Rossiya markaziy bankining 1961-1992 yillar namunasidagi SSSR davlat xazina biletlarini, SSSR davlat banki biletlarini va Rossiya banki banknotlarini muomaladan chiqarish hamda Rossiya bankining 1993 yil namunasidagi banknotlarini joriy etish toʻgʻrisidagi qarori bilan bogʻliq chora-tadbirlar haqida (374-son)

26.07.1993

Oʻzbekiston Respublikasi Vazirlar Mahkamasining

qarori

[Koʻchirma]

“Oʻzbekiston Respublikasining pul tizimi toʻgʻrisida” Oʻzbekiston Respublikasi Qonuniga muvofiq hamda Rossiya Markaziy banki 1961—1992-yillar namunasidagi SSSR davlat xazina biletlarini, SSSR Davlat banki biletlarini va Rossiya bankining banknotlarini 1993-yil 26-iyuldan boshlab muomaladan chiqarishga qaror qilganligi munosabati bilan Vazirlar Mahkamasi qaror qiladi:

1. Ushbu masala boʻyicha Rossiya Federatsiyasi Markaziy bankining xabari va Rossiya Federatsiyasi Hukumatining Bayonoti maʼlumot uchun qabul qilinsin.

2. Respublikada 1961—1992-yillar namunasidagi pul biletlarini olib qoʻyish va Rossiya bankining 1993-yil namunasidagi banknotlarini joriy etish boʻyicha ishlarni muvofiqlashtirish uchun respublika hukumat komissiyasi ilovaga* muvofiq tuzilsin.

* ilova berilmaydi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tegishli komissiyalarni tuzsinlar.

3. “Oʻzjamgʻarmabank”, boshqa tijorat banklari, Aloqa vazirligi 1993-yil 26-iyuldan boshlab sobiq SSR Ittifoqi mamlakatlaridan 1961—1992-yillar namunasidagi SSSR davlat xazina biletlarini, SSSR Davlat bankining biletlarini va Rossiya bankining biletlarini toʻlovlarning barcha turlari uchun qabul qilib olishni toʻxtatsinlar.

Jamgʻarmalar bankining hududiy organlari omonatlarni yashash joyi boʻyicha pasportda propiska toʻgʻrisida belgi mavjud boʻlgan taqdirda faqat Oʻzbekiston Respublikasi fuqarolaridan qabul qilishni amalga oshirsinlar.

4. Oʻzbekiston Respublikasi Markaziy banki 1993-yil 30-iyulgacha Rossiya bankining 1993-yilda chiqarilgan namunadagi naqd pul belgilarini olib kelishni va 1993-yil 8-avgustgacha ish haqi, pensiyalar, stipendiyalar va boshqa xildagi oylik toʻlovlarni toʻlashni taʼminlasin.

Ichki ishlar vazirligi, Milliy xavfsizlik xizmati, “Oʻzbekiston havo yoʻllari” milliy aviakompaniyasi Rossiya bankining 1993-yilda chiqarilgan zarur banknotlarining Rossiya Federatsiyasidan belgilangan joygacha xavfsiz va oʻz vaqtida yetkazib berilishini taʼminlasinlar.

5. “Oʻzbeksavdo” davlat uyushmasi (Usmonov), Oʻzbekbirlashuv (Volkov), savdo tarmogʻiga ega boʻlgan vazirliklar va idoralar:

sanoat, xoʻjalik, madaniy, sport tovarlarini va boshqa nooziq-ovqat tovarlarni sotuvchi doʻkonlar va boʻlimlarda shu yilning 26-iyulidan boshlab qayta hisoblashni tashkil etsinlar;

oʻz tizimlarining ulgurji boʻgʻinlarida tovar resurslarini toʻplash boʻyicha shoshilinch chora-tadbirlar koʻrsinlar.

6. “Oʻzistiqbolstat” davlat qoʻmitasi, Oʻzbekiston Respublikasi Markaziy banki, Moliya vazirligi, Davlat bojxona qoʻmitasi tegishli vazirliklar, idoralar va muassasalar bilan birgalikda 1961—1992-yillar namunasidagi pul belgilarini Rossiya bankining 1993-yil namunasidagi banknotlariga almashtirish tartibi va muddatlari toʻgʻrisida bir hafta muddatda respublika hukumatiga takliflar kiritsinlar.

10. Oʻzbekiston Respublikasi Bosh vazirining oʻrinbosari K. N. Toʻlaganov tramvayda, trolleybusda, avtobusda, metroda va shahar atrofida qatnaydigan transportda (taksidan tashqari) yurish uchun haq toʻlashning vaqtinchalik jeton tizimini ishlab chiqishni va uni joriy qilishni shu yilning 10-avgustigacha taʼminlasin.

Vazirlar Mahkamasining Raisi I. KARIMOV

Toshkent sh.,

1993-yil 26-iyul,

374-son