Oʻzbekiston Respublikasi Ichki ishlar vazirligining Yongʻindan saqlash oliy texnik maktabini tashkil etish toʻgʻrisida (404-son)

11.08.1993

Oʻzbekiston Respublikasi Vazirlar Mahkamasining

qarori

Yongʻin xavfsizligi mutaxassislarini qayta tayyorlash tizimini takomillashtirish va Oʻzbekiston ichki ishlar vazirligi oʻquv yurtlari tuzilmasini eng maqbul holga keltirish maqsadida Vazirlar Mahkamasi qaror qiladi:

1. Yongʻin xavfsizligi muhandislari Toshkent fakulteti va Oʻzbekiston Respublikasi Ichki ishlar vazirligining yongʻin xavfsizligi mutaxassislarini tayyorlash va ichki ishlar organlari boshliqlari tarkibi malakasini oshirish boʻyicha Toshkent yongʻindan saqlash texnik bilim yurti negizida Oʻzbekiston Respublikasi Ichki ishlar vazirligining Yongʻindan saqlash oliy texnik maktabi tashkil etilsin.

Oʻzbekiston Respublikasi Ichki ishlar vazirligining Yongʻindan saqlash oliy texnik maktabini tashkil etish birlashtiriladigan oʻquv yurtlari doimiy va oʻzgaruvchan tarkibning amaldagi umumiy soni doirasida amalga oshirilsin.

2. Oʻzbekiston Respublikasi Ichki ishlar vazirligi Oʻzbekiston Respublikasi Oliy va oʻrta maxsus taʼlim vazirligi bilan kelishgan holda bir oy muddatda Yongʻindan saqlash oliy texnik maktabining Ustavini va tuzilmasini ishlab chiqsin va tasdiqlasin.

3. Oʻzbekiston Respublikasi Moliya vazirligi Oʻzbekiston Respublikasi Ichki ishlar vazirligining Yongʻindan saqlash oliy texnik maktabini 1993-yilda moliyaviy taʼminlashni Oʻzbekiston Respublikasi Ichki ishlar vazirligini mablagʻ bilan taʼminlash uchun ajratilgan budjet mablagʻlari doirasida amalga oshirsin.

4. Oʻzbekiston Respublikasi Istiqbolni belgilash va statistika davlat qoʻmitasi bir oy muddatda Oʻzbekiston Respublikasi Ichki ishlar vazirligiga 1993-1994-yillarda Yongʻindan saqlash oliy texnik maktabining oʻquv-laboratoriya binosi qurilishini nihoyasiga yetkazish uchun mablagʻ binosi ajratish toʻgʻrisidagi masalani koʻrib chiqsin.

Vazirlar Mahkamasining Raisi I. KARIMOV

Toshkent sh.,

1993-yil 11-avgust,

404-son