida xizmat koʻrsatgan meʼmor” faxriy unvoni milliy meʼmorchilikni, shaharsozlikni rivojlantirishda, zamonaviy fuqarolik, sanoat va qishloq meʼmorchilik majmualari, binolari va inshootlari yaratishda, shuningdek respublikada meʼmorchilik yodgorliklarini taʼmirlash sohasida xizmat koʻrsatgan yuqori malakali meʼmorlarga beriladi;
“Oʻzbekiston Respublikasida xizmat koʻrsatgan paxtakor” faxriy unvoni jamoa, aksiyadorlik, dehqon, ijara, shaxsiy va boshqa turdagi xoʻjaliklarning, korxonalarning, oʻquv yurtlari, ilmiy-tadqiqot va tajriba muassasalarining pillachilikni rivojlantirishda alohida xizmat koʻrsatgan xodimlariga, shuningdek boshqa shaxslarga beriladi;
“Oʻzbekiston Respublikasida xizmat koʻrsatgan pillachi” faxriy unvoni jamoa, aksiyadorlik, dehqon, ijara, shaxsiy va boshqa turdagi xoʻjaliklarning, korxonalarning, oʻquv yurtlari, ilmiy-tadqiqot va tajriba muassasalarining pillachilikni rivojlantirishda alohida xizmat koʻrsatgan xodimlariga, shuningdek boshqa shaxslarga beriladi;
“Oʻzbekiston Respublikasida xizmat koʻrsatgan sanoat xodimi” faxriy unvoni sanoat birlashmalari va korxonalarining, ilmiy-tadqiqot va loyiha-konstruktorlik muassasalarining respublika sanoatini rivojlantirishda alohida xizmat koʻrsatgan xodimlariga beriladi;
“Oʻzbekiston Respublikasida xizmat koʻrsatgan sogʻliqni saqlash xodimi” faxriy unvoni ilmiy-tadqiqot, davolash-profilaktika, sanitariya-epidemiologiya va farmatsevtika muassasalarining sogʻliqni saqlashni rivojlantirishda va tibbiy xizmatni tashkil etish hamda respublika aholisi sogʻligʻini muhofaza qilishda alohida xizmat koʻrsatgan xodimlariga, shu jumladan oʻrta va kichik tabaqa tibbiy xodimlariga beriladi;
“Oʻzbekiston Respublikasida xizmat koʻrsatgan sport ustozi” faxriy unvoni Olimpiada va Osiyo oʻyinlarining, jahon, Osiyo chempionatlarining, birinchiliklarining, A guruhidagi boshqa xalqaro musobaqalarning, Olimpiada oldi oʻyinlari yoki nogironligi boʻlgan shaxslar umumjahon chempionatlarining chempionlari va sovrindorlarini tayyorlagan, shuningdek jismoniy tarbiya va sportni rivojlantirishda alohida xizmat koʻrsatgan sport ustozlariga beriladi;
“Oʻzbekiston Respublikasida xizmat koʻrsatgan sportchi” faxriy unvoni jahon chempionlari hamda rekordchilariga, Olimpiada va Osiyo oʻyinlari sovrindorlariga, shuningdek sport musobaqalarida yuksak natijalarga erishgan boshqa sportchilarga beriladi;
Oʻzbekiston Respublikasida xizmat koʻrsatgan tadbirkor” faxriy unvoni biznesning yangi, yuqori daromadli yoʻnalishlarini yoʻlga qoʻygan, sohaga innovatsiyalarni keng joriy qilish, zamonaviy ishlab chiqarish quvvatlarini barpo etish, eksport salohiyatini oshirish, xorijiy va mahalliy investitsiyalarni faol jalb qilish, yangi ish oʻrinlarini yaratish orqali mamlakatimiz iqtisodiyotini rivojlantirish hamda aholi farovonligini yuksaltirishga munosib hissa qoʻshib kelayotgan, shuningdek faoliyatida davlat organlari bilan hamkorlikni amalga oshirib, ijtimoiy loyihalardagi faolligi bilan boshqalarga namuna boʻlayotgan, biznes yuritishda katta tajribaga ega boʻlgan, ilgʻor va tashabbuskor tadbirkorlik subyektlari rahbarlariga hamda taʼsischilariga beriladi;
“Oʻzbekiston Respublikasida xizmat koʻrsatgan transport xodimi” faxriy unvoni avtomobil, temir yoʻl, havo, daryo, shahar transporti, yoʻllar qurilishi va ulardan foydalanish, oʻquv yurtlari, ilmiy-tadqiqot muassasalari, loyiha tashkilotlarining, shuningdek boshqa transport korxonalarining respublika transportini rivojlantirishda, transport vositalaridan foydalanish samaradorligini oshirishda, yoʻllar qurish va ulardan foydalanishda alohida xizmat koʻrsatgan xodimlariga beriladi;
“Oʻzbekiston Respublikasida xizmat koʻrsatgan fuqaro aviatsiyasi xodimi” faxriy unvoni havo transportini rivojlantirishda, zamonaviy aviatsiya texnikasini oʻzlashtirishda, aholiga va respublika xalq xoʻjaligiga namunali xizmat koʻrsatishni tashkil etishda alohida xizmat koʻrsatgan fuqaro aviatsiyasi xodimlari va mutaxassislariga beriladi;
“Oʻzbekiston Respublikasida xizmat koʻrsatgan xalq taʼlimi xodimi” faxriy unvoni barcha turdagi umumtaʼlim maktablarining, oliy va oʻrta maxsus oʻquv yurtlarining, hunar-texnika bilim yurtlarining, maktabgacha tarbiya bolalar muassasalari va qoʻshimcha taʼlim tashkilotlarining, oʻqituvchilar malakasini oshirish bilan shugʻullanuvchi uslubiyat kabinetlari, kurslar va institutlarning respublika xalq taʼlimini rivojlantirishda alohida xizmat koʻrsatgan xodimlariga, shuningdek xalq taʼlimi boshqa muassasalarining ana shunday xodimlariga beriladi;
“Oʻzbekiston Respublikasida xizmat koʻrsatgan chorvador” faxriy unvoni jamoa, aksiyadorlik, dehqon, ijara, shaxsiy va boshqa turdagi xoʻjaliklarning, shuningdek oʻquv yurtlari, ilmiy-tadqiqot va zooveterinariya muassasalarining, loyiha tashkilotlarining chorvachilikni rivojlantirishga katta hissa qoʻshgan xodimlariga beriladi;
Oʻzbekiston Respublikasida xizmat koʻrsatgan ekolog” faxriy unvoni mamlakatimizda ekologiya va atrof-muhitni muhofaza qilish sohasini rivojlantirish, tabiatni asrab-avaylash, biologik xilma-xillikni saqlash, iqlim oʻzgarishi oqibatlarini yumshatish, tabiiy resurslardan oqilona foydalanish va ularni qayta tiklash borasida salmoqli natijalarga erishgan, shuningdek ekologik jihatdan toza va innovatsion texnologiyalarni ishlab chiqishda hamda amaliyotga joriy etishda, yashil hududlarni kengaytirishda va koʻkalamzorlashtirish ishlarida alohida tashabbus koʻrsatgan, aholining ekologik madaniyatini oshirish, yosh avlodni tabiatga hurmat ruhida tarbiyalash hamda tizimda yuqori malakali kadrlarni tayyorlash borasida fidokorona mehnat qilayotgan mutaxassis-xodimlarga va soha vakillariga, shuningdek mazkur yoʻnalishda jamoatchilik nazoratini amalga oshirayotgan ekofaollarga beriladi;
“Oʻzbekiston Respublikasida xizmat koʻrsatgan yurist” faxriy unvoni qonunchilikni rivojlantirishda, qonuniylik va huquq-tartibotni mustahkamlashda, xalq xoʻjaligida huquqiy ishni yaxshilashda, huquq fanlarini rivojlantirish va yuridik kadrlarni tayyorlashda alohida xizmat koʻrsatgan yuqori malakali yuristlarga beriladi;
“Oʻzbekiston Respublikasida xizmat koʻrsatgan qishloq xoʻjalik xodimi” faxriy unvoni qishloq xoʻjalik ishlab chiqarishi sohasining, qishloq xoʻjalik ilmiy-tadqiqot muassasalari va oʻquv yurtlarining qishloq xoʻjaligini rivojlantirishda alohida xizmat koʻrsatgan xodimlariga beriladi;
“Oʻzbekiston Respublikasida xizmat koʻrsatgan quruvchi” faxriy unvoni qurilish, montaj va loyiha tashkilotlarining, ilmiy-tadqiqot va boshqa muassasalarning respublikada qurilishni va qurilish industriyasini rivojlantirishda alohida xizmat koʻrsatgan xodimlariga beriladi.
“Oʻzbekiston Respublikasining faxriy unvonlarini taʼsis etish toʻgʻrisida”gi 1996-yil 26-aprelda qabul qilingan Oʻzbekiston Respublikasi Qonuni bilan TASDIQLANGAN
Oʻzbekiston Respublikasi faxriy unvonlarining koʻkrak nishonlari
TAVSIFI
“Oʻzbekiston Respublikasi sanʼat arbobi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida rangin taxta (palitra) moʻyqalamlari bilan, skripka va ochiq kitob, pastki oʻng chekkasida dafna novdasi tasvirlangan. Nishonning chap qismidan “SANʼAT ARVOVI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻich halqa va ilmoqcha yordamida ulanadi.
“Oʻzbekiston Respublikasi fan arbobi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida yadro atrofidagi elektronlar trayektoriyasi, pastki oʻng chekkasida dafna novda tasvirlangan. Nishonning chap qismidan “FAN ARVOVI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasing Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston iftixori”
Koʻkrak nishoni 1 mikron qalinlikda tilla qoplangan 925 probali kumushdan tayyorlanib, diametri 36 millimetrli doira shaklida boʻladi.
Nishonning hoshiyalangan tekis yuz tomonida kumushrang aylanma yugurish yoʻlkalari bilan oʻralgan, yashil rangli emal qoplangan stadion maydoni tasvirlangan boʻlib, uning markazida olimpiya ramzi — ichki sathi ham kumushrang beshta oʻzaro tutash halqalar joylashgan. Stadion maydoni uzra Oʻzbekiston Respublikasi Davlat gerbini tutib turgan ikkita kumushrang qoʻl tasvirlangan. Gerbning yuqori qismida, musamman joylashgan yerda diametri 1,5 millimetrli yoqut joylashtiriladi. Nishonning yuqori yarim aylanasi boʻylab, gerb uzra “OʼZBEKISTON IFTIXORI” degan yozuv joylashgan. Nishonning pastki yarim aylanasida yashil shaffof emal qoplangan dafna novdasi joylashgan boʻlib, uning oʻrtasidan Oʻzbekiston Respublikasining Davlat bayrogʻi ranglaridagi lenta oʻtgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasi Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq artisti”
Koʻkrak nishoni 0,25 mikron qalinliqda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida pardasi ochilgan teatr sahnasiniig bir qismi, niqob, pastki oʻng chekkasida dafna novdasi tasvirlangan. Parda ostidagi tekis sathdan, nishon markazining chaprogʻidan “XALQ ARTISTI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq baxshisi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida milliy cholgʻu asbobi — doʻmbira chalib kuylayotgan baxshi, pastki oʻng chekkasida dafna novdasi tasvirlangan. Ramzlarning yuqorirogʻidan “XALQ BAXSHISI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga xalqa va ilmoqcha yordamida ulanadi.
“Oʻzbekiston Respublikasi xalq yozuvchisi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida togʻlar va vodiy fonida ochiq kitob, pastki oʻng chekkasida dafna novdasi tasvirlangan. Nishonning chap tomonida ramzlarning pastrogʻidan “XALQ YOZUVCHISI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq rassomi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida molbert fonida taxta (palitra) moʻyqalamlari bilan, pastki oʻng chekkasida dafna novdasi tasvirlangan. Nishonning chap tomonida ramzning yuqorirogʻida “XALQ RASSOMI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq ustasi”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida xalq ustalari yasagan buyumlar (qumgʻon, lagan va xontaxta), pastki oʻng chekkasida dafna novdasi tasvirlangan. Nishonning chap qismi yuqorirogʻidan “XALQ USTASI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq shoiri”
Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida pat-qalam va qogʻoz varagʻi, pastki oʻng chekkasida dafna novdasi tasvirlangan. Unvonning chap tomonida ramzlarning yuqorirogʻidan “XALQ SHOIRI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasi xalq oʻqituvchisi”
Kukrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida maktab binosining.fonida darslik, daftar, globus, pastki oʻng chekkasida dafna novdasi tasvirlangan. Nishon markazining yuqorirogʻida, tekis sathdan “XALQ OʼQITUVCHISI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga xalqa va ilmoqcha yordamida ulanadi.
“Oʻzbekiston Respublikasi xalq hofizi”
Koʻkrak nishoni 0,25 mikron qalinlikda tilla qoplangan probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.
Nishonning hoshiyalangan tekis yuz tomonida milliy.cholgʻu asboblaridan doira va dutor pastki oʻng chekkasida dafna novdasi tasvirlangan. Ramzlarning yuqorirogʻidan “XALQ XOFIZI” degan yozuv gorizontal holatda joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasi Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan kommunal xoʻjaligi xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida oʻrtaroqda aholiga kommunal xizmat koʻrsatishning ramzi sifatida markazda koʻp kvartirali uy, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʻRSATGAN KOMMUNAL XOʻJALIGI XODIMI” degan yozuv joylashgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga xalqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomoniga nishonni kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Oʻzbekiston Respublikasida xizmat koʻrsatgan aloqa xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida axborot uzatayotgan aloqa yoʻldoshi, parabolik antenna, pastki oʻng chekkada dafna novdasi tasvirlangan. Nishonning aylanasi boʻylab “XIZMAT KOʼRSATGAN ALOQA XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan artist”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nnshonning qalinligi 2,2 millimetr.
Nishonning hoshiyalangan tekis yuz tomonida doira, niqob va royal, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN ARTIST” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan kadagʻichga halqa va ilmoqcha yordamida ulanadi.
Oʻzbekiston Respublikasida xizmat koʻrsatgan geolog
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning yuz tomoni markazida, koʻtarilayotgan quyosh nurlari fonida, yurtimizning noyob tabiati va boy resurslarini aks ettiruvchi vodiy, daryo va togʻ choʻqqilari hamda uning yuqori qismida ikkita kesishgan geologik bolgʻa va kompas aks ettirilgan.
Nishonning aylanasi boʻylab pastki oʻng qismida dafna novdasi va yuqori qismida “XIZMAT KO`RSATGAN GEOLOG” yozuvi joylashgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Nishonning yuz va orqa tomonlari chekkalari qabariq hoshiya bilan oʻralgan.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomoniga nishonni kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Oʻzbekiston Respublikasida xizmat koʻrsatgan yoshlar murabbiysi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomoni oʻrtarogʻida kaftlar eʼzozidagi, ochila boshlagan gul gʻunchasi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN YOSHLAR MURABBIYSI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan jurnalist”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida avtoruchka va bloknot, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN JURNALIST” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan irrigator”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomoni oʻrtarogʻida gidrostansiyadan oqib tushib mavj urayotgan suv toʻlqini, chaprogʻida gʻoʻza tupi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN IRRIGATOR” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuvlar qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekison Respublikasida xizmat koʻrsatgan ixtirochi va ratsionalizator”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomoni oʻrtarogʻida shtangensirkul, tishli gʻildirak va qogʻoz varagʻi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN IXTIROCHI VA RATSIONALIZATOR” degan yozuv ikki qator boʻlib joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan iqtisodchi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida xalq xoʻjaligi obyektlari razmlari tushirilgan Oʻzbekiston Respublikasi xaritasi fonida kompyuter, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAT IQTISODCHI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan madaniyat xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida ochiq kitob fonida gʻijjak va rangin taxta (palitra) moʻyqalamlari bilan, pastki chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN MADANIYAT XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan meʼmor”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida zamonaviy meʼmorchilik inshooti fonida ioniy (meʼmoriy) order va qogʻoz varagʻi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN ME'MOR” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan paxtakor”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida oʻrtaroqda kaftlar eʼzozida paxta chanogʻi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN RAXTAKOR” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan pillachi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida gazlama oʻrami ustida pillasi bilan tut barglari, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN RILLASNI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan sanoat xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida sanoat obyektlari, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN SANOAT XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan sogʻliqni saqlash xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomoni oʻrtarogʻida shifokorlarning ramzi boʻlmish ilon chirmashgan qadah, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN SOGʼLIQNI SAQLASH XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan sport ustozi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida yugurish yoʻlkasi fonida yosh sportchi ustozi bilan, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN SPORT USTOZI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan sportchi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida yugurish yoʻlkalari va futbol maydoni fonida mashʼala, pastki, oʻng chekkasida dafna novdasi tasvirlangan. Nishonning aylanasi boʻylab “XIZMAT KO'RSATGAN SPORTCHI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan tadbirkor”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning yuz tomonida, Oʻzbekiston Respublikasining geografik xaritasi hamda quyosh nurlari fonida tadbirkorlikning jadal rivojlanishi va uning mamlakatimiz taraqqiyotiga qoʻshgan munosib hissasini aks ettiruvchi iqtisodiy oʻsish belgisi va tangalar aks ettirilgan.
Nishonning aylanasi boʻylab pastki oʻng qismida dafna novdasi va yuqori qismida “XIZMAT KOʻRSATGAN TADBIRKOR” yozuvi joylashgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Nishonning yuz va orqa tomonlari chekkalari qabariq hoshiya bilan oʻralgan.
Koʻkrak nishonining ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomonida nishonni kiyimga taqib qoʻyish uchun toʻgʻnogʻich tarzidagi moslama mavjud.
“Oʻzbekiston Respublikasida xizmat koʻrsatgan transport xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida teplovoz, yuk shinasi va samolyot, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN TRANSPORT XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan fuqaro aviatsiyasi xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida markazida ufqdan bosh koʻtarayotgan quyosh fonida samoda bulutlar uzra parvoz qilayotgan havo kemasi, pastki oʻng chekkasida — dafna novdasi tasvirlangan. Nishonning aylanasi boʻylab “XIZMAT KO'RSATGAN GʻUQARO AVIATSIASI XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasi Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan xalq taʼlimi xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida oʻrtaroqda och kitob fonida globus va uchburchak chizgʻich, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN XALQ TAʼLIMI XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan chorvador”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida chorvachilik fermasi fonida oʻtlab yurgan qoʻy podasi va otliq choʻpon, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN CHORVADOR” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan ekolog”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning yuz tomoni markazida, koʻtarilayotgan quyosh nurlari fonida, ikki tomonga ochilgan, asrab-avaylashni ifodalaydigan kaftlar uzra yurtimiz tabiatini aks ettiruvchi vodiy, daryolar va togʻ choʻqqilari tasvirlangan.
Nishonning aylanasi boʻylab pastki oʻng qismida dafna novdasi tasvirlangan va yuqori qismida “XIZMAT KO`RSATGAN EKOLOG” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Nishonning yuz va orqa tomonlari chekkalari qabariq hoshiya bilan oʻralgan.
Koʻkrak nishonining ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomonida nishonni kiyimga taqib qoʻyish uchun toʻgʻnogʻich tarzidagi moslama mavjud.
“Oʻzbekiston Respublikasida xizmat koʻrsatgan yurist”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida qalqon, qilich va tarozi, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN YURIST” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan qishloq xoʻjalik xodimi”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida balandlik uzra taratib turgan quyosh fonida egatlar olingan dala va traktor, pastki oʻng chekkasida dafna novdasi tasvirlangan. Nishonning aylanasi boʻylab “XIZMAT KOʼRSATGAN QISHLOQ XOʼJALIK XODIMI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
“Oʻzbekiston Respublikasida xizmat koʻrsatgan quruvchi”
Koʻrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning hoshiyalangan tekis yuz tomonida qurilish maydoni, pastki oʻng chekkasida dafna novdasi tasvirlangan. Nishonning aylanasi boʻyicha “XIZMAT KOʼRSATGAN QURUVCHI” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.